ເພສຂ່າວຫນັງສືພິມປ້ອງກັນຄວາມສະຫງົບໃຫ້ຮູ້ວ່າ: ເຈົ້າໜ້າທີ່ ປກສ ເມືອງ ໄຊທານີ ນະຄອນຫຼວງວຽງຈັນ ສາມາດຈັບຕົວກຸ່ມກໍ່ເຫດພາເດັກຍິງ ທັງ 4 ຄົນໄປ ໄດ້ແລ້ວ ແລະ ເດັກຍິງທັງ 4 ປອດໄພ ມອບໃຫ້ຜູ້ປົກຄອງແລ້ວ.
ວັນທີ 25 ທັນວາ 2023, ຜູ້ປົກຄອງຂອງເດັກນ້ອຍ ໄດ້ເຂົ້າໄປເຮັດບົດບັນທຶກແຈ້ງຄວາມນຳນາຍບ້ານຫົວຊຽງ ເມືອງໄຊທານີ ນະຄອນວຽງຈັນ ແລະ ແຈ້ງຕໍ່ເຈົ້າໜ້າທີ ປກສ ເມືອງໄຊທານີ ວ່າ: ເກີດເຫດການເດັກນ້ອຍຍິງ 4 ຄົນ ອາຍຸລະຫວ່າງ 13-14 ປີ ຢູ່ບ້ານຫົວຊຽງ ເມືອງໄຊທານີ ນະຄອນຫລວງວຽງຈັນ ຫາຍຕົວໄປ ພາຍຫລັງເດັກນ້ອຍເລີກໂຮງຮຽນເວລາປະມານ 15:45 ນາທີ ຂອງວັນທີ ວັນທີ 25 ທັນວາ 2023 ເຊິ່ງ ເດັກນ້ອຍທັງສີ່ໄດ້ຍ່າງໄປຂຶ້ນລົດໃຫຍ່ຄັນໜຶ່ງມາຈອດລໍຖ້າຮັບໄປ. ຈາກນັ້ນ ກໍບໍ່ສາມາດຕິດຕໍ່ຫາໄດ້ເລີຍ.
ໃນຕອນເຊົ້າວັນທີ 26 ທັນວາ 2023, ເຈົ້າໜ້າທີ່ ປກສ ເມືອງໄຊທານີ ສາມາດຈັບຕົວກຸ່ມແກ້ງກໍ່ເຫດພາເດັກທັງ 4 ຄົນໄປ ໄດ້ແລ້ວ ແລະ ລາຍລະອຽດຍັງຢູ່ໃນຂັ້ນຕອນຂອງການສອບສວນ; ລາຍລະອຽດຈະລາຍງານຕາມຫຼັງ.
