ຈຳນວນຜູ້ເດີນທາງຜ່ານດ່ານຊາຍແດນກວດກາຄົນເຂົ້າ-ອອກ ບໍ່ຫານ ບັນລຸລື່ນກາຍ 1 ລ້ານຄົນ

ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາຍໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການຮ່ວມມືອຸດສາຫະ ກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດ ທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນພາກພື້ນຊາຍແດນຂອງສອງປະເທດລາວ ແລະ ຈີນ.

ວັນທີ 8 ພຶດສະພາຜ່ານມານີ້, ຫ້ອງວ່າການປົກຄອງນະຄອນຄຸນໝິງໄດ້ອອກຖະແຫຼງ ການ “ມາດຕະການຄຸ້ມຄອງ ຫລື ທົດລອງນຳໃຊ້ ການຮ່ວມມືຂ້າມພາກພື້ນທີ່ສຳຄັນ “ເຂດສວນອຸດສາຫະກຳ” ຢູ່ນະຄອນຄຸນໝິງ “. ມາດຕະການ ດັ່ງກ່າວມີຄວາມຊັດເຈນ ແລະ ໃນນັ້ນ “ເຂດສວນອຸສາຫະກຳ” ທີ່ສຳຄັນແມ່ນໝາຍເຖິງເຂດຮ່ວມມືອຸດສາຫະກຳເສດຖະກິດ ບໍ່ເຕ່ນ-ບໍ່ຫານ ລາວ-ຈີນ ແລະ ເຂດສວນອຸດສາຫະ ກຳວິທະຍາສາດ ແລະ ເຕັກໂນໂລຊີຄຸນໝິງ ນະຄອນຊຽງໄຮ້ ແລະ ຢຸນນານລີງກວາງ. “ມາດຕະການ” ດັ່ງກ່າວ ໄດ້ມີການຊີ້ແຈງການແບ່ງປັນຜົນປະໂຫຍດ ແລະ ການກວດສອບຂໍ້ມູນຕ່າງໆ, ການເກັບພາສີລາຍໄດ້ທີ່ໄດ້ຈາກໂຄງການ, ຫຼັງຈາກຫັກສ່ວນທີ່ຍັງຄົງຄ້າງຢູ່ຂັ້ນເມືອງ ພາຍຫຼັງທີ່ວິສາຫະກິດໄດ້ນຳໃຊ້ນະໂຍບາຍບຸລິມະສິດດ້ານອຸດສາຫະກຳແລ້ວ ແລະ ຈະແບ່ງໃຫ້ບັນດາເຂດການຮ່ວມມືຂັ້ນເມືອງທີ່ກ່ຽວຂ້ອງ.

ໂຄງການທີ່ມີການລົງທຶນຊັບສິນຄົງທີ່, ມີມູນຄ່າຜົນການຜະລິດອຸດສາຫະກໍາເກີນຂະຫນາດທີ່ກໍານົດໄວ້, ມີມູນຄ່າການຂາຍ ຫລື ການດຳເນີນທຸລະກິດການຄ້າທີ່ເກີນຂະໜາດການກຳນົດ, ມີລາຍຮັບການດໍາເນີນທຸລະກິດດ້ານການບໍລິການທີ່ມີຂະຫນາດເກີນກໍານົດ ແລະ ຂໍ້ມູນເສດຖະກິດຕົ້ນຕໍທີ່ສຳຄັນອື່ນໆ ແລະ ຈະລວມເຂົ້າໃນຈຳນວນຂໍ້ມູນຕົວເລກມູນຄ່າທັງໝົດຂອງສະຖານທີ່ຮ່ວມມື ແລະ ສະຖານທີ່ຮອງຮັບ. ເງິນທຶນທີ່ໄດ້ຈາກການດຶງດູດອຸດສາຫະກຳການຜະລິດທີ່ຢູ່ນອກແຂວງຂອງບັນດາໂຄງການ ແລະ ການນຳໃຊ້ເງິນລົງທຶນຈາກຕ່າງປະເທດຕົວຈິງ ແມ່ນເອົາລວມເຂົ້າກັບມູນຄ່າທັງໝົດຂອງສະຖານທີ່ການຮ່ວມມື. ສໍາລັບເຂດປົກຄອງເມືອງ ຫລື ນະຄອນ ແລະ ເຂດພັດທະນາ ຫລື ເຂດພັກຜ່ອນທ່ອງທ່ຽວ ທີ່ຕັ້ງໜ້າປະກອບສ່ວນ ແລະ ຊຸກຍູ້ໃຫ້ “ເຂດພັດທະນາເສດຖະ ກິດ” ໃຫ້ເກີດຜົນເປັນຈິງນັ້ນ ແມ່ນມີຄະນະກໍາມະການປະຕິຮູບ ແລະ ການພັດທະນາ ຮ່ວມກັບຜູ້ປະກອບການອຸດສາຫະກໍາຂັ້ນເມືອງໃນການຄຸ້ມຄອງ, ໂດຍອີງໃສ່ຄຳແນະນຳກ່ຽວການບວກຄະແນນທີ່ມີການລະບຸຢູ່ໃນວິທີການປະເມີນເປົ້າຫມາຍການຄຸ້ມຄອງປະຈໍາປີ, ການຄຸ້ມຄອງດັ່ງກ່າວຈະໄດ້ຮັບການປະຕິບັດພາຍຫຼັງທີ່ມີການອະນຸມັດໂດຍຫ້ອງການການປະເມີນເປົ້າຫມາຍຂອງໜ່ວຍງານຄະນະນໍາພາ.

ວັນທີ 10 ພຶດສະພາຜ່ານມານີ້, ຄະນະໜ່ວຍງານນຳພາວຽກງານການພັດທະນາສ້າງສາຕົວເມືອງທ່າບົກສາກົນ ບໍ່ຫານ ທີ່ມີນະຄອນຄຸນໝິງເປັນຜູ້ຊຸກຍູ້ນັ້ນ ໄດ້ຈັດກອງປະຊຸມການຮ່ວມມື ຄັ້ງທີ 7 ຢູ່ເຂດຮ່ວມມືບໍ່ເຕ່ນ-ບໍ່ຫານ. ກອງປະຊຸມໄດ້ຮຽກ ຮ້ອງໃຫ້ປິ່ນອ້ອມເຄືອຂ່າຍເຂດການຮ່ວມມື້, ເຮັດໃຫ້ວຽກງານນະໂຍບາຍ ແລະ ວຽກ ງານອື່ນທີ່ສໍາຄັນໃຫ້ປະກົດຜົນເປັນຈິງ, ຍາດແຍ່ງການສະໜັບສະໜຸນຈາກຂັ້ນເຖິງຢ່າງຕັ້ງໜ້າຫ້າວຫັນ, ຊຸກຍູ້ວຽກງານທີ່ກ່ຽວຂ້ອງໃຫ້ບັນລຸຄວາມຄືບໜ້າໃໝ່ໂດຍໄວ. ຕັ້ງໜ້າຮັບຜິດຊອບວຽກງານທີ່ສຳຄັນ ເຊັ່ນ:ຍົກລະດັບໂຄງການຄັງທຶນໂດຍສູມແຮງໃສ່ວຽກງານດຶງດູດການລົງທຶນທີ່ແທດເໝາະ, ວຽກງານການກໍ່ສ້າງ ແລະ ວຽກງານອື່ນໆ, ຊຸກຍູ້ການສ້າງສາສວນອຸດສາຫະກຳການຜະລິດຕາມຊາຍແດນເຂດບໍ່ຫານໃຫ້ເຫັນຜົນເປັນຈິງອັນໃໝ່ຢ່າງໄວວາ. ຍາດແຍ່ງກາລະໂອກາດ, ສຸມແຮງໃຫ້ສຳເລັດໜ້າວຽກອັນສຳຄັນໃນການຍົກຍ້າຍຂະແໜງການອຸດສາຫະກຳການຜະລິດ, ປະຕິ ບັດວຽກງານປະສານງານ ລະຫວ່າງ ຊຽງໄຮ-ຢຸນນານຢ່າງຕັ້ງໜ້າ, ເປີດກວ້າງໝາກຜົນຂອງຄຳວ່າ “ວິສາຫະກິດທີ່ມີຊື່ສຽຂອງແຂວງຢຸນນານ ເດີນໜ້າໄປສູ່ນະຄອນຄຸນໝິງ”, ດຶງດູດບັນດາວິສາຫະກິດ ແລະ ໂຄງການທີ່ມີຄຸນນະພາບໃນການມາລົງທຶນ, ສ້າງໂຄງການ ແລະ ສືບຕໍ່ປັບປຸງຄຸນນະພາບ ແລະ ປະສິດທິພາບຂອງວຽກງານການຍົກຍ້າຍຂະແໜງການອຸດສາຫະກຳການຜະລິດ.

ເມື່ອບໍ່ດົນມານີ້, ປະລິມານການຂົນສົ່ງໝາກໄມ້ ແລະ ຜັກນຳເຂົ້າ ແລະ ສົ່ງອອກຜ່ານທາງລົດໄຟສາກົນຈີນ-ລາວ ມື້ໜຶ່ງສະເລ່ຍໄດ້ກາຍ 1.500 ໂຕນ. ນັບແຕ່ຕົ້ນປີນີ້ເປັນຕົ້ນມາ, ປະລິມານການນຳເຂົ້າ ແລະ ສົ່ງອອກສິນຄ້າສົດທີ່ຂົນສົ່ງໂດຍທາງລົດໄຟຈີນ-ລາວ ໄດ້ບັນລຸ 64.000 ໂຕນ, ເພີ່ມຂຶ້ນຫຼາຍກວ່າສອງເທົ່າຂອງປີກາຍ, ໃນນັ້ນ ໝາກໄມ້ນຳເຂົ້າ 58.000 ໂຕນ. ພາຍຫຼັງໝາກໄມ້ຂອງອາຊີຕາເວັນອອກສຽງໃຕ້ ໄດ້ວາງອອກສູ່ຕະຫຼາດ ເປັນຈຳນວນຫຼວງຫຼາຍ, ປະລິມານການຂົນສົ່ງໝາກໄມ້ນຳເຂົ້າ ແລະ ສົ່ງອອກຢູ່ທ່າບົກທາງລົດໄຟຢຸນນານ ບໍ່ຫານໄດ້ບັນລຸລະດັບສູງ, ປະລິມານການຂົນສົ່ງຕໍ່ມື້ສະເລ່ຍແມ່ນ 1.500 ກວ່າໂຕນ. ກົມການທາງລົດໄຟ ໄດ້ເພີ່ມທະວີຄວາມພະຍາຍາມໃນການຂະຫຍາຍການນຳໃຊ້ເສັ້ນທາງລົດໄຟຕູ້ຄອນທິເນີເຢັນສາຍດ່ວນ “ແມ່ນ້ຳລ້ານຊ້າງ-ແມ່ນ້ຳຂອງ” ໂດຍສະເລ່ຍແຕ່ລະມື້ຈະເພີ່ມຂຶ້ນຈາກ 1,5 ຂັນ ເປັນ 3 ຂັນ, ແລະ ເພີ່ມຂຶ້ນເຖິງ 4 ຂັນ ໃນໄລຍະເວລາທີ່ມີຄວາມຕ້ອງການ. ແຕ່ເດືອນມັງກອນ ຫາ ເດືອນເມສາປີນີ້, ທາງລົດໄຟຈີນ-ລາວໄດ້ຂົນສົ່ງສິນຄ້າທັງໝົດ 6,55 ລ້ານໂຕນ, ເພີ່ມຂຶ້ນ 14,9%, ໃນນັ້ນສິນຄ້າຂ້າມຊາຍແດນບັນລຸ 1,8 ລ້ານໂຕນ, ເມື່ອທຽບໃສ່ໄລຍະດຽວກັນຂອງປີກາຍ ເພີ່ມຂຶ້ນ 24,1%.

ມາຮອດວັນທີ 10 ພຶດສະພາຜ່ານນີ້, ມີຊາວຕ່າງປະເທດສັນຊາດຝຣັ່ງ 395 ຄົນ ໄດ້ເດີນທາງເຂົ້າປະເທດຈີນ ໂດຍຜ່ານທ່າບົກບໍ່ຫານ, ເພີ່ມຂຶ້ນເກືອບ 11 ເທົ່າ ເມື່ອທຽບໃສ່ໄລຍະດຽວກັນຂອງ ປີ2023 ຜ່ານມາ. ເຫດຜົນຕົ້ນຕໍຂອງການເດີນທາງເຂົ້າມາ ແມ່ນມາດໍາເນີນທຸລະກິດ, ການທ່ອງທ່ຽວ ແລະ ການຢ້ຽມຢາມຍາດຕິພີ່ ນ້ອງ. ປີນີ້ແມ່ນປີສ້າງຕັ້ງສາຍພົວພັນການທູດ ລະຫວ່າງ ຈີນ ກັບ ຝຣັ່ງຄົບຮອບ 60 ປີ ແລະ ເປັນປີທ່ອງທ່ຽວວັດທະນາ ທຳຈີນ-ຝຣັ່ງ. ນັບແຕ່ຈີນໄດ້ປະຕິບັດນະໂຍ ບາຍຍົກເວັ້ນວີຊ່າຝ່າຍດຽວໃຫ້ແກ່ຝຣັ່ງ ໃນວັນທີ 1 ທັນວາ 2023 ມາຮອດວັນທີ 10 ພຶດສະພາ 2024, ຊາວຕ່າງຊາດສັນຊາດຝຣັ່ງທີ່ຖືມີໜັງສືຜ່ານແດນທຳມະດາ ໂດຍຍົກເວັ້ນວິຊ່າ ເຂົ້າມາ ສປ ຈີນ ຜ່ານທ່າບົກ ບໍ່ຫານ ມີທັງໝົດ 392 ຄົນ, ກວມ 81,49% ຂອງຈຳນວນຊາວຝຣັ່ງທັງໝົດທີ່ເຂົ້າປະເທດຈີນ.

ໃນຊຸມປີມໍ່ໆ ມານີ້, ທ່າມກາງຍຸດທະສາດການເປີດປະຕູສູ່ສາກົນຂອງປະເທດ ໄດ້ເພີ່ມທະວິຢ່າງບໍ່ຢຸດຢັ້ງ, “ຈໍານວນເພື່ອນມິດ” ທີ່ ສປ ຈີນ ມີນະໂຍບາຍຍົກເວັ້ນວິຊ່າໄດ້ເພີ່ມຂື້ນ, ການສ້າງທ່າບົກທີ່ເປີດປະຕູຕໍ່ສາກົນ, ການໄປມາຫາສູ່ແລກປ່ຽນວັດ ທະນະທຳ, ການພັດທະ ນາເສດຖະກິດການຄ້າ ແລະ ອື່ນໆ ລ້ວນແຕ່ມີຄວາມແຂງ ແຮງ ແລະ ຟົດຟື້ນ.

ມາຮອດວັນທີ 6 ພຶດສະພາຜ່ານມານີ້, ຈຳນວນຜູ້ເດີນທາງຜ່ານດ່ານຊາຍແດນກວດກາຄົນເຂົ້າອອກ ບໍ່ຫານ ໄດ້ບັນລຸລື່ນກາຍ 1 ລ້ານຄົນ, ເຊິ່ງໄດ້ທຳລາຍສະຖິຕິໃນຮອບ 31 ປີ, ມີຜູ້ຄົນທີ່ມາຈາກ 82 ປະເທດ ແລະ ເຂດ, ນັກທ່ອງທ່ຽວຊາວຝຣັ່ງ ທີ່ເຂົ້າ ແລະ ອອກ ຊາຍແດນຜ່ານທ່າບົກບໍ່ຫານ ຄອງອັນອັນດັບ ທີ 3 ໃນຈຳນວນນັກທ່ອງທ່ຽວຈາກປະເທດທີ 3 , ຮອງຈາກໄທ ແລະ ມາເລເຊຍ.