ໃນວັນທີ 17 ສິງຫາ 2023 ນີ້ທ່ານ ສົມລິດ ວິລະວົງ ຫົວໜ້າພະແນກກະສິກຳ ແລະ ປ່າໄມ້ແຂວງ ຈຳປາສັກພ້ອມດ້ວຍຄະນະນຳພະແນກ ແລະ ຂະແໜງການກ່ຽວຂ້ອງ ໄດ້ຕ້ອນຮັບ ແລະພົບປະແລກປ່ຽນບົດຮຽນກັບຄະນະຜູ້ແທນພະແນກກະສິກຳ ແລະ ພັດທະນາຊົນນະບົດ ແຂວງ ກວາງຫງາຍ ສສ ຫວຽດນາມ ນຳໂດຍ ທ່ານ ຫງວຽນ ກວາງ ຈຸ່ງ ຮອງຫົວໜ້າພະແນກກະສິກຳ ແລະ ພັດທະນາຊົນນະບົດ ແຂວງກວາງຫງາຍ ພ້ອມດ້ວຍຄະນະ.
ໃນການພົບປະ ແລກປ່ຽນບົດຮຽນໃນຄັ້ງນີ້ ຄະນະຜູ້ແທນທັງສອງຝ່າຍ ໄດ້ທົບທວນການພົວພັນຮ່ວມມືໃນໄລຍະທີ່ຜ່ານມາ ແລະ ຕົກລົງກຳນົດໜ້າວຽກການຮ່ວມມືໃນຕໍ່ໜ້າ ແຕ່ນີ້ ຫາ ປີ 2025.
ຊຶ່ງການພົບປະ ແລກປ່ຽນ, ສອງຝ່າຍເຫັນດີຈະສືບຕໍ່ປະຕິບັດຫຼາຍເນື້ອໃນການຮ່ວມມືຄື :
ວຽກງານລ້ຽງສັດ ຈະ ສືບຕໍ່ຮ່ວມມື ການຝຶກອົບຮົມເຕັກນິກດ້ານສັດຕະວະແພດໃຫ້ແກ່ພະນັກງານຂະແໜງລ້ຽງສັດ ແລະການປະມົງໄລຍະສັ້ນ
ສືບຕໍ່ຮ່ວມມືການແລກປ່ຽນການນຳໃຊ້ເຕັກນິກການລ້ຽງປາກະຊັງ ທີ່ມີຜົນສຳເລັດຢູ່ແຂວງກວາງ ຫງາຍມາສູ່ ແຂວງຈຳປາສັກ ເຊັ່ນ: ໂຄງການສາທິດທົດລອງເຕັກນິກການລ້ຽງປາກະຊັງໃນກະຊັງທີ່ ເຮັດດ້ວຍຫໍ່ຢ່າງທີ່ມີປະສິດທິພາບສູງ.
ສືບຕໍ່ການຮ່ວມມື ການຝຶກອົບຮົມເຕັກນິກການລ້ຽງໝູໃຫ້ຄອບຄົວຜູ້ລ້ຽງ, ການຈັດການມູນຈາກໝູ ດ້ວຍການອັດກ້ອນເພື່ອນຳໄປໃຊ້ໃນວຽກງານປູກຝັງ, ການຈັດການມູນຂອງໝູໃນການນຳໄປເຮັດແກັສ ເພື່ອຫລຸດຜ່ອນມົນລະພິດທາງສີ່ງແວດລ້ອມ
ສືບຕໍ່ຮ່ວມມື ວຽກງານປຸງແຕ່ງຜະລິດຕະພັນຈາກປານ້ຳຈືດ, ປາກະຊັງ );
ທັດສະນະສຶກສາແລກປ່ຽນບົດຮຽນສອງຝ່າຍ ໃນຫົວຂໍ້: ເຕັກນິກການລ້ຽງສັດ, ລ້ຽງປາ ວງກງານປູກຝັງ
ສືບຕໍ່ຮ່ວມມື ການຝຶກອົບຮົມການນຳໃຊ້ນະວັດຕະກຳ, ເຕັກນິກການຜະລິດທີ່ທັນສະໄໝເຊັ່ນ: ການປູກເຂົ້າ, ພືດຜັກ, ໄມ້ໃຫ້ໝາກ ເພື່ອຍົກສະມັດຕະພາບ ແລະ ຄຸນນະພາບການຜະລິດ
ສືບຕໍ່ຮ່ວມມື ຝຶກອົບຮົມເຕັກນິກການປຸງແຕ່ງຜະລິດຕະພັນພືດ, ການສ້າງມູນຄ່າໃຫ້ແກ່ຜະລິດຕະ ຮ່ວມມື ໃນການຜູກສູ່ນັກລົງທຶນມາແລກປ່ຽນບົດຮຽນ, ມາລົງທຶນດ້ານກະສິກຳທີ່ນຳໃຊ້ເຕັກໂນໂລຊີ
ເພື່ອຫັນໄປສູ່ການຜະລິດທີ່ເປັນອຸດສະຫະກຳ ແລະ ທັນສະໄໝ.
ສືບຕໍ່ ການຢ້ຽມຢາມ, ແລກປ່ຽນຖອດຖອນບົດຮຽນ ຊ່ວຍເຫລືອເຊິ່ງກັນ ແລະ ກັນ ທັງສອງຝ່າຍ ໃນຫົວຂໍ້ : ເຕັກນິກການປູກເຂົ້າ, ເຕັກນິກການປູກພືດ, ເດັກພິກການລ້ຽງງົວ, ເຕັກນິກການລ້ຽງປາກະຊັງແລະ ເຕັກນິກການລ້ຽງໝູ່ ແລະ ໜ້າວຽກສຳຄັນອື່ນໆ ທີທັງສອງຝ່າຍຕົກລົງຮ່ວມກັນຕື່ມອີກ.
ທັງນີ້ກເພື່ອຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ – ຫວຽດນາມ, ຫວຽດນາມ – ລາວ ເວົ້າລວມ, ລະຫວ່າງແຂວງຈຳປາສັກ ແລະ ແຂວງ ກວາງຫງາຍ ເວົ້າສະເພາະແມ່ນຂົງເຂດກະສິກໍາ ແລະ ປ່າໄມ້, ການປະມົງ ແລະ ພັດທະນາຊົນນະບົດ ໃຫ້ກ້າວສູ່ລວງເລິກ
ແລະ ເກີດດອກອອກຜົນຫຼາຍຂຶ້ນ.
ເກດສະໜາ ແກ້ວສຸວັນນະແສງ