ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຈຳປາສັກ ຈັດພິທີປະກາດຍົກຍ້າຍ ແລະ ແຕ່ງຕັ້ງໃໝ່ ພະນັກງານຂັ້ນນຳ – ຂັ້ນຄຸ້ມຄອງ ຫລາຍຕຳແໜ່ງ

ໃນຕອນເຊົ້າວັນທີ 7 ກຸມພາ 2020 ຢູ່ສະໂມສອນຫຼັກ 4 ແຂວງຈຳປາສັກ, ໄດ້ຈັດພິທີປະກາດການຍົກຍ້າຍ ແລະ ແຕ່ງຕັ້ງໃໝ່ພະນັກງານຂັ້ນນຳ-ຂັ້ນຄຸ້ມຄອງ ຫລາຍຕຳແໜ່ງ, ພາຍໃຕ້ການເປັນປະທານຂອງສະຫາຍ ປອ ບຸນຖອງ ດີວິໄຊ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆຈໍາປາສັກ, ໂດຍມີບັນດາສະຫາຍກຳມະການໃນຄະນະບໍລິຫານງານພັກແຂວງ, ເລຂາພັກເມືອງ, ເຈົ້າເມືອງ ແລະ ນະຄອນ ເຂົ້າຮ່ວມ.
ບັນດາສະຫາຍທີ່ຖືກຍົກຍ້າຍ ແລະ ແຕ່ງຕັ້ງໃໝ່ ມີດັ່ງນີ້:
1. ຍົກຍ້າຍ ແລະ ແຕ່ງຕັ້ງ ສະຫາຍ ສະໜັ່ນ ສີພາພົມມະຈັນ, ກຳມະການອົງຄະນະພັກແຂວງ, ອະດີດເລຂາຄະນະພັກເມືອງ, ເຈົ້າເມືອງໆໂຂງ ເປັນຫົວໜ້າຫ້ອງວ່າການແຂວງ.
2. ຍົກຍ້າຍ ແລະ ແຕ່ງຕັ້ງສະຫາຍ ບົວລີ ເພັດສົງຄາມ, ກຳມະການອົງຄະນະພັກແຂວງ, ຫົວໜ້າຫ້ອງວ່າການແຂວງ ເປັນຫົວໜ້າພະແນກກະສິກຳ ແລະ ປ່າໄມ້ແຂວງ.
3. ຍົກຍ້າຍ ແລະ ແຕ່ງຕັ້ງ ສະຫາຍ ປະດິດ ວັນນະລັດສະໝີ, ກຳມະການອົງຄະນະພັກແຂວງ, ຫົວໜ້າພະແນກກະສິກຳ ແລະ ປ່າໄມ້ແຂວງ ເປັນຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ.
4. ຍົກຍ້າຍ ແລະ ແຕ່ງຕັ້ງ ສະຫາຍ ສົມສີ ມະນີນິນ, ກໍາມະການອົງຄະນະພັກແຂວງ, ເລຂາຄະນະພັກເມືອງ, ເຈົ້າເມືອງໆສຸຂຸມາ ເປັນຫົວໜ້າຄະນະໂຄສະນາອົບຮົມແຂວງ.
5. ຍົກຍ້າຍ ແລະ ແຕ່ງຕັ້ງ ສະຫາຍ ໂສມ ບຸດຕະກຸນ, ກຳມະການອົງຄະນະພັກແຂວງ, ເລຂາຄະນະພັກເມືອງ, ເຈົ້າເມືອງໆບາຈຽງຈະເລີນສຸກ ເປັນຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ.
6. ຍົກຍ້າຍ ແລະ ແຕ່ງຕັ້ງ ສະຫາຍ ບົວທອງ ສຸວັນນະສານ, ກຳມະການອົງຄະນະພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ເປັນຜູ້ອຳນວຍການໂຮງຮຽນການເມືອງ – ການປົກຄອງແຂວງ.
7. ຍົກຍ້າຍ ສະຫາຍ ຄຳຕັນ ຊົມພັນດອນ, ກຳມະການອົງຄະນະພັກແຂວງ, ເລຂາຄະນະພັກເມືອງ, ເຈົ້າເມືອງໆຈຳປາສັກ ມາປະຈຳການຢູ່ຄະນະກວດກາລັດແຂວງ.
8. ຍົກຍ້າຍ ສະຫາຍນາງ ແສງສຸວັນ ຊຸຍພະສິດ, ຫົວໜ້າພະແນກສຶກສາທິການ ແລະ ກິລາແຂວງ ມາປະຈຳການຢູ່ສະພາປະຊາຊົນແຂວງ.
9. ຍົກຍ້າຍ ແລະ ແຕ່ງຕັ້ງ ສະຫາຍ ບົວໄຂ ສຸພາອອນ, ຜູ້ອຳນວຍການວິທະຍາໄລເຕັກນິກ – ວິຊາຊີບແຂວງຈຳປາສັກ ເປັນຫົວໜ້າພະແນກສຶກສາທິການ ແລະ ກິລາແຂວງ.
10. ຍົກຍ້າຍ ແລະ ແຕ່ງຕັ້ງ ສະຫາຍ ສົມເພັດ ບຸດສະດີ, ຮອງເລຂາຄະນະພັກຮາກຖານ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງ ເປັນເລຂາຄະນະພັກເມືອງ ເຈົ້າເມືອງໆສຸຂຸມາ.
11. ຍົກຍ້າຍ ແລະ ແຕ່ງຕັ້ງ ສະຫາຍ ວັນນະສັກ ຊາດຕະກຸນ, ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງ ເປັນຫົວໜ້າພະແນກການຕ່າງປະເທດແຂວງ.
12. ຍົກຍ້າຍ ແລະ ແຕ່ງຕັ້ງ ສະຫາຍ ປອ ວັນນະໄຊ ຊາດຕະກຸນ, ຮອງຫົວໜ້າພະແນກສາທາລະນະສຸກແຂວງ ເປັນຫົວໜ້າພະແນກສາທາລະນະສຸກແຂວງ.
ໃນພີທີ, ສະຫາຍ ປອ ບຸນຖອງ ດີວິໄຊ, ກຳມະການສູນກາງພັກ, ແລະ ເຈົ້າແຂວງໆຈໍາປາສັກ ຍັງໄດ້ມີຄໍາເຫັນໂອ້ລົມ ໂດຍທ່ານໄດ້ເນັ້ນໃຫ້ຜູ້ຖືກຍົກຍ້າຍ ແລະ ແຕ່ງຕັ້ງໃໝ່ ຈົ່ງຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ກົດເກນ, ລະບະບຽບການ ແລະ ທິດຊີ້ນໍາຂອງພັກເພື່ອປັບປຸງລະບົບແບບແຜນການນໍາພາຂອງພັກ, ແລະ ກົງຈັກການຄຸ້ມຄອງຂອງລັດໃຫ້ໜັກ ແໜ້ນເຂັ້ມແຂງ, ສືບຕໍ່ປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ ເພື່ອຜົນປະໂຫຍດລວມຂອງຊາດ ແລະ ຂອງປະຊາຊົນ.

ໂດຍ: ເກດສະໜາ ແກ້ວສຸວັນນະແສງ