ທ່ານສີຈິ້ນຜິງ ປະທານປະເທດຈີນໄດ້ເດີນທາງໄປພູເຢ້ລ້ຽງ(ດວງຈັນ)ທີ່ນິຄົມປ່າໄມ້ໄຊ້ຫານປ້າແຂວງເຫີເປີຍ, ເພື່ອກວດເບິ່ງສະພາບທຳມະຊາດຂອງນິຄົມປ່າໄມ້, ຮັບຟັງການລາຍງານກ່ຽວກັບການຊຸກຍູ້ການປະສານສົມທົບວຽກງານປົວແປງລະບົບນິເວດພູຜາແມ່ນ້ຳ ປ່າໄມ້ ທົ່ງນາ ທົ່ງຫຍ້າ ແລະ ທະເລຊາຍຂອງແຂວງເຫີເປີຍ, ກໍຄືສະພາບການຄຸ້ມຄອງແລະອະນຸລັກນິຄົມປ່າໄມ້, ຢ້ຽມຢາມພະນັກງານອະນຸລັກປ່າໄມ້. ຫຼັງຈາກນັ້ນ, ທ່ານສີຈິ້ນຜິງຍັງໄດ້ເດີນທາງໄປເຂດປ່າໄມ້ລະນຶກຊ້າງໄຫ, ເພື່ອກວດເບິ່ງສະພາບການເຕີບໃຫຍ່ຂອງປ່າໄມ້.
ນັບແຕ່ກອງປະຊຸມໃຫຍ່ຂອງພັກກອມ ມູນິດຈີນຄັ້ງທີ 18 ທີ່ຈັດຂຶ້ນເມື່ອປີ 2012ເປັນຕົ້ນມາ, ເມື່ອທ່ານສີຈິ້ນຜິງໄປສຳຫຼວດກວດວຽກງານຢູ່ບ່ອນໃດ, ການອະນຸລັກສິ່ງແວດລ້ອມນິເວດກໍແມ່ນໜຶ່ງໃນວຽກງານຈຸດສຸມທີ່ທ່ານໃຫ້ຄວາມສຳຄັນໃນການສຳຫຼວດກວດເບິ່ງ.
ເມື່ອ 16 ປີກ່ອນ, ໃນວັນທີ 15 ສິງຫາປີ 2005, ໃນເວລາທີ່ທ່ານສີຈິ້ນຜິງ ເປັນເລຂາຄະນະພັກແຂວງເຈີ້ຈ່ຽງກໍໄດ້ໄປສຳຫຼວດຄົ້ນຄວ້າວຽກງານຢູ່ຮາກຖານ, ທັງໄດ້ສະເໜີແນວຄິດ “ພູຂຽວນ້ຳໃສກໍແມ່ນພູເງິນພູຄຳ”. ທ່ານກ່າວວ່າ, “ຢ່າຄິດເດີນຕາມເສັ້ນທາງເກົ່າ ແລະ ຊູຊີເຮັດຕາມຮູບແບບການພັດທະນາເກົ່າໃນອະດີດ. ແຕ່ກ່ອນພວກເຮົາເວົ້າວ່າ ບໍ່ພຽງແຕ່ຢາກໄດ້ເອົາພູຂຽວນ້ຳໃສເທົ່ານັ້ນ ຍັງຢາກໄດ້ກໍຕ້ອງເອົາພູເງິນພູຄຳອີກດ້ວຍ, ໃນຄວາມເປັນຈິງແລ້ວ, ພູຂຽວນ້ຳໃສກໍແມ່ນພູເງິນພູຄຳ ນັ້ນເອງ.”
ປະຈຸບັນ, ຈີນພວມໃຊ້ລະບຽບການ ແລະ ກົດໝາຍທີ່ຮັດກຸມ ແລະ ເຂັ້ມງວດທີ່ສຸດເພື່ອອະນຸລັກພູຂຽວນ້ຳໃສ.
ວັນທີ 1 ມັງກອນປີ 2015, ຈີນເລີ່ມປະຕິບັດກົດໝາຍວ່າດ້ວຍການອະນຸລັກສິ່ງແວດລ້ອມທີ່ເຂັ້ມງວດທີ່ສຸດໃນປະ ຫວັດສາດ, ເຊິ່ງມີຄວາມເຂັ້ມງວດທີ່ບໍ່ເຄີຍມີມາກ່ອນໃນການຕໍ່ຕ້ານກັບການກະທຳຜິດກົດໝາຍດ້ານສິ່ງແວດລ້ອມ. ແຕ່ປີ 2016 – 2020, ໃນທົ່ວປະເທດຈີນໄດ້ດຳເນີນຄະດີລົງໂທດທາງການບໍລິຫານທີ່ກ່ຽວພັນເຖິງສິ່ງແວດລ້ອມ ເຖິງ 833000 ຄະດີ, ເພີ່ມຂຶ້ນ 1,4 ເທົ່າເມື່ອທຽບກັບໄລຍະປີ 2011-2015, ລວມເງິນປັບໄໝໄດ້ທັງໝົດແມ່ນ 53,61 ຕື້ຢວນ, ເພີ່ມຂຶ້ນ 3,1 ເທົ່າ.
ໃນ 5 ປີທີ່ຜ່ານມາ, ໃນຂົງເຂດສ້າງ ຄວາມສິວິໄລດ້ານນິເວດ, ຈີນໄດ້ສ້າງແລະ ປັບ ປຸງກົດໝາຍ 10 ກວ່າສະບັບ. ນອກຈາກກົດໝາຍວ່າດ້ວຍການອະນຸລັກສິ່ງແວດ ລ້ອມສະບັບໃໝ່ແລ້ວ, ຍັງມີກົດໝາຍວ່າດ້ວຍການປ້ອງກັນ ແລະ ປົວແປງມົນລະພິດທາງອາກາດ, ກົດໝາຍວ່າດ້ວຍການອະນຸລັກສັດປ່າ, ກົດໝາຍວ່າດ້ວຍການປະເມີນຜົນກະທົບຕໍ່ກັບສິ່ງແວດລ້ອມ, ກົດໝາຍວ່າດ້ວຍອາກອນເພື່ອອະນຸລັກສິ່ງແວດລ້ອມ ແລະອື່ນໆ, ເຊິ່ງກາຍເປັນອາວຸດອັນເຂັ້ມແຂງໃນການສະກັດກັ້ນການກະທຳຜິດກົດໝຍາດ້ານສິ່ງ ແວດ ລ້ອມ.
ຕາມທັດສະນະທີ່ “ປະຕິບັດລະບຽບການທີ່ເຂັ້ມງວດທີ່ສຸດ, ຄຸ້ມຄອງຕາມກົດໝາຍທີ່ຮັດກຸມທີ່ສຸດ” ເພື່ອອະນຸລັກສິ່ງແວດລ້ອມນິເວດນີ້, ໄດ້ສະແດງໃຫ້ເຫັນເຖິງຄວາມຕັດສິນໃຈທີ່ເດັດດ່ຽວໜ້ຽວແໜ້ນຂອງຈີນໃນການຊຸກຍູ້ການສ້າງຄວາມສິວິໄລດ້ານນິເວດ, ເປັນການນຳໃຊ້ເຄື່ອງມືເຂັ້ມແຂງຕາມແນວຄິດ ແລະ ວິທີການຄຸ້ມຄອງຕາມກົດໝາຍ, ເຊິ່ງໄດ້ສະໜອງທິດນຳທາງດ້ານທິດສະດີ ແລະ ການເຄື່ອນໄຫວໃຫ້ແກ່ການສ້າງຄວາມສິວິດ້ານນິເວດໂດຍການຄຸ້ມຄອງຕາມກົດໝາຍ.
Loading...