ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຈີນໄດ້ໃຫ້ການຊ່ວຍເຫຼືອດ້ານອຸປະກອນການແພດແກ່ລາວໃນການປ້ອງກັນແລະສະກັດກັ້ນພະຍາດໂຄວິດ-19

ວັນທີ 26 ມີນານີ້ ສະຖານທູດ ສປ ຈີນປະຈຳ ສປປ ລາວໄດ້ເຜີຍໃຫ້ຮູ່ວາ, ນັບມາຮອດປະຈຸບັນ, ລັດຖະບານຈີນໄດ້ສະໜອງຢາກວດເຊື້ອໄວຣັດຈຳນວນ 2016 ຊຸດໃຫແກ່ລາວແລ້ວ, ນອກນັ້ນ ຊຸດປ້ອງກັນ 5000 ຊຸດ, ຜ້າປິດປາກລຸ້ນ N95 ແລະຜ້າປິດປາກການແພດທຳມະດາຈຳນວນ 4 ແສນອັນ ພ້ອມກັບຢາກວດເຊື້ອໄວຣັດ 2 ໝື່ນຊຸດທີ່ບໍລິຈາກໂດຍມູນນິທິດແຈກມາ ກຳລັງສົ່ງໄປໃຫ້ລາວ. ຕໍ່ໄປ, ລັດຖະບານຈີນຍັງຈະອີງຕາມຄວາມຕ້ອງການຕົວຈິງຂອງລາວໃນການປ້ອງກັນແລະຄວບຄຸມພະຍາດ ແລ້ວໃຫ້ການຊ່ວຍເຫຼືອທີ່ສົມຄູ່ກັນ.

ໃນຂະນະດຽວກັນນີ້, ອົງການປົກຄອງທ້ອງຖີ່ນຕ່າງໆຂອງຈີນເຊັ່ນ ແຂວງຢຸນນານ, ຫູໜານ, ນະຄອນຈຸ່ງກິ່ງ, ແຂວງຊານຕົງ ແລະນະຄອນຊຽງໄຮ້ເປັນຕົ້ນພ້ອມກັບສະມາຄົມພັດທະນາເສດຖະກິດອາຊີຈີນ, ສະຫະພັນນັກວິສາຫະກິດຈີນແລະຕ່າງປະເທດ, ທະນາຄານ ICBC ສາຂານະຄອນຫຼວງວຽງຈັນ ກໍ່ຄືອົງການຈັດຕັ້ງຕ່າງໆ, ພ້ອມກັບຊາວຈີນທີ່ຢູ່ລາວກໍ່ຄື ຄະນະຊາວຈີນຕ່າງດ້າວກໍ່ໄດ້ຕັ້ງໜ້າໃຫ້ການຊ່ວຍເຫຼືອແລະບໍລິຈາກ, ເຊິ່ງອຸປະກອນເຫຼົ່ານີ້ ມີສ່ວນໜຶ່ງໄດ້ຖືກສົ່ງໄປຮອດລາວແລ້ວ, ທີ່ເຫຼືອນັ້ນກໍ່ພວມຫ້າງຫາກະກຽມຢູ່.

ໃນນາມເປັນຄູ່ຮ່ວມຊາຕາກຳ, ພັກລັດ ກໍ່ຄືປະຊາຊົນຈີນມີຄວາມເຫັນອົກເຫັນໃຈຕໍ່ລາວທີ່ກຳລັງປະສົບການກະທົບຈາກພະຍາດໂຄວິດ-19, ແລະຍິນດີຮ່ວມໃຈຮ່ວມແຮງກັບກັບຝ່າຍລາວຜ່ານຜ່າຄວາມຫຍຸ້ງຍາກໃນປະຈຸບັນ.