ສຳນັກຂ່າວຊິນຮວາຂອງຈີນລາບງານ ເມື່ອບໍ່ດົນມານີ້, ລົດໄຟຄວາມໄວສູງສາຍໃໝ່ຂອງຈີນ ໄດ້ເລີ່ມທົດລອງເປີດໃຫ້ການສັນ ຈອນ ເພື່ອເຊື່ອມຕໍ່ລະຫວ່າງ ເມືອງຫາງໂຈວ ແລະເວີນໂຈວ ເປັນເມືອງເສດຖະກິດຂະໜາດໃຫຍ່ສອງແຫ່ງໃນພາກພື້ນສາມຫລ່ຽມປາກແມ່ນໍ້າແຢງຊີ ທາງພາກຕາເວັນອອກຂອງຈີນ.
ລົດໄຟສາຍໃໝ່ນີ້ ມີຄວາມຍາວ 260 ກິໂລແມັດ, ມີຄວາມໄວ 350 ກິໂລແມັດຕໍ່ຊົ່ວໂມງ ແລະ ພ້ອມດ້ວຍສະຖານີ 9 ແຫ່ງ ຕະ ຫລອດເສັ້ນທາງ.
ນີ້ຖືເປັນການບໍລິການຂົນສົ່ງແບບວ່ອງໄວ ຕາມເສັ້ນທາງ ທີ່ ຕັດຜ່ານສູນກາງ ເສດຖະກິດ ເຊັ່ນ: ເມືອງຫາງໂຈວ, ອີ້ອູ ແລະ ເວີນໂຈວ ໃນພື້ນທີ່ສາມຫລ່ຽມປາກແມ່ນໍ້າແຢງຊີ , ຊື່ງເປັນທີ່ຮູ້ ຈັກໃນຖານະພາກພື້ນທີ່ມີເສດຖະກິດໂດງດັ່ງ ແຫ່ງໜຶ່ງຂອງປະ ເທດ.
ທ່ານ ຫວັງຊາງ ເຈົ້າໜ້າທີ່ ຮັບຜິດຊອບໂຄງການທາງລົດໄຟ ຫາງໂຈວ-ເວີນໂຈວ ຈາກສະຖາບັນພັດທະນາ ແລະ ການວາງແຜນເຈີຈຽງ ລະບຸວ່າ: ໂຄງການລົດໄຟດັ່ງກ່າວເປັນໂຄງການຕົວແບບລະດັບຊາດ ໃນການປະຕິຮູບການຖືຄອງກຳມະສິດແບບຜະສົມ ເພື່ອນໍາທຶນທາງສັງຄົມມາໃຊ້ກໍ່ສ້າງທາງລົດໄຟ. ທາງລົດໄຟ ລະ ຫວ່າງເມືອງເບື້ອງຕົ້ນເຊື່ອມຕໍ່ກັບເຄືອຂ່າຍທາງລົດໄຟ ຄວາມ ໄວສູງໃນພາກພື້ນ ແລະ ແຫລ່ງທ່ອງທ່ຽວຢ່າງຫລວງຫລາຍ ແລະ ອື່ນໆ.
