ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຂະ​ບວນລົດ​ໄຟຄວາມ​ໄວ​ສູງ ​ແລະ ລົດ​ໄຟລາດຕະ​ເວນ ທີ່​ສົມບູນ​ແບບທີ່​ໄດ້​ຮັບການ​ຜະລິດສຳລັບທາງ​ລົດ​ໄຟ​ ຄວາມ​ໄວ​ສູງ ສາຍຈາ​ກາ​ຕາ-ບັນ​ດຸ​ງ (Jakarta- Bandung) ​ໃນ​ອິນ​ໂດ​ເນ​ເຊຍ ​ໄດ້ຮັບການ​ຂົນ​ສົ່ງຈາກ​ທ່າ​ກຳ​ປັ່ນຊິງ​ເຕົາ, ແຂວງ​ຊານ​ຕົງ ທີ່ຢູ່ທາງ​ທິດຕາ​ເວັນ​ອອກ ​ຂອງ​ຈີນ ​ເມື່ອ​ບໍ່​ດົນ​ມາ​ນີ້ ຊຶ່ງ​ເປັນ​ສ່ວນ​ໜຶ່ງໃນຂໍ້ລິ​ເລີ່​ມ ໜຶ່ງ​​ແລວ ໜຶ່ງ​ເສັ້ນທາງ(BRI) ​ເຊີ່ງລົດ​ໄຟຊຸດ​ທຳ​ອິດຈະ​ສົ່ງ​ມອບຮອດ​ນະຄອນຫລວງ ​ຈາ​ກາ​ຕາຂອງອິນໂດເນເຊຍພາຍ​ໃນທ້າຍ​ເດືອນ​ສິງຫານີ້ ​ແລະ ຈະຈັດຕັ້ງປະຕິບັດການ​ຂົນ​ສົ່ງມອບ​ລົດ​ໄຟສ່ວນ​ທີ່​ເຫລືອທັງ​ໝົດ ໂດຍແບ່ງ​ອອກ​ ເປັນ​ຊຸດພາຍ​ໃນຕົ້ນປີ 2023 .
ຂະ​ບວນລົດ​ໄຟດັ່ງກ່າວນໍາໃຊ້​ເຕັກ​ໂນ​ໂລ​ຊີທັນສະໄໝຂອງ​ລົດ​ໄຟ​ແບບ ​ຫົວ​ລູກປືນຟູ່ຊີງ ​ແລະ ມີ​ຄວາມ​ໄວສູງ​ສຸດ 350 ກິ​ໂລ​ແມັດຕໍ່​ຊົ່ວ​ໂມງ ​ໄດ້​ຮັບການ​ອອກ​ແບບ ​ແລະ ຜະ ລິດ​ຕາມ​ມາດຕະຖານ​ຈີນ ​ແລະ ປັບ​ໃຫ້​ເຂົ້າກັບສະພາບ ​ແວດ​ລ້ອມ ການ​ປະຕິບັດ​ງານ​ ສະພາບ​ເສັ້ນທາງ ລວມທັງ ວັດທະນະທໍາ ທ້ອງຖິ່ນ ຂອງອິນໂດເນເຊຍ.
ສຳລັບເສັ້ນທາງລົດໄຟຄວາມໄວສູງຈາກາຕາ-ບັນດຸງຈະເຊື່ອມຕໍ່ ຈາກາຕາ ແລະ ບັນ​ດຸ​ງເມືອງທ່ອງທ່ຽວທີ່ມີຊື່ສຽງ ຂອງອິນໂດເນເຊຍດ້ວຍໄລຍະທາງ ທັງໝົດ 142 ກິໂລ ແມັດ ເຊີ່ງຈະເຮັດໃຫ້ຈາກປົກກະຕິເດີນທາງດ້ວຍລົດຍົນ ໃຊ້ເວລາ 4-5 ຊົ່ວໂມງ ແຕ່ຖ້າໃຊ້ລົດໄຟຄວາມໄວສູງນີ້ຈະໃຊ້ເວລາພຽງ 40 ນາທີ ເທົ່ານັ້ນ.
Source: Xinhua