ປັດຈຸບັນ, ກຳລັງການຜະລິດໃນຄຸນນະພາບໃໝ່ໄດ້ກາຍ ເປັນຄຳສັບເດັ່ນໃນຂົງເຂດເສດຖະກິດຈີນ. ໃນກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 20 ທີ່ຫາກໍສິ້ນສຸດລົງຫວ່າງມໍ່ໆມານີ້, ໄດ້ວາງແຜນຜັງໃໝ່ແຫ່ງການລົງເລິກການປະຕິຮູບ ແລະເປີດປະຕູສູ່ພາຍນອກຢ່າງຮອບດ້ານຕື່ມອີກຂອງຈີນ. ໃນນັ້ນໄດ້ສະເໜີອອກມາວ່າ: ຈະປັບປຸງກົນໄກລະ ບົບການພັດທະນາກຳລັງການຜະລິດໃນຄຸນນະພາບໃໝ່ຕາມສະພາບຕົວຈິງຂອງທ້ອງຖິ່ນໃຫ້ສົມບູນຂຶ້ນ.
ເມື່ອສັງເກດ “ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບການລົງເລິກການປະຕິຮູບຢ່າງຕອບດ້ານຕື່ມອີກ ແລະ ຊຸກຍູ້ຄວາມທັນສະໄໝແບບຈີນ” ທີ່ພິຈາລະນາ ແລະ ຜ່ານການ ຮັບຮອງໃນກອງປະຊຸມຄົບຄະນະຄັ້ງນີ້ແລ້ວເຫັນວ່າ: ແນວຄວາມ ຄິດພັດທະນາກຳລັງການຜະລິດໃນຄຸນນະພາບໃໝ່ຂອງຈີນແມ່ນຈະແຈ້ງທີ່ສຸດ: ສຸມກຳລັງອົບຮົມບົ່ມສ້າງ ແລະ ພັດທະນາອຸດສາ ຫະກຳເກີດໃໝ່ຢ່າງແຂງແຮງ, ສ້າງອຸດສາຫະກຳແຫ່ງອະນາຄົດ, ປັບປຸງ ແລະ ຍົກລະດັບອຸດສາຫະກຳດັ້ງເດີມ, ຊຸກຍູ້ອຸດສາຫະກຳການຜະລິດໃຫ້ພັດທະນາກ້າວຂຶ້ນສູ່ຄວາມເປັນລະດັບສູງ, ອັດສະລິຍະ ແລະ ສີຂຽວ.
ຫົກເດືອນຕົ້ນປີນີ້, ມູນຄ່າເພີ່ມຂອງອຸດສາຫະກຳການຜະລິດເຕັກນິກສູງຂະໜາດໃຫຍ່ຂອງຈີນໄດ້ເພີ່ມຂຶ້ນ 8,7%; ການລົງທຶນໃນອຸດສາຫະກຳເຕັກນິກສູງຂອງຈີນໄດ້ເພີ່ມຂຶ້ນ 10,6% ເມື່ອທຽບໃສ່ໄລຍະດຽວກັນຂອງປີກາຍ; ຂະແໜງການບໍລິການທັນສະໄໝ ທີ່ຖືເອົາການສົ່ງຂໍ້ມູນຂ່າວສານ, ຂະແໜງ ການບໍລິການຊອບແວ ແລະເຕັກນິກຂໍ້ມູນຂ່າວສານເປັນຕົວ ແທນນັ້ນ ໄດ້ຮັກສາການເຕີບໂຕໃນລະດັບ 10% ຂຶ້ນໄປ; ຜົນຜະລິດຂອງຜະລິດຕະພັນອັດສະລິຍະຊະນິດຕ່າງໆ ເຊັ່ນ: ອຸປະກອບເຄື່ອງພິມ 3 ມິຕິ, ຫຸ່ນຍົນບໍລິການ, ໂມງອັດສະລິຍະເປັນຕົ້ນ ຕ່າງໄດ້ເພີ່ມຂຶ້ນ 51,6%, 22,8% ແລະ 10,9% ຕາມລຳດັບ; ອຸດສາຫະກຳແຜງວົງຈອນລວມ, ລົດໃຊ້ພະລັງງານໃໝ່ ແລະ ແບດເຕີຣີພະລັງງານແສງຕາເວັນເປັນຕົ້ນ ໄດ້ພັດທະນາຢ່າງວ່ອງໄວ ເຊິ່ງໄດ້ສະສົມພະລັງຂັບເຄື່ອນໃໝ່ໃຫ້ແກ່ການພັດທະນາເສດຖະກິດ.
ອຸດສາຫະກຳເກີດໃໝ່ກຳລັງພັດທະນາຢ່າງຄຶກຄັກ, ການພັດທະນາໄປຕາມທິດທາງສີຂຽວກຳລັງຈະເລີນຮຸ່ງໃສ. ສາມາດຄາດຄະເນໄດ້ວ່າ: ຄຽງຄູ່ກັບຈີນລົງເລິກການປະຕິຮູບຢ່າງຮອບດ້ານຕື່ມອີກ, ກຳລັງການຜະລິດໃນຄຸນນະພາບໃໝ່ຈະສ້າງກຳລັງຂັບເຄື່ອນທີ່ແຂງແຮງກວ່າເກົ່າ ເຊິ່ງຈະຊ່ວຍການພັດທະນາດ້ວຍຄຸນນະພາບສູງ ແລະ ການສ້າງສາທັນສະໄໝແບບຈີນ ພ້ອມທັງຈະເພີ່ມຄວາມມີຊີວິດຊີວາໃຫ້ແກ່ການພັດທະນາເສດຖະກິດໂລກ.
