ນະໂຍບາຍຈຳກັດກໍລະນີຜູ້ຕິດເຊື້ອພະຍາດໂຄວິດ-19 ໃຫ້ເປັນສູນ ແມ່ນບັນຫາໜຶ່ງທີ່ສື່ມວນຊົນຈາກຕ່າງປະເທດທີ່ໄປເຄື່ອນໄຫວເກັບກໍາຂ່າວກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກກອມມູນິດຈີນ ເຊີ່ງຈັດຂຶ້ນໃນລະຫວ່າງວັນທີ 16-22 ຕຸລາ 2022 ທີ່ນະຄອນຫລວງປັກ ກິ່ງໃຫ້ຄວາມສົນໃຈ ແລະ ຕັ້ງຄໍາຖາມຕໍ່ຈີນວ່າຈະສືບຕໍ່ຈັດ ຕັ້ງປະຕິບັດໄປຄືແນວໃດ ເພາະຫລາຍປະເທດໃນໂລກໄດ້ເປີດປະເທດໄປແລ້ວ.
ຕໍ່ຄໍາຖາມນີ້, ທ່ານ ຊຸນ ເຢ້ຫຼີ, ໂຄສົກຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກຄອມມູນິດຈີນ ໄດ້ຕອບຢູ່ໃນກອງປະຊຸມຖະແຫຼງຂ່າວໃນວັນທີ 15 ຕຸລານີ້ ທີ່ນະຄອນຫລວງປັກກິ່ງວ່າ: “ໂຄວິດ-19ເປັນສູນ” ເປັນນະໂຍບາຍທີ່ຈີນກໍານົດຂຶ້ນ ໂດຍພິຈາລະນາຈາກສະ ພາບຄວາມເປັນຈິງ ແລະ ຫລັກການທາງດ້ານວິທະຍາ ສາດຂອງຈີນ ເພື່ອຄວາມປອດໄພ ແລະ ສຸຂະພາບຂອງປະ ຊາຊົນຕ້ອງມາກ່ອນເປັນອັນດັບທີໜຶ່ງ ເຊີ່ງເປັນຈຸດເລີ່ມ ຕົ້ນ ແລະ ເປັນພື້ນຖານທີ່ສໍາຄັນຂອງທຸກມາດຕະການປ້ອງ ກັນ ແລະ ຄວບຄຸມພະຍາດໂຄວິດ-19 ຂອງຈີນ ເພາະຖ້າປະເມີນໂດຍລວມເຫັນວ່າ: ມາດຕະການປ້ອງກັນ ແລະ ຄວບຄຸມການລະບາດຂອງພະຍາດດັ່ງກ່າວຂອງຈີນແມ່ນປະຢັດ ແລະ ມີປະສິດທິຜົນດີກວ່າໝູ່.
ທ່ານ ຊຸນ ເຢ້ຫຼີ ກ່າວຕື່ມວ່າ: ຍ້ອນຈີນເປັນປະເທດທີ່ມີປະຊາກອນຢ່າງຫລວງຫລາຍ ແລະ ມີຜູ້ອາຍຸສູງຈໍານວນຫລາຍ, ການພັດທະນາຢູ່ແຕ່ລະເຂດແຄ້ວນໃນປະເທດມີຄວາມແຕກຕ່າງກັນ. ນອກຈາກນີ້ ຈໍານວນແພດໝໍໃນປະ ເທດຍັງບໍ່ພຽງພໍ. ດັ່ງນັ້ນ ການຍຶດໝັ້ນນະໂຍບາຍຈຳກັດກໍ ລະນີຜູ້ຕິດເຊື້ອພະຍາດໂຄວິດ-19 ໃຫ້ເປັນສູນຕະຫລອດເວລາ ຖືເປັນສິ່ງທີ່ຮັບປະກັນໃຫ້ມີຈໍານວນຜູ້ຕິດເຊື້ອ ແລະ ອັດຕາຜູ້ເສຍຊີວິດຍ້ອນພະຍາດດັ່ງກ່າວຢູ່ໃນລະດັບຕ່ຳສຸດ, ທັງເປັນການປະກອບສ່ວນຮັກສາການພັດທະນາເສດ ຖະກິດ-ສັງຄົມຂອງຈີນໃຫ້ຢູ່ໃນສະພາບທີ່ໝັ້ນທ່ຽງຢ່າງຕໍ່ເນື່ອງ.
ໃນໄລຍະຜ່ານມາ ຈີນໄດ້ປະກາດແຜນງານປ້ອງກັນ ແລະ ຄວບຄຸມພະຍາດໂຄວິດ-19 ມາແລ້ວ 9 ສະບັບ ແລະ ປະຕິບັດບັນດາມາດຕະການປ້ອງກັນພະຍາດດັ່ງກ່າວຕາມຫຼັກວິທະຍາສາດ ເຮັດໃຫ້ນັບມື້ຖືກຕ້ອງຕາມເປົ້າໝາຍ ແລະ ນັບມື້ນັບໄດ້ຮັບປະສິດທິຜົນສູງຂຶ້ນກວ່າເກົ່າ, ພ້ອມນີ້ ທ່ານສະແດງຄວາມເຊື່ອໝັ້ນວ່າ: ຜ່ານການຈັດຕັ້ງປະຕິບັດນະໂຍບາຍຈຳກັດກໍລະນີຜູ້ຕິດເຊື້ອພະຍາດໂຄວິດ-19 ໃຫ້ເປັນສູນ ຈະເຮັດໃຫ້ຈີນໄດ້ຮັບໄຊຊະນະເໜືອການລະບາດຂອງພະຍາດໂຄວິດ-19.
Cr: BT
