ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນບ່າຍ ວັນທີ 29 ສິງ ຫານີ້ ຢູ່ຫໍສະພາປະຊາຊົນ ທີ່ນະຄອນຫລວງປັກກິ່ງ, ທ່ານ ສີຈິ້ນຜິງ ປະທານປະເທດຈີນ ໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ ແຈັກ ຊູລິແວນ ຜູ້ຊ່ວຍວຽກດ້ານຄວາມໝັ້ນຄົງແຫ່ງຊາດ ຂອງປະທານາທິ ບໍດີອາເມຣິກາ.
ໃນໂອກາດນີ້, ທ່ານ ສີຈິ້ນຜິງ ຊີ້ໃຫ້ເຫັນວ່າ: ຈີນ-ອາເມຣິກາ ໃນຖານະເປັນ ສອງປະເທດໃຫຍ່, ຄວນມີຄວາມຮັບຜິດຊອບຕໍ່ປະຫວັດສາດ ຕໍ່ປະຊາຊົນ ແລະ ຕໍ່ໂລກ, ຄວນກາຍເປັນແຫລ່ງແຫ່ງສະຖຽນລະພາບຂອງສັນຕິພາບ ກໍຄືກໍາລັງແຮງຊຸກຍູ້ການພັດທະນາຮ່ວມຂອງໂລກ.
ທ່ານ ສີຈິ້ນຜິງ ກ່າວຕື່ມວ່າ: ເຖິງວ່າສະພາບການຂອງສອງປະເທດ ຈີນ-ອາເມ ຣິກາ ມີການປ່ຽນແປງຢ່າງຫລວງຫລາຍກໍຕາມ, ແຕ່ເປົ້າໝາຍຂອງຝ່າຍຈີນ ໃນການສຸມໃສ່ເຮັດໃຫ້ສາຍພົວພັນ ລະຫວ່າງ ຈີນ-ອາເມຣິກາ ໄດ້ຮັບການພັດທະນາຢ່າງໝັ້ນທ່ຽງ, ປອດໃສ ແລະ ຍືນຍົງ ນັ້ນບໍ່ໄດ້ປ່ຽນແປງ, ຫລັກໝັ້ນແຫ່ງການແກ້ ໄຂສາຍພົວພັນລະຫວ່າງ ຈີນ-ອາເມຣິກາ ໂດຍອີງຕາມຫລັກການເຄົາລົບເຊິ່ງກັນແລະກັນ, ຢູ່ຮ່ວມກັນໂດຍສັນຕິ ແລະ ຕ່າງຝ່າຍຕ່າງໄດ້ຮັບຜົນປະໂຫຍດນັ້ນ ບໍ່ໄດ້ປ່ຽນແປງ, ຫລັກໝັ້ນໃນການປົກປັກຮັກສາອະທິປະໄຕ, ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາຂອງຈີນ ຢ່າງເດັດດ່ຽວນັ້ນບໍ່ໄດ້ປ່ຽນແປງ ແລະ ຄວາມພະຍາຍາມໃນການສືບສານ ໄມຕີຈິດມິດຕະພາບທີ່ເປັນມູນເຊື້ອລະຫວ່າງປະຊາຊົນ ຈີນ-ອາເມຣິກາ ນັ້ນບໍ່ໄດ້ປ່ຽນແປງ. ຫວັງວ່າ ອາເມຣິກາ ຈະກ້າວເດີນໄປສູ່ທິດທາງດຽວ ກັນກັບຈີນ, ສຸມຄວາມພະຍາຍາມຮ່ວມກັບຈີນ ເພື່ອຄົ້ນພົບວິທີປະຕິບັດ ຕໍ່ກັນຢ່າງຖືກຕ້ອງລະຫວ່າງສອງປະເທດໃຫຍ່.
