ລະຫວ່າງວັນທີ 12 ຫາ 13 ທັນວານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດແຫ່ງ ສປ ຈີນ ໄດ້ເດີນ ທາງໄປຢ້ຽມຢາມຫວຽດນາມທາງລັດຖະກິດ. ຜົນສຳເລັດດ້ານການເມືອງທີ່ສຳຄັນໃນການຢ້ຽມຢາມຄັ້ງນີ້ແມ່ນ: ສອງຝ່າຍປະກາດສ້າງຄູ່ຮ່ວມຊາຕາກຳຈີນ- ຫວຽດ ນາມທີ່ມີຄວາມໝາຍທາງຍຸດທະສາດ ເຊິ່ງໄດ້ເປີດໄລຍະໃໝ່ແຫ່ງການຂະ ຫຍາຍການພົວພັນລະຫວ່າງສອງພັກ ແລະ ສອງລັດຈີນ-ຫວຽດນາມ. ຂ່າວສານຫວຽດນາມຊີ້ອອກວ່າ, ການຢ້ຽມຢາມຂອງທ່ານສີຈິ້ນຜິງຄັ້ງນີ້ເປັນ “ຫຼັກໝາຍທາງປະຫວັດສາດຄັ້ງໃໝ່ແຫ່ງການພົວພັນຈີນ-ຫວຽດນາມ” ເຊິ່ງໄດ້ສ່ອງແສງໃຫ້ເຫັນເຖິງຄວາມປາຖະໜາ ແລະ ຄວາມຕັດສິນໃຈທີ່ຈະສ້າງຄວາມສຸກໃຫ້ແກ່ປະຊາຊົນສອງຊາດ.
ຜູ້ຊ່ຽວຊານທີ່ກ່ຽວຂ້ອງໃຫ້ສຳພາດຕໍ່ CMG ວ່າ, ການກຳນົດສາຍພົວພັນໃໝ່ລະຫວ່າງສອງຝ່າຍເທື່ອນີ້ ໄດ້ສືບທອດ ແລະ ເສີມຂະຫຍາຍມູນເຊື້ອມິດຕະພາບລະຫວ່າງສອງພັກ ແລະ ສອງລັດຈີນ-ຫວຽດນາມ, ແມ່ນທາງເລືອກທີ່ຈຳເປັນທີ່ໄດ້ມາຈາກການໄປມາຫາສູ່ກັນຢ່າງແໜ້ນແຟ້ນລະຫວ່າງການນຳຂັ້ນສູງ ແລະ ຜົນການຮ່ວມມືຕົວຈິງຂອງສອງປະເທດໃນຜ່ານມາ ເຊິ່ງສອດຄ່ອງກັບຜົນປະໂຫຍດຮ່ວມ ແລະ ຄວາມປາຖະໜາຮ່ວມຂອງປະຊາຊົນສອງຊາດ. ມັນໄດ້ລື່ນກາຍຂອບເຂດສອງຝ່າຍ ທັງມີຜົນດີຕໍ່ສັນຕິພາບ ແລະ ການພັດທະນາຂອງພາກພື້ນ.
“ຫວຽດນາມ ແລະ ຈີນ ມີສາຍພູ ແລະ ແມ່ນ້ຳລຳເຊຕິດຈອດກັນ” ເນື້ອເພງທີ່ຄຸ້ນຫູຫວຽດທີ່ຊາວນາມຮ້ອງນັ້ນໄດ້ສ່ອງແສງໃຫ້ເຫັນມິດຕະພາບລະຫວ່າງສອງປະເທດທີ່ນັບມື້ນັບແໜ້ນແຟ້ນຍິ່ງຂຶ້ນ. ເປັນພີ່ນ້ອງກັນ ກໍຫວັງໃຫ້ພີ່ນ້ອງນັບມື້ນັບດີຂຶ້ນ, ເປັນບ້ານໃກ້ເຮືອນຄຽງທີ່ດີຕໍ່ກັນ, ກໍຫວັງໃຫ້ບ້ານໃກ້ເຮືອນຄຽງນັບມື້ນັບດີຂຶ້ນ, ຊ່ວຍບ້ານໃກ້ເຮືອນຄຽງກໍປານເໝືອນຊ່ວຍຕົນເອງ. ການສ້າງຄູ່ຮ່ວມຊາຕາກຳຈີນ-ຫວຽດນາມທີ່ມີຄວາມໝາຍທາງຍຸດທະສາດ, ຈະກາຍເປັນຈຸດເລີ່ມຕົ້ນໃໝ່ແຫ່ງການຂະຫຍາຍການພົວພັນລະຫວ່າງສອງປະເທດ ເຊິ່ງບໍ່ພຽງແຕ່ຈະສ້າງຊີວິດທີ່ດີງາມໃຫ້ແກ່ປະຊາຊົນສອງຊາດເທົ່ານັ້ນ, ຫາກຍັງນຳເອົາພະລັງທີ່ສ້າງສັນຫຼາຍກວ່າເກົ່າມາໃຫ້ພາກພື້ນອາຊີ-ອາຊີຟິກ ກໍຄືໃຫ້ໂລກ.
