ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຕອນເຊົ້າວັນທີ 27 ພະຈິກ 2023 ນີ້, ກົງກັບມື້ຂຶ້ນ 15 ຄ່ຳເດືອນ 12, ເປັນມື້ສຸດ ທ້າຍຂອງບຸນນະມັດສະການ ພະທາດຫລວງວຽງຈັນ ມວນຊົນນະຄອນຫລວງວຽງຈັນ ກໍຄື ພຸດທະສາ ສະນິກະຊົນລາວບັນດາເຜົ່າ ໄດ້ພ້ອມກັນໃສ່ບາດຖະຫວາຍສັງຄະທານ ແດ່ພະສົງສາມະເນນ ຢູ່ເດີ່ນທາດຫລວງ ໂດຍມີບັນດາການນໍາພັກ, ລັດ ນຳໂດຍ ທ່ານ ທອງລຸນ ສີສຸລິດ ປະທານປະເທດ, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ພ້ອມດ້ວຍພັນລະຍາ ເຂົ້າຮ່ວມນຳໜ້າໃສ່ບາດຖະຫວາຍສັງຄະທານ ດ້ວຍບັນຍາກາດອັນຄຶກຄື້ນ.
ການໃສ່ບາດຢາດນ້ຳໃນບຸນນະມັດສະ ການພະທາດຫລວງວຽງຈັນ ເປັນປະເພນີ ທີ່ໄດ້ສືບທອດກັນມາແຕ່ບູຮານນະການ ເຊິ່ງປະຊາຊົນລາວບັນດາເຜົ່າ ໄດ້ປະຕິບັດກັນມາ ໃນທຸກໆປີໃນມື້ສຸດທ້າຍຂອງງານ ເພື່ອອຸທິດສ່ວນບຸນສ່ວນກຸສົນ ໃຫ້ສຳພະເວສີ(ຜີເຜດ) ຫລື ໃຫ້ຍາດຕິພີ່ນ້ອງ, ເຈົ້າກຳນາຍເວນ, ຜີບໍ່ມີຍາດ, ເພື່ອນມິດສະຫາຍ ທີ່ໄດ້ລ່ວງລັບໄປແລ້ວ ເພື່ອເປັນບຸນ, ເປັນກຸສົນ ແລະ ອື່ນໆ.
ຂ່າວ: ທະນູທອງ
ພາບ: ຂັນໄຊ