ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຊາວຫນຸ່ມກະຊວງ ຖວທ ຮ່ວມຫວນຄືນມູນເຊື້ອການຮ່ວມມືລາວ-ຫວຽດນາມ

ຊາວຫນຸ່ມຈາກພາກສ່ວນຕ່າງໆ ອ້ອມຂ້າງກະຊວງ ຖະ ແຫລງຂ່າວ, ວັດທະນະທໍາ ແລະ ທ່ອງທ່ຽວ ເຂົ້າຊົມບັນດາຮູບພາບທີ່ນໍາໄປວາງສະແດງຢູ່ຫໍວັດທະນະທໍາແຫ່ງຊາດ, ນະຄອນຫລວງວຽງຈັນ ໃນວັນທີ 3 ກັນຍາ 2020.

ສໍາລັບຮູບພາບທີ່ວາງສະແດງ ມີຈໍານວນ 130 ຮູບ ພາບ ທີ່ສະທ້ອນໃຫ້ເຫັນຢ່າງສັງເຂບມູນເຊື້ອອັນສະຫງ່າອົງອາດແຫ່ງການຮ່ວມສໍາພັນສູ້ຮົບຂອງສອງຊາດໃນພາ ລະກິດຕໍ່ສູ້ກູ້ຊາດໃນເມື່ອກ່ອນ ກໍ່ຄື ໃນພາລະກິດການປົກປັກ ແລະ ສ້າງສາພັດທະນາຂອງສອງປະເທດໃນປັດຈຸບັນ; ສະແດງໃຫ້ເຫັນປະສິດທິພາບອັນໂດດເດັ່ນຂອງມິດຕະ ພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມ ມືຮອບດ້ານ ລະຫວ່າງ ສອງພັກ – ສອງລັດ ກໍ່ຄືປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ອ້າຍນ້ອງ ທີ່ພວມຄຽງບ່າຄຽງໄລ່ກ້າວຂື້້ນສູ່ຈຸດໝາຍທີ່ໄດ້ວາງໄວ້ ເພື່ອຄວາມສົມບູນພູນສຸກຂອງປະຊາຊົນ, ຄວາມວັດທະ ນາຖາວອນຂອງປະເທດຊາດ.

ສໍາລັບການວາງສະແດງຮູບພາບຄັ້ງນີ້ ໄດ້ດໍາເນີນເປັນເວລາ 3 ວັນ ຄື ວັນທີ 1-3 ກັນຍາ 2020. ນີ້ກໍ່ແມ່ນເປັນໜື່ງໃນບັນດາກິດຈະກໍາທີ່ສໍາຄັນຈັດຂື້້ນເພື່ອເປັນການອຸ ທິດ ແລະ ສະເຫຼີມສະຫຼອງວັນຊາດຫວຽດນາມ ຄົບຮອບ 75 ປີ ( 2 ກັນຍາ 1945 – 2 ກັນຍາ 2020) ເຊີ່ງຈັດຂຶ້ນໂດຍ ກະຊວງຖະແຫລງຂ່າວ, ວັດທະນະທໍາ ແລະ ທ່ອງ ທ່ຽວ ຮ່ວມກັບ ສະຖານເອກອັກຄະລັດຖະທູດຫວຽດ ນາມ ປະຈໍາລາວ.

ໂດຍ: ບຸນຕຽງ ຈັນທະວົງ