ເມື່ອບໍ່ດົນມານີ້, ໂທສະພາບສາກົນຈີນ ຫລື CGTN ຂອງວິທະຍຸໂທລະພາບສູນກາງຈີນ ຫລື CMG ໄດ້ຮ່ວມມືກັບມະຫາວິທະຍາໄລເຣີນມິນຈີນ ຈັດການສຳຫລວດ ປະຊາມະຕິຕໍ່ຊາວອາຟຣິກາ ເຊິ່ງຜົນການສຳຫລວດສະແດງໃຫ້ເຫັນວ່າ: ຜູ້ຕອບແບບສອບຖາມຊາວໜຸ່ມອາຟຣິກາ ທີ່ມີອາຍຸ 18 ຫາ 24 ປີ ມີຄວາມເຫັນດີຢ່າງເຕັມທີ່ຕໍ່ແນວຄິດ ແລະ ຜົນງານການພັດທະນາ ຂອງຄວາມທັນສະໄໝແບບຈີນ ພ້ອມທັງໄດ້ສະແດງຄວາມຊົມເຊີຍ ໃນລະດັບສູງ ແລະມີການຄອງຄອຍຢ່າງເຕັມທີ່ຕໍ່ໝາກຜົນການຮ່ວມມື ໃນຂົງເຂດຕ່າງໆລະຫວ່າງ ຈີນ ກັບ ອາຟຣິກາ ໃນຍຸກໃໝ່.
ໃນການສຳຫລວດປະຊາມະຕິດັ່ງກ່າວ, ຊາວໜຸ່ມຜູ້ຕອບແບບ ສອບຖາມມີຈຳນວນເຖິງ 89,9% ເຫັນວ່າ ປະເທດອາຟຣິກາ ໄດ້ຮັບຜົນ ປະໂຫຍດຢ່າງຫລວງຫລາຍໃນການພົວພັນການຄ້າກັບຈີນ, 94,9% ເຫັນວ່າ ປະເທດອາຟຣິກາ ຮັກສາການພົວພັນເສດຖະກິດການຄ້າອັນໝັ້ນທ່ຽງ ແລະປອດໃສກັບຈີນ ແມ່ນມີຄວາມສຳຄັນທີ່ສຸດ, 88,8% ເຫັນວ່າ ການຮ່ວມມືລະຫວ່າງຈີນ ກັບ ອາຟຣິກາ ໄດ້ປັບປຸງສະພາບການ ພັດທະນາເສດຖະກິດສັງ ຄົມຂອງອາຟຣິກາ ໃຫ້ດີຂຶ້ນຢ່າງຂະໜາດໃຫຍ່, 90,4% ເຫັນວ່າການລົງທຶນຂອງຈີນ ຢູ່ອາຟຣິກາ ໄດ້ນຳເອົາໂອກາດ ພັດທະນາອັນລ້ຳຄ່າໃຫ້ແກ່ອາຟຣິກາ.
ທີ່ມາ: CMG
