ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສະມາຄົມ ເຊໂລເວສ ລາວ ຈັດກອງປະຊູມສຳມະນາ ພາຍໃຕ້ຫົວຂໍ້: “ໄວໜຸ່ມເພື່ອການແກ້ໄຂບັນຫາການປ່ຽນແປງດິນຟ້າອາກາດໃນ ສປປ ລາວ 2023 (Youth Climate Action Conferencein Laos 2023) ໃນວັນທີ 23 ກັນຍາ 2023 ທີ່ສູນຮ່ວມມືສາກົນ ແລະ ຝຶກອົບຮົມລາວ-ຍິ່ປຸ່ນ,ນະຄອນຫລວງວຽງຈັນ ໂດຍມີ ທ່ານ ນ ຂັນທະລີ ສີລິພົງພັນ, ຮອງລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍບັນດາຕາງໜ້າຈາກພາກລັດ, ເອກກະຊົນ, ສະຖານທູດ, ອົງການຈັດຕັ້ງສາກົນ, ອົງກອນໄວໜຸ່ມຕະຫຼອດຮອດນ້ອງນັກຮຽນເຂົ້າຮ່ວມຫລາຍກວ່າ 300 ຄົນ.
ກອງປະຊຸມສໍາມະນາຄັ້ງນີ້ມີຄວາມສຳຄັນຫຼາຍຕໍ່ການປົກປັກຮັກສາສິ່ງແວດ ລ້ອມ ໂດຍສະເພາະແມ່ນການແກ້ໄຂບັນຫາການປ່ຽນແປງດິນຟ້າອາກາດ ໃນ ສປປ ລາວ. ເຊີ່ງເຍົາວະຊົນແລະ ຊາວຫນຸ່ມ ໄດ້ຮັບຟັງການສະຫຼຸບລາຍງານຜົນສຳເລັດໃນຈັດຕັ້ງປະຕິບັດວຽກງານປູກຈິດສໍານຶກດ້ານສິ່ງແວດລ້ອມຢູ່ 550 ໂຮງຮຽນໃນ 11 ແຂວງຂອງຄະນະທີມງານ ເຊໂລເວສ ລາວ ຮ່ວມກັບຫຼາຍພາກສ່ວນຈາກພາກລັດ-ເອກກະຊົນ ແລະ ອົງການຈັດຕັ້ງສາກົນຕ່າງໆ, ກິດຈະກຳການປູກຈິດສຳນືກ, ການນຳສະເໜີບົດຕ່າງໆກ່ຽວກັບສິ່ງແວດລ້ອມ ແລະ ການລະດົມແນວຄວາມຄິດກັບການແກ້ໄຂບັນຫາການປ່ຽນແປງດິນຟ້າອາກາດ ແລະ ບັນຫາເລື່ອງຂີ້ເຫຍື້ອ.
ສໍາລັບ 11 ແຂວງທີ່ທີມງານເຊໂລເວສລາວ ໄດ້ຈັດກິດຈະກໍາໃນໄລຍະຜ່ານມາ ລວມມີ: ນະຄອນຫລວງວຽງຈັນ, ຈໍາປາສັກ, ສາລະວັນ, ອັດຕະປື, ເຊກອງ, ຄໍາມ່ວນ, ສະຫວັນນະເຂດ, ຊຽງຂວາງ, ໄຊຍະບູລີ, ຫລວງພະບາງ ແລະແຂວງວຽງຈັນ. ສ່ວນກິດຈະກໍາທີ່ຈັດຕັ້ງປະຕິບັດ ລວມມີ: ການປູກຕົ້ນໄມ້,ກ້າເບ້ຍໄມ້,ການໃຫ້ຄວາມຮູ້ແກ່ເຍົາວະຊົນ ແລະ ຊາວຫນຸ່ມພາຍໃນ 550 ໂຮງຮຽນພາຍໃນແຂວງດັ່ງກ່າວກ່ຽວກັບບັຍຫາສິ່ງແວດລ້ອມ,ການປ່ຽນແປງຂອງດິນຟ້າອາກາດ ແລະ ອື່ນໆ.
ໃນໂອກາດມີຄໍາເຫັນຕໍ່ກອງປະຊຸມຄັ້ງນີ້ ທ່ານ ນ. ຂັນທະລີ ສີລິພົງພັນ, ຮອງລັດ ຖະມົນຕີ ກະຊວງສຶກສາທິການ ແລະກິລາ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະທີມງາມ ເຊໂລເວສ ລາວ ທີ່ໄດ້ເອົາໃຈໃສ່ຕໍ່ບັນຫາສິ່ງ ແວດລ້ອມ ແລະ ເຮັດວຽກຮ່ວມມືກັນ ພະແນກສືກສາທີການ ແລະ ກິລາແຂວງ, ກັບບັນດາໂຮງຮຽນ ຈຳ ນວນ550 ໂຮງຮຽນ ໃນ 11 ແຂວງ ໃນກິດຈະກຳປູກຈິດສຳນຶກດ້ານສິ່ງແວດລ້ອມ ແລະ ກິດຈະກຳປູກຕົ້ນໄມ້ໃຫ້ໝາກ ຢູ່ພາຍໃນໂຮງນຽນ ໃນໄລຍະຜ່ານມາ, ພ້ອມທັງສະເໜີ ຄູ-ອາຈານ ແລະ ນ້ອງນັກຮຽນ ຈົ່ງນຳເອົາຄວາມຮູ້ທີ່ຈະໄດ້ຮັບຟັງການສະ ເໜີຂອງ ທີມງານເຊໂລເວສ ລາວ ກ່ຽວກັບບັນຫາ ແລະ ວີທີແກ້ໄຂການປ່ຽນແປງດີນຟ້າອາກາດ, ບັນຫາກ່ຽວກັບຂີເຫຍື່ອ ແລະ ກີດຈະກຳອື່ນໆ ນຳໄປຄົ້ນຄວ້າ ແລະ ຈັດຕັ້ງປະຕິບັດໃນຕໍ່ໜ້າ.