ຊາວໜຸ່ມ 3 ປະເທດຮ່ວມພິທີຊຸມນຸມໄຟ

ໃນໂອກາດກອງປະຊຸມຮ່ວມມືເຂດສາມຫຼ່ຽມພັດທະນາ ກຳປູເຈຍ- ລາວ- ຫວຽດ ນາມ (CLV) ທີ່ແຂວງ ອັດຕະປື ເປັນເຈົ້າພາບ. ໃນຕອນຄ່ຳວັນທີ 28 ກຸມພາ 2024 ຊາວໜຸ່ມ 3 ປະເທດກຳປູເຈຍ-ລາວ- ຫວຽດນາມ ໄດ້ຈັດພິທີຊຸມນຸມໄຟ ທີ່ໜ້າຫໍປະ ຊຸມໃຫຍ່ແຂວງ.

ກ່ອນເລີ່ມຕົ້ນເຂົ້າສູ່ພິທີທາງການ ໄດ້ມີການສະເເດງສິລະປະວັນນະຄະດີທີ່ສະແດງໃຫ້ເຫັນເຖິງການເສີມຂະຫຍາຍມູນເຊື້ອ, ຄວາມສາມັກຄືຮັກແພງຂອງບັນ ດາຊາວໜຸ່ມ 3 ປະເທດຕໍ່ການພັດທະນາໃນເຂດສາມຫຼ່ຽມພັດ ທະນາກຳປູເຈຍ-ລາວ-ຫວຽດ ນາມ. ໃນໂອກາດດຽວກັນຜູ້ຕາງໜ້າຄະນະຊາວໜຸ່ມ 3 ປະເທດ ໄດ້ຜັດປ່ຽນກັນຂຶ້ນກ່າວປາໃສຕໍ່ພິີໂຮມຊຸມນຸມໄຟ ໂດຍໄດ້ຍົກໃຫ້ເຫັນເຖິງບັນຍາກາດສະເຫຼີມສະຫຼອງຂໍ່ານັບຮັບຕ້ອນກອງປະຊຸມ CLV ທີ່ແຂວງ ອັດຕະປື ເປັນເຈົ້າພາບ. ກິດຈະກໍາຊຸມນຸມໄຟ ຄັ້ງນີ້ຈັດຂຶ້ນເພື່ອສ້າງຄວາມສາມັກຄີຮັກແພງລະຫວ່າງຊາວ ໜຸ່ມສາມປະເທດ ເນື່ອງໃນໂອກາດການເຂົ້າຮ່ວມດຳເນີນກອງປະຊຸມຊາວໜຸ່ມ ສາມຫຼ່ຽມພັດທະນາ ກໍາປູເຈຍ-ລາວ- ຫວຽດນາມ ຄັ້ງທີ 9 ທີ່ແຂວງ ອັດຕະປື ເປັນເຈົ້າພາບ ກໍຄືກອງປະຊຸປິ່ນອ້ອມອື່ນໆ ທັງເປັນການເສີມຂະຫຍາຍມູນເຊື້ອ, ສ້າງຄວາມສາມັກຄີ ຮັກແພງລະຫວ່າງ ຊາວໜຸ່ມ 3 ປະເທດອີກດ້ວຍ.

ກິດຈະກໍາຊຸມນຸມໄຟ ກໍາເນີດເກີດຂື້ນມາຫຼາຍຍຸກຫຼາຍສະໄໝ ນັບແຕ່ສະໄໝປູ່ຍ່າຕາຍາຍ ພາຍຫຼັງທີ່ສໍາເລັດການເກັບມ້ຽນຜົນລະປູກ ໃນແຕ່ລະດູການປູກຝັງ ຫຼື ມີ ການຊຸມນຸມມ່ວນຊື່ນພາຍໃນບ້ານ ແລະ ການປຶກສາຫາລືວຽກງານຕ່າງໆຂອງບ້ານ, ນອກນັ້ນກໍ່ຍັງມີການເລົ່ານິທານ ແລະ ຟ້ອນມ່ວນຊື່ນອ້ອມກອງໄຟ.

ໃນພິທີ ຍັງໄດ້ຮັບຊົມການສະແດງສິນລະປະຈາກຊາວໝຸມ 3 ປະເທດ ແລະ ຮ້ອງເພງດ້ວຍຄວາມເບີກບານມ່ວນຊື່ນ, ມີບັນຍາກາດຝົດຟື້ນ, ເຕັມໄປດ້ວຍຄວາມສາ ມັກຄີຮັກແພງບົນສາຍພົວພັນມິດຕະພາບ ແລະ ມີເນື້ອໃນສຳ ຄັນເລິກເຊິ່ງ.

ໂດຍ: ມະນີວອນ