ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຊາຫົວສິງໄຄໃບເຕີຍ ດື່ມແກ້ອາການຊາ, ເຈັບຫຼັງ ແລະ ເຈັບຂາ

 

ຫົວສິງໄຄ ແລະ ໃບເຕີຍ ເປັນສະໝຸນໄພທີ່ມີສັບພະຄຸນຫຼາກຫຼາຍ ທີ່ເປັນປະໂຫຍດຕໍ່ຮ່າງກາຍ ແລະ ທີ່ສຳຄັນ ສະໜຸນໄພສອງຊະນິດນີ້ແມ່ນມີສັບພະຄຸນທາງຢາ ໂດຍສະເພາະແມ່ນຫົວສິງໄຄໄດ້ນໍາມາເປັນສ່ວນປະກອບໃນການເຮັດຢານວດ ແລະ ອື່ນໆ. ເຊິ່ງມື້ນີ້ ຈະມາແນະນຳການເຮັດຊາສິງໄຄໃບເຕີຍ ດື່ມແກ້ອາການຊາ, ເຈັບຫຼັງ, ເຈັບຂາ ເຊິ່ງຂັ້ນຕອນການເຮັດມີດັ່ງນີ້

ສ່ວນປະສົມ:

ຫົວສິງໄຄ 3-4 ຫົວ

ໃບເຕີຍ 6-7 ກ້ານ

ນໍ້າຕານໝາກພ້າວ ຫຼື ນໍ້າເຜິ້ງ ຫຼື ນໍ້າຕານຊາຍກໍ່ໄດ້ (ບໍ່ໃສ່ຍິ່ງເປັນການດີ)

ນໍ້າດື່ມສະອາດ 1 ລິດ

ວິທີເຮັດ: ຂັ້ນຕອນການເຮັດ ແມ່ນລ້າງຫົວສິງໄຄ ແລະ ໃບເຕີຍ ໃຫ້ສະອາດ. ຫຼັງຈາກນັ້ນ, ນຳມາຕົ້ມຈົນຟົດ. ຈາກນັ້ນ, ຜ່ອນໄຟລົງຄ່ອຍໆ ແລ້ວຕົ້ມຕໍ່ອີກ 15 ນາທີ ຫ້າມເປີດຝາໂດຍເດັດຂາດ. ເມື່ອຄົບ 15 ນາທີແລ້ວ ປະໄວ້ໃຫ້ເຢັນ. ຫາກຕ້ອງການໃສ່ນໍ້າຕານ ກໍ່ສາມາດໃສ່ໄດ້ ແຕ່ໃຫ້ໃສ່ໃນປະລິມານທີ່ພໍດີ. ຖ້າຫາກຈະເຮັດໄວ້ດື່ມຫຼາຍເທື່ອ ແນະນຳຫ້າມໃສ່ນໍ້າຕານຕອນຕົ້ມ ເມື່ອນໍາມາດື່ມຈຶ່ງໃສ່ນໍ້າຕານ.

ພ້ອມນີ້, ຈາກຜົນວິໄຈໃຫ້ຮູ້ວ່າ ຊາຫົວສິງໄຄໃບເຕີຍ ຫາກດື່ມແທນນໍ້າລ້າໆຕິດຕໍ່ກັນປະມານ 1 ອາທິດ ຈະຊ່ວຍລ້າງກົດຍູຣິກອອກຈາກຮ່າງກາຍອີກດ້ວຍ.