ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຊີເກມ ຄັ້ງທີ 31 ທີ່ຫວຽດນາມ ກຳນົດແຂ່ງຂັນ 36 ປະ ເພດ

ຄະນະນຳກະຊວງສຶກສາທິການ ແລະ ກິລາ ແລະ ຄະ ນະກຳມະການໂອແລັມປິກແຫ່ງຊາດລາວ ຮ່ວມປະຊຸມທາງໄກ ຫຼື ວີດິໂອຄອນເຟີເຣນຂອງຄະນະມົນຕີກິລາຊີເກມ ຄັ້ງທີ 31 ທີ່ຫວຽດນາມ ເປັນເຈົ້າພາບ ຈັດຂຶ້ນໃນລະຫວ່າງວັນທີ 22-23 ກໍລະກົດ 2020.

ກອງປະຊຸມໄດ້ປຶກສາຫາລືຫຼາຍໜ້າວຽກ ຄື: ວຽກເຕັກນິກການແຂ່ງຂັນ, ປະເພດກິລາທີ່ຈະບັນຈຸແຂ່ງຂັນ, ການຫ້າມໃຊ້ສານກະຕຸ້ນນັກກິລາ, ແມ່ຍິງກັບການກິລາ ແລະ ບັນຫາປິ່ນອ້ອມທົ່ວໄປ. ໃນເບື້ອງຕົ້ນຫວຽດນາມ ໄດ້ສະເໜີວ່າ ງານມະຫະກໍາກິລາຊີເກມ ຄັ້ງທີ 31 ທີ່ຫວຽດ ນາມຈະເປັນເຈົ້າພາບ ໃນປີ 2021 ໄດ້ກຳນົດສະຖານທີ່ແຂ່ງຂັນຫຼັກໃນນະຄອນຫຼວງຮ່າໂນ້ຍ ແລະ ອີກ 10 ຕົວເມືອງໃກ້ຄຽງ ຄື: ບັກນິງ, ຮານາມ, ວິງຟຸກ, ບັກກຽງ, ຮາຍດົງ, ຮວາບິງ, ນາມດິງ, ນິງບິ່ງ, ຮາຍຟອງ ແລະ ກວາງນິງ ທີ່ມີໄລຍະທາງຫ່າງກັນ ປະມານ 30-150 ກິໂລແມັດ. ສ່ວນວັນເວລາໃນການຈັດການແຂ່ງຂັນແມ່ນກຳນົດເອົາລະ ຫວ່າງວັນທີ 21 ພະຈິກ ຫາ 2 ທັນວາ 2021 ແລະ ປະ ເພດກິລາ ທີ່ຈະນໍາມາແຂ່ງຂັນມີ 36 ປະເພດ ລວມມີ 450 ລາຍການ ແລະ ຄາດວ່າຈະມີນັກກິລາ ແລະ ຄະນະນໍາເຂົ້າ ຮ່ວມແຂ່ງຂັນທັງໝົດປະມານ 10.000 ກວ່າຄົນ ໃນນີ້ຈະບໍ່ມີໝູ່ບ້ານນັກກິລາ ຊຶ່ງຈະນຳໃຊ້ບັນດາໂຮງແຮມໃນເຂດໃກ້ຄຽງເປັນບ່ອນພັກເຊົາຂອງນັກກິລາ ກໍຄືຜູ້ແທນເຂົ້າງານທັງໝົດ.

ສຳລັບ 36 ປະເພດກິລາ ທີ່ໄດ້ຮອງຮັບໃນເບື້ອງຕົ້ນປະກອບມີ: ແລ່ນ-ລານ, ລອຍນໍ້າ, ຍິງທະນູ, ດອກປີກໄກ່, ບານບ້ວງ, ບິນລຽດ-ສະນຸກເກິີ້, ມວຍສາກົນ, ເຮືອຄາຍັກ, ໝາກເສິກ-ຊຽງຊີ (ໝາກເສິກແບບຈີນ), ລົດຖີບ, ເຕັ້ນລີລາດ, ຟັນດາບ, ເຕະບານ-ຟຸດຊໍ, ກັອບ, ຢິດນາດສະຕິກ, ບານສົ່ງໃນຮົ່ມ-ຫາດຊາຍ, ຢູໂດ, ຄາຣາເຕໂດ, ມວຍ, ປັນຈັກສີລັດ, ເປຕັງ, ໂຍນນຳ້ໜັກ, ກະຕໍ້, ຍິງປືນ, ປິ່ງປ່ອງ, ເທຄວັນໂດ, ເທັນນິດ, ຍົກນຳ້ໜັກ, ມວຍປຳ້, ວູຊູ, ລອຍນຳ້, ເພາະກາຍ, ມວຍກູຣັດ, ຄິກບ໊ອກຊິງ ແລະ ໂວວີນາມ.

Cr: ເຈັດໜຸ່ມ