ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ຊົນນະບົດຢູ່ໃນເມືອງຊີເມີງນະຄອນພູເອີແຂວງຢຸນນານແມ່ນເຕັມໄປດ້ວຍພະລັງຊີວິດ

ເພື່ອສ້າງລິສອດພັກຜ່ອນແບບທຳ ມະຊາດ ແລະ ສ້າງບ້ານອີ່ມໜຳສຳລານລຽບຕາມຊາຍແດນ, ປັດຈຸບັນໃນເມືອງຊີເມີງ, ນະຄອນພູເອີ, ແຂວງຢຸນນານ ມີບ້ານຈຳນວນໜື່ງໄດ້ກາຍເປັນຄືພາບທີ່ສວຍງາມ ມ່ີສະພາບແວດລ້ອມສະອາດຈົບງາມ, ທົ່ງນາສາຍນໍ້າຂຽວງາມ, ຂະແໜງການຕ່າງໆຂະຫຍາຍຕົວເປັນຢ່າງດີ, ຊີວີດຂອງປະຊາຊົນຮັ່ງມີຜາສຸກ, ອາໄສຢູ່ບ້ານທີ່ມີສີສັນພິເສດຈຳນວນໜື່ງ ກຳລັງຈະມີພາບທີ່ອ້ອມຮອບດ້ວຍພູຜາ ແລະ ນ້ຳໃສ, ເຮືອນ, ທົ່ງນາ, ຊົນນະບົດທີ່ສວຍງາມ, ບໍ່ພຽງແຕ່ເປັນຮູບພາບທີ່ສວຍງາມ, ແຕ່ຍັງມີການພັດທະນາທີ່ດີ ກຳລັງມີການການຫັນປ່ຽນຢ່າງໃຫຍ່ຫຼວງ ຢູ່ໃນດິນແດນເມືອງຊິເມີງ.
ໃນເດືອນກໍລະກົດ, ຢູ່ໜ່ວຍທີ2ຂອງບ້ານຢົງປູ້ລໍ້ ຕາແສງຈົ່ງເຄີ້, ຢູ່ທົ່ວທຸກແຫ່ງກໍ່ເຫັນທິວທັດທີ່ສວຍງາມ. ຢູ່ເດີ່ນວັດທະນະທຳໃໝ່, ມີເດັກນ້ອຍກໍາລັງຫຼີ້ນເປັນກຸ່ມ3-5ຄົນ; ນິຄົມລ້ຽງສັດເຕົ້າໂຮມເປັນແຖວຢູ່ລຽບຕາມທັງສອງຟາກທາງຂອງບ້ານທີ່ສະອາດ ແລະ ເປັນລະບຽບດີ, ຝາວັດທະນະທໍາທີ່ມີຫຼາກຫຼາຍສີສັນ, ໄດ້ສະແດງໃຫ້ເຫັນໂສມໜ້າໃໝ່ ຂອງຊົນນະບົດໃໝ່, ທິວທັດທີ່ສົດໃສອົບອຸ່ນ ແລະ ປະສົມກົມກຽວຂອງຊົນນະບົດທີ່ສວຍງາມ, ມັນເປັນພາບໃໝ່ຂອງການກໍ່ສາ້ງບ້ານອີ່ມໜຳສຳລານລຽບຕາມຊາຍແດນຂອງເມືອງຊິເມີງ.
ນັບແຕ່ເລີ່ມການສ້າງບ້ານອີ່ມໜຳສຳລານເປັນຕົ້ນມາ, ໜ່ວຍທີ 2 ຂອງບ້ານຢົງປູ້ລໍ້ ໂດຍຜ່ານມາດຕະການກໍ່ສ້າງນິຄົມລ້ຽງສັດເຕົ້າໂຮມ, ສ້າງຮົ້ວ, ປັບປຸງຝາດ້ານນອກຂອງເຮືອນປະຊາຊົນທີ່ມີເອກະລັກ, ປັບປຸງສະພາບແວດລ້ອມ, ມ້າງເຮືອນເກົ່າ ແລະ ອື່ນໆ, ເຮັດໃຫ້ສິ່ງແວດລ້ອມເປັນສີຂຽວສວຍສົດງາມຢ່າງຕໍ່ເນື່ອງ, ສົ່ງເສີມການປ່ຽນແປງ ສະພາບແວດລ້ອມດໍາລົງຊີວິໃນຊົນນະບົດຈາກ “ຄວາມງາມນ້ອຍໆ”” ຂອງຄອບຄົວໄປສູ່ “ຄວາມງາມລວມ” ຂອງຊົນນະບົດ, ແລະຈາກ “ຄວາມສະອາດບາງຄັ້ງ” ໄປສູ່ “ງາມຕະຫຼອດໄປ”.
“ໃນປັດຈຸບັນນີ້, ພວກເຮົາໄປບ່ອນໃດສະພາບແວດລ້ອມຂອງບ້ານພວກເຮົາສະອາດດີງາມຕາ, ພວກເຮົາ
ດໍາລົງຊີວິດຢູ່ໃນບ້ານກໍ່ສະບາຍໃຈ ແລະ ມີຫຼາຍຄົນມັກມາທ່ຽວຫຼິ້ນ.” ຄອກງົວ ແລະ ໝູຂອງຄອບຄົວໄດ້ຍ້າຍ
ໄປຢູ່ນິຄົມລ້ຽງສັດເຕົ້າໂຮມແລ້ວ. ທ້າວ ເຢ້ ຮັ້ນ(Ye Han)ເປັນຊາວບ້ານຢູ່ໃນໜ່ວຍທີ2ຂອງບ້ານຢົງປູ້ລໍ້,ໄດ້ສ້າງເຮືອນໃໝ່ຢູ່ທີ່ດິນຫວ່າງ, ແລ້ວເປີດຮ້ານກິນດື່ມ ແລະ ດໍາລົງຊີວິດຢ່າງມີຄວາມສຸກ.
ໂຄງການສ້າງສາບ້ານອີ່ມໜຳສຳລານແບບຢ່າງລຽບຕາມຊາຍແດນຂອງແຂວງຢຸນນານ ສົມທົບກັບເປົ້າໝາຍໄລຍະສັ້ນຂອງຍຸດທະສາດການຟື້ນຟູຊົນນະບົດ, ອີງຕາມເປົ້າໝາຍທີ່ກໍ່ສ້າງພື້ນຖານອັນແຂັ້ມແຂງ, ມີຄວາມຈະເລີນທຸກດ້ານ, ສະພາບແວດລ້ອມທີ່ສວຍງາມ, ດໍາລົງຊີວິດຢ່າງຜາສຸກ, ເຂດຊາຍແດນມີສະຖຽນລະພາບ, ສ້າງໜ່ວຍພັກເຂັ້ມແຂງ,ໄດ້ກຳນົດມາດຕະຖານການກໍ່ສ້າງບ້ານອີ່ມໜຳສຳລານແບບຢ່າງ5ອັນຄື: ການຜະລິດເປັນເສົາຄໍ້າ, ວັດທະນະທຳ ແລະ ທ່ອງທ່ຽວປະສານກົມກຽວ, ລະບົບນິເວດດີຕໍ່ການດໍາລົງຊີວິດ, ສົ່ງເສີມການຄ້າຊາຍແດນ, ມິດຕະພາບຖານບ້ານໃກ້ເຮືອນຄຽງທີ່ດີ.
ໂຄງການສ້າງສາບ້ານອີ່ມໜຳສຳລານແບບຢ່າງໄດ້ທົດລົງໃນ30ບ້ານທີ່ຕິດຕາມຊາຍແດນຂອງ25ເມືອງຫຼືນະຄອນລຽບຕາມຊາຍແດນ, ເມືອງຊິເມີງເລືອກເອົາໜ່ວຍທີ່2ຂອງບ້ານຢົງປູ້ລໍ້, ຕາແສງຈົ່ງເຄີ້ ເປັນຈຸດທົດລອງ, ສ້າງເປັນບ້ານແບບຢ່າງຊະນິດວັດທະນະທຳ ແລະ ທ່ອງທ່ຽວປະສົມປະສານກັນ.
ທ່ານ ລໍຢຸນຫົງ, ຫົວໜ້າໜ່ວຍແກ້ໄຂຄວາມທຸກຍາກຂອງຕາແສງຈົ່ງເຄີ້, ເມືອງຊິເມີງແນະນຳໃຫ້ຮູ້ວ່າ:ປະຈຸບັນ,ໂຄງການທົດລອງສ້າງບ້ານແບບຢ່າງໜ່ວຍທີ່2ຂອງບ້ານຢົງປູ້ລໍ້ໄດ້ສຳເລັດແລ້ວ, ອີກບໍ່ດົນຈະຜ່ານການກວດກາຮັບຮອງເອົາ. ຫຼັງຈາກສຳເລັດໂຄງການນີ້ແລ້ວ, ພວກເຮົາໄດ້ວາງແຜນໃນກາງປີນີ້ຈະສືບຕໍ່ດໍາເນີນໂຄງການສ້າງສາບ້ານອີ່ມໜໍາສໍາລານ ໃນອີກ6ໜ່ວຍຂອງບ້ານຢົງປູ້ລໍ້.
ການປ່ຽນແປງອັນໃຫຍ່ຫຼວງຂອງຊົນນະບົດໄດ້ສະແດງອອກຢູ່ໃນການວາງແຜນທີ່ສາມາດຮັກສາຄວາມຄິດເຖິງບ້ານເກີດເມືອງນອນ ແລະ ທິວທັດພູຜາແມ່ນໍ້າທຳມະຊາດ. ໃນໄລຍະ ປະຕິບັດແຜນພັດທະນາເສດຖະກິດ-ສັງຄົມ 5ປີຄັ້ງທີ14ຂອງເມືອງຊິເມີງ, ຊົນນະບົດທີ່ສວຍງາມກໍາລັງຄ່ອຍໆມີການພັດທະນາເປັນບ້ານທີ່ສວຍງາມຈະເລີນຮຸ່ງເຮືອງປະຊາຊົນຮັ່ງມີ, ຊີວິດມີຄວາມສຸກ. ຊົນນະບົດທີ່ສວຍງາມຂອງເມືອງຊິເມີງ ບໍ່ພຽງແຕ່ມີຮູບເອກກະລັກສະເພາະຕົວເທົ່ານັ້ນ, ແຕ່ໝາຍເຖິງການພັດທະນາທີ່ຈະມີອະນາຄົດທີ່ດີອີກ.