ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ນາງ ມະຍຸລີ ຜາເມືອງ, ຄົນເຊື້ອຊາດລາວ, ສັນຊາດອາເມລິກາ ປະກອບສ່ວນປຸກລະດົມທຶນຈາກຕ່າງປະເທດ, ພ້ອມທັງສົມທົບທຶນຕົນເອງ ຊ່ວຍເຫລືອກໍ່ສ້າງໂຮງຮຽນປະຖົມຢາງປາ, ເມືອງສໍາພັນ, ແຂວງຜົ້ງສາລີ ມູນຄ່າເກືອບ 300 ລ້ານກີບ ໂດຍຜ່ານງານສະແດງລິລະປະເພື່ອການກຸສົນ ແລະ ຜູ້ບໍລິ ຈາກສົມທົບທຶນຊ່ວຍເຫລືອຊາວໜຸ່ມ-ເຍົາວະຊົນ ເຂດຫ່າງໄກສອກຫລີກຢູ່ພາກເໜືອຂອງລາວ ພາຍໃຕ້ຫົວຂໍ້ “ສ້າງເພື່ອນ້ອງ” ທີ່ສູນກາງຊາວໜຸ່ມ ປະຊາຊົນ ປະຕິວັດລາວ ຈັດຂຶ້ນທີ່ນະຄອນຫລວງວຽງຈັນໃນທ້າຍປີ 2023 ຜ່ານມາ.
ທ່ານ ນາງ ມະຍຸລີ ຜາເມືອງ ໃຫ້ສໍາພາດໃນໂອກາດເຂົ້າຮ່ວມພິທີມອບໃບກຽດຕິຄຸນ ແລະ ໃບຍ້ອງຍໍໃຫ້ຜູ້ປະກອບສ່ວນງານສະ ແດງລິລະປະເພື່ອການກຸສົນ ແລະ ຜູ້ບໍລິຈາກສົມທົບທຶນຊ່ວຍ ເຫລືອຊາວໜຸ່ມ-ເຍົາວະຊົນ ເຂດຫ່າງໄກສອກຫລີກຢູ່ພາກເໜືອຂອງລາວ ພາຍໃຕ້ຫົວຂໍ້ “ສ້າງເພື່ອນ້ອງ” ຈັດຂຶ້ນຢູ່ສູນກາງຊາວ ໜຸ່ມ ປະຊາຊົນ ປະຕິວັດລາວ ເມື່ອບໍ່ດົນມານີ້ວ່າ: ດີໃຈຫລາຍທີ່ໄດ້ປະກອບລະດົມທຶນ ແລະ ສົມທົບທຶນສ່ວນຕົວຊ່ວຍເຫລືອນັກຮຽນຂອງລາວໃນເຂດຊົນນະບົດ, ເຖີງວ່າທຶນດັ່ງກ່າວບໍ່ຫລາຍແຕ່ເປັນການຊ່ວຍເຫລືອຈາກໃຈຈິງ, ພ້ອມນີ້ ທ່ານຍັງສະ ແດງຄວາມດີໃຈທີ່ໄດ້ເດີນທາງມາປະເທດລາວ ແລະ ເຫັນປະເທດລາວໄດ້ຮັບການພັດທະນານັບມື້ດີຂຶ້ນຢ່າງຕໍ່ເນື່ອງ, ຊຶ່ງໃນຕໍ່ໜ້າທ່ານຈະພະຍາຍາມລະດົບທຶນຈາກຄົນເຊື້ອຊາດລາວທີ່ຢູ່ຕ່າງປະ ເທດ ໂດຍສະເພາະຢູ່ສະຫະລັດອາເມລິກມາຊ່ວຍເຫລືອນັກຮຽນກໍຄື ປະຊາຊົນໃນເຂດຊົນນະບົດຂອງລາວໃນຫລາຍຂຶ້ນກວ່າເກົ່າ.
ສໍາລັບໂຮງຮຽນປະຖົມຢາງປາ ແມ່ນໂຮງຮຽນທີ່ຢູ່ເຂດຊົນນະ ບົດຂອງເມືອງສໍາພັນ, ແຂວງຜົ້ງສາລີ ຊຶ່ງສູນກາງຊາວໜຸ່ມປະຊາ ຊົນ ປະຕິວັດລາວ ໄດ້ລະດົມທຶນ ດ້ວຍການຈັດງານສະແດງສິລະ ປະ 2 ຄັ້ງໃນປີ 2023 ຜ່ານມາ ເພື່ອໄປກໍ່ສ້າງຫໍພັກໃຫ້ນັກຮຽນດັ່ງກ່າວ ເພາະການເດີນທາງໄປຮຽນຂອງນັກຮຽນຫຍຸ້ງຍາກຫລາຍ. ປັດຈຸບັນ ທຶນທີ່ໄດ້ຮັບການຊ່ວຍເຫລືອທັງໝົດໄດ້ມອບໃຫ້ຊາວໜຸ່ມແຂວງຜົ້ງສາລີ ຮຽບຮ້ອຍແລ້ວ ເພື່ອນໍາໃຊ້ເຂົ້າໃນການກໍ່ສ້າງຫໍພັກຂອງໂຮງຮຽນດັ່ງກ່າວ ຊຶ່ງພວມດໍາເນີນຢູ່ໃນປັດຈຸບັນນີ້.
Cr: ຂ່າວອອນລາຍ, ວສລ
May be an image of 2 people and text