ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຊົມເຊີຍ ບໍລິສັດ ເອັສວີກຣຸບ ຈຳກັດ ມອບເງິນຊ່ວຍເຫຼືອ ຜູ້ປະສົບໄພນໍ້າຖ້ວມຢູ່ປະເທດເຮົາ

ໃນຕອນແລງຂອງວັນທີ 9 ກັນຍາ 2019, ທີ່ຫ້ອງວ່າການສຳນັກງານນາຍົກລັດຖະມົນຕີ, ນະຄອນຫຼວງວຽງຈັນ, ບໍລິສັດ ເອັສວີກຣຸບ ຈຳກັດ ໄດ້ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ ຈຳນວນ 200.000.000 ກີບ, ຊຶ່ງຕາງໜ້າໃຫ້ແກ່ບໍລິສັດ ກ່າວມອບ ແມ່ນທ່ານ ສົມຈິດ ຫົງວິຈິດ, ຮອງຜູ້ອຳນວຍການ ບໍລິສັດ ເອັສວີກຣຸບ ຈຳກັດ ແລະ ກ່າວຮັບ ແມ່ນທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ໂດຍມີພະນັກງານທີ່ກ່ຽວຂ້ອງ ເຂົ້າຮ່ວມ.
ໃນໂອກາດນີ້, ທ່ານ ເພັດ ພົມພິພັກ ໄດ້ກ່າວຂອບໃຈ ຕໍ່ບໍລິສັດ ເອັສວີກຣຸບ ຈຳກັດ ທີ່ໄດ້ປະກອບສ່ວນໃຫ້ການຊ່ວຍ ເຫຼືອອັນລໍ້າຄ່າແກ່ປະຊາຊົນຜູ້ປະສົບໄພນໍ້າຖ້ວມ ໃນປີນີ້.
ພ້ອມກັນນັ້ນ, ກໍ່ຈະນຳເອົາການຊ່ວຍເຫຼືອດັ່ງກ່າວ ໄປມອບຕໍ່ໃຫ້ພາກສ່ວນທີ່ກ່ຽວຂ້ອງ ເພື່ອນຳໄປຊ່ວຍເຫຼືອ ໃຫ້ຮອດໃຫ້ເຖິງມືຂອງປະຊາຊົນຜູ້ໄດ້ຮັບຜົນກະທົບຈາກໄພພິບັດນໍ້າຖ້ວມ ຢ່າງແທ້ຈິງ ແລະ ເກີດປະໂຫຍດສູງສຸດ.