ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຊຽງຂວາງຈັດພິທີຫຼໍ່ຍອດເກດຂອງພະເຈົ້າອົງຫຼວງປາງປະທານພອນ

ອຳນາດການປົກຄອງແຂວງຊຽງຂວາງ ຮ່ວມກັບ ອຳນາດການປົກຄອງນະຄອນຫຼວງວຽງຈັນ ໄດ້ຈັດພິທີຫຼໍ່ ຍອດເກດ ຂອງພະເຈົ້າອົງຫຼວງປາງປະທານພອນ, ຂຶ້ນທີ່ວັດອົງຕື້ ນະຄອນຫຼວງວຽງຈັນ ໃນວັນທີ 9 ມັງກອນ 2020, ໂດຍມີພຣະຖຣາ-ນຸເຖຣະ ແລະ ການເຂົ້າຮ່ວມຂອງ ທ່ານ ພັນຄຳ ວິພາວັນ ຮອງປະທານປະເທດ, ພ້ອມດ້ວຍການນຳພັກ-ລັດ ແລະ ປະຊາຊົນຊາວນະຄອນຫຼວງວຽງຈັນຈຳນວນຫຼາຍ.

ໃນໂອກາດກ່າວເປີດພິທີ, ທ່ານ ບຸນຕົ້ນ ຈັນທະພອນ, ເຈົ້າແຂວງໆຊຽງຂວາງ ໄດ້ຂຶ້ນມີຄວາມເຫັນວ່າ: ການຫຼໍ່ຍອດເກດ ໃນຄັ້ງນີ້ ຈະເປັນການຫຼໍ່ຄັ້ງສຸດທ້າຍຂອງໂຄງການກໍ່ສ້າງພຣະເຈົ້າອົງຫຼວງປາງປະທານພອນ ທີ່ວັດໄຫຫີນ ມີໄຊຍະຣາມ ເມືອງແປກແຂວງຊຽງຂວາງ ເຊິ່ງໂຄງການດັ່ງກ່າວແມ່ນໃກ້ຈະສຳເລັດແລ້ວ. ໃນການຫຼໍ່ຍອດເກດ ໃນເທື່ອນີ້ ແມ່ນໄດ້ນຳເອົາວັດທຸປັດໃຈມີຄ່າ ປະເພດຄຳ, ເງິນ ທີ່ໄດ້ຮັບບໍລິຈາກໂມທະນາຈາກເຈົ້າສັດທາ ແລະ ມວນຊົນທັງພາຍໃນ ແລະຕ່າງປະເທດ ລວມແລ້ວມີນ້ຳໜັກທັງໝົດ 4 ກິໂລ ເພື່ອນຳມາຫຼໍ່ຫຼອມເປັນຍອດເກດຂອງພະເຈົ້າອົງຫຼວງປະທານພອນ, ແລ້ວຈະນຳໄປປະດິດສະຖານ ໃສ່ສຽນຂອງພະເຈົ້າອົງຫຼວງປາງປະທານພອນໃນວັນທີ່ 15 ມັງກອນທີ່ຈະມາເຖິງນີ້. ໂຄງການກໍ່ສ້າງພຣະເຈົ້າອົງຫຼວງປາງປະທານພອນ ທີ່ວັດໄຫຫີນ ມີໄຊຍະຣາມ ເມືອງແປກແຂວງຊຽງຂວາງ ໄດ້ເລີ່ມກໍ່ສ້າງມາແຕ່ປີ 2014 ໂດຍການນຳພາຂອງອົງຄະນະພັກ, ຄະນະປົກຄອງແຂວງຊຽງຂວາງ ຮ່ວມກັບ ອົງການພຸດທະສາສະໜາສຳພັນລາວ ໄດ້ດຳເນີນການກໍ່ສ້າງຈົນມາເຖິງປະຈຸບັນນີ້, ເພື່ອເຮັດໃຫ້ເປັນພຸດທະສະຖານ ແລະ ສູນລວມທາງດ້ານຈິດໃຈຂອງພຸດທະສາສະນິກກະຊົນໃນພູມີພາກນີ້ ໃຫ້ໝັ້ນຄົງ, ແລະ ທັງເພື່ອເປັນການອຸທິດສ່ວນບຸນກຸສົນ ແດ່ດວງວິນຍານອັນບໍລິສຸດຂອງບັນດານັກຮົບປະຕິວັດ, ແລະ ປະຊາຊົນຜູ້ພິລະອາດຫານ ທີ່ໄດ້ເສຍສະຫຼະຊີວິດໃນພາລະກິດຕໍ່ສູ້ປົດປ່ອຍຊາດ, ພ້ອມທັງ ເພື່ອນຳໃຊ້ເປັນສະຖານທີ່ສົ່ງເສີມວັດທະນະທຳ, ແລະ ອະຣິຍະທຳ ໃຫ້ຕິດພັນກັບການທ່ອງທ່ຽວມໍລະດົກໂລກທົ່ງໄຫຫີນ ແຂວງຊຽງຂວາງ.