ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຊ່ຽວຊານອາເມລິກາທີ່ເຂົ້າຮ່ວມວຽກງານຂອງສະຖາບັນຄົ້ນຄວ້າເຊື້ອໄວຣັດນະຄອນອູຮັ້ນກ່າວວ່າ”ເຊື້ອໄວຣັດແຜ່ລະບາດອອກຈາກຫ້ອງທົດລອງແມ່ນເປັນໄປບໍ່ໄດ້”

ສື່​ຕ່າງ​ປະ​ເທດ​: ຊ່ຽວ​ຊານ​ອາ​ເມ​ລິ​ກາ​ທີ່​ເຂົ້າ​ຮ່ວມ​ວຽກ​ງານ​ຂອງ​ສະ​ຖາ​ບັນ​ຄົ້ນ​ຄວ້າ​ເຊື້ອ​ໄວ​ຣັດ​ນະ​ຄອນ​ອູ​ຮັ້ນ​ກ່າວ​ວ່າ”ເຊື້ອ​ໄວ​ຣັດ​ແຜ່​ລະ​ບາດ​ອອກ​ຈາກ​ຫ້ອງ​ທົດ​ລອງ​ແມ່ນ​ເປັນ​ໄປ​ບໍ່ໄດ້”

ເວັບ​ໄຊ​ອາ​ເມ​ລິ​ກາ ບິ​ສ​ນິ​ສອິນ​ໄຊ(BUSINESS INSIDE)ລາຍ​ງານ​ໃນ​ວັນ​ທີ 2 ພຶດ​ສະ​ພານີ້​ວ່າ, ທ່ານ​ນາງ​ໂຈ​ນາ ມັ​ສ​ເຊັດ ຜູ່​ຊ່ຽວ​ຊານ​ດ້ານ​ພະ​ຍາດ​ຕິດ​ແປດ​ຂອງ​ມະ​ຫາ​ວິ​ທະ​ຍາ​ໄລ​ແຄ​ລີ​ຟໍ​ເນຍ​ ດາ​ວິ​ສ ທີ່​ເຄີຍ​ໃຫ້​ການການ​ຝຶກ​ຮົມ​​ຕໍ່​ພະ​ນັກ​ງານ​ສະ​ຖາ​ບັນ​ຄົ້ນ​ຄວ້າ​ເຊື້ອ​ໄວ​ຣັ​ດ​ຂອງ​ນະ​ຄອນ​ອູ​ຮັ້ນ​ເຫັນ​ວ່າ, ເຊື້ອ​ໄວ​ຣັດ​ສາຍ​ພັນ​ໃໝ່​ໃນ​ຄັ້ງ​ນີ້​ເປັນ​ໄປ​ບໍ່​ໄດ້​ທີ່​ຈະ​ແຜ່ລະ​ບາດ​ອອກ​ຈາກ​ຫ້ອງ​ທົດ​ລອງ ເຊິ່ງ​ຕົ້ນ​ຕໍມີ​ສາ​ເຫດ​ຈາກ 4 ດ້ານ​ຕໍ່​ໄປ​ນີ້ຄື:

ໜຶ່ງ, ຕົວ​ຢ່າງ​ຂອງ​ຫ້ອງ​ທົດ​ລອງ​ບໍ່​ຄື​ກັນ​ກັບ​ເຊື້ອ​ໄວ​ຣັດ​ສາຍ​ພັນ​ໃໝ່, ເຊິ່ງ​ທິມ​ງານ​ຂອງ​ທ່ານ​ນາງ​ຊື​ເຈິ້ງ​ລີ້ ຊ່ຽວ​ຊານ​ສະ​ຖາ​ບັນ​ຄົ້ນ​ຄວ້າ​ເຊື້ອ​ໄວ​ຣັດ​ນະ​ຄອນ​ອູ​ຮັ້ນ​ເມື່ອ​ໄດ້​ກວດ​ກາ​ຕໍ່​ລຳ​ດັບ​ແຊນເຊື້ອ​ໄວ້​ຣັດ​ສາຍ​ພັນ​ໃໝ່​ແລ້ວ​ໄດ້​ກວ​ດ​ຄືນ​ບົດ​ບັນ​ທຶກ​ຂອງ​ສະ​ຖາ​ບັນ​ໃນ​ຫຼາຍ​ປີ​ມານີ້ ແລ້ວ​ຢືນ​ຢັນ​ວ່າ, ຜົນ​ການ ກວດ​ຕໍ່​ລຳ​ດັບ​ແຊນ​ຂອງ​ເຊື້ອ​ໄວ້​ຣັດ​ສາຍ​ພັນ​ໃໝ່​ນີ້​ບໍ່​ຄື​ກັນ​ກັບ​ຕົວ​ຢ່າງ​ເຊື້ອ​ໄວ​ຣັດ​ອື່ນໆ​ທີ່​ໄດ້​ຈາກ​ເຈຍ​ທີ່​ບັນ​ທຶກ​ໄວ້​ໃນ​ຫ້ອງ​ທົດ​ລອງ. ທ່ານ​ນາງ​ມັດ​ເຊັດ​ກ່າວ​ວ່າ ຕົນ​ເອງ​ເຄີຍ​ລົມ​ກັບ​ທ່ານ​ນາງ​ຊື​ເຈິ້ງ​ລີ້​ໃນ​ຫວ່າງບໍ່ດົນມາ​ນີ້ ໂດຍ​ທ່ານ​ນາງ​ຊື​ເຈິ້ງ​ລີ້​ກ່າວ​ວ່າ​ບໍ່​ເຄີຍກວດ​ເຫັນ​ເຊື້ອ​ໄວ​ຣັດ​ສາຍ​ພັນ​ໃໝ່​ແບບນີ້​ກ່ອນ​ເກີດ​ພະ​ຍາດ​ໃນ​ຄັ້ງ​ນີ້.

ສອງ, ຫ້ອ​ງ​ທົດ​ລອງ​ໄດ້​ປະ​ຕິ​ບັດ​ຕາມ​ສັນ​ຍາ​ກ່ຽວ​ກັບ​ຄວາມ​ປອດ​ໄພ​ທີ່​ເຂັ້ມ​ງວດ​ທີ່​ສຸດ. ໂດຍ​ທ່ານ​ນາງ​ມັດ​ເຊັດ​ແນະ​ນຳ​ໃຫ້​ຮູ້​ວ່າ, ຕົວ​ຢ່າງ​ທີ່ກວດ​ເອົາ​ຈາກ​​ເຈຍນັ້ນ​ຈະ​ຖືກເກັບໄວ້​ໃນ​ຫຼອດ​ແກ້ວ​ທີ່​ອັດ​ແຈບ​ແລ້ວ​ຖືກ​ແຊ່ແຂງ​ໄວ້​ໃນ ອີ​ໂດຼ​ແກັນທາດ​ແຫຼວ, ເມື່ອ​ຖືກ​ດັບ​ເຊື້ອ​ແລ້ວ​ຈິ່ງ​ສົ່ງ​ໄປ​ຫ້ອງ​ທົດ​ລອງ, ແລ້ວ​ນັກ​ຄົ້ນ​ຄວ້າ​ຈະ​ເອົາ​ຕົວ​ຢ່າງນີ້​ໄວ້​ຢູ່​ໃນ​ຕູ້​ເຢັນ​ທີ່​ມີ​ອຸນ​ຫະ​ພູມ​ລົບ 80 ອົງ​ສາ. ເຊິ່ງ​ນັກ​ຄົ້ນ​ຄວ້າ​ເວ​ລາ​ເຮັດ​ວຽກ​ນີ້ ຈະ​ໃສ່​ຊົບ​ມື​ຫຼາຍ​ຊັ້ນ, ແຫວ່ນ​ຕາ​ປ້ອງ​ກັນ, ຊຸດ​ປ້ອງ​ກັນ​ຕົວ​ແລະ​ຜ້າ​ປິດ​ປາກ​ທາງ​ການ​ແພດ. ທ່ານ​ນາງ​ມັດ​ເຊັດ​ກ່າວ​ວ່າ, ແຕ່​ລະ​ຂັ້ນ​ຕອນ​ເຮັດ​ວຽກ​ຂອງ​ສະ​ຖາ​ບັນ​ຄົ້ນ​ຄວ້າ​ໄວ​ຣັ​ດ​ນະ​ຄອນ​ອູ​ຮັ້ນ​ບໍ່​ມີ​ຈຸດບົກຜ່ອງ​ໃດໆ​ເລີຍ.

ສາມ, ເຊື້ອ​ໄວ​ຣັດ​ສາຍ​ພັນ​ໃໝ່​ນີ້​ຖື​ເປັນ​ເຊື້ອ​ໄວ​ຣັດ​ໃໝ່​ສຸດ​ທີ່​ສາມາດຕິດແປດຢູ່ນຳ ​ຮ່າງ​ກາຍ​ມະ​ນຸດ​ແລະ​ ​ສັດ. ມີ​ບົດ​ລາຍ​ງານ​ສະ​ແດງ​ໃຫ້​ເຫັນ​ວ່າ, ພະ​ຍາດ​ຕິດ​ແປດ​ທີ່​ເກີດ​ໃໝ່​ແຕ່ລະ4 ຢ່າງ​ໃດແມ່ນ​ມີ 3 ຢ່າງ​ແມ່ນ​ມາ​ຈ​າກ ສັດ​, ເຊິ່ງ​ເຊື້ອ​ໄວ​ຣັດ​ສາຍ​ພັນ​ໃໝ່​ໃນ​ຄັ້ງ​ນີ້​ເປັນ​ເຊື້ອ​ໄວ​ຣັດ​ທີ່​ເຮັດ​ໃຫ້​ມະ​ນຸດ​ກັບ​ສັດ​ຕິດຕໍ່​ຮ່ວມ​ກັນ​ປະ​ເພດ​ທີ 7 ນັບ​ແຕ່​ສັດ​ຕະ​ວັດ​ແລ້ວນີ້​ເປັນ​ຕົ້ນ​ມາ. ສະ​ນັ້ນ ເຊື້ອ​ໄວ​ຣັ​ດ​ໃນ​ຄັ້ງ​ນີ້​ແມ່ນ​ມີ​ຄວາມ​ອາດ​ເປັນ​ໄປ​ໄດ້​ສູງ​ທີ່​ສຸດ​ທີ່​ແມ່ນ ​ສັດ​ຕິດຕໍ່ໃສ່​ ​ມະ​ນຸດ, ພະ​ຍາດ​ອີ​ໂປ​ລາ ແລະ SARS ກໍ່​ແມ່ນ​ແຜ່​ລະ​ບາດ​ຈາກ​ ​ສັດຄືກັນ.

ສຸດ​ທ້າຍ, ຄົນ​ທຳ​ມະ​ດາ​ຈະ​ຕິດ​ເຊື້ອ​ພະຍາດຈາກສັດທີ່​ເປັນ​ນັ້ນ​ງ່າຍກວ່າ​ນັກ​ຄົ້ນ​ຄວ້າ.ໂດຍ​ທ່ານ​ນາງ​ມັດ​ເຊັດ​ກ່າວ​ວ່າ, ຖ້ຳ​ຫຼື​ປ່າ​ທີ່ ​ເຈຍ​ດຳລົງຊີວິດຢູ່​ນັ້ນ​ເປັນ​ບ່ອນ​ທີ່​ອັນ​ຕະ​ລາຍ​ທີ່​ສຸດ,ໃນ​ເວ​ລາ​ນັກ​ຄົ້ນ​ຄວ້າ​ຂອງ​ຫ້ອງ​ທົດ​ລອງ​ເຊື້ອ​ໄວ​ຣັດ​ນະ​ຄອນ​ອູ​ຮັ້ນ​ເຮັດ​ວຽກ​ຢູ່​ໃນ​ປ່າ​ແມ່ນ​ໄດ້​ໃສ່​ຊຸດ​ປ້ອງ​ກັນ​ຕົວ​ເປັນ​ຢ່າງ​ດີ. ແຕ່​ຖ້າ​ແມ່ນ​ນັກ​ທ່ອງ​ທ່ຽວຫຼືນາຍພານ​ ​ແມ່ນ​ອາດ​ຈະ​ຕິດ​ກັບ​ເຊື້ອ​ໄວ​ຣັດ​ໂຕ​ສັດທີ່ເປັນ​ນັ້ນ​ ໄດ້​ງ່າຍກວ່າ,ແລະ​ມີ​ຄວາມ​ສ່ຽງ​ສູງກວ່າ. ທ່ານ​ນາງ​ມັດ​ເຊັດ​ຍັງ​ເຫັນ​ວ່າ,ການ​ທີ່​ກ່າວ​ວ່າ “ເຊື້ອ​ໄວ​ຣັດ​ຖືກ​ລະ​ບາດ​ອອກ​ຈາກ​ຫ້ອງ​ທົດ​ລອງ”ອາ​ດ​ຈະ​ກະ​ທົບ​ຕໍ່​ຄວາມ​ໄວ້​ເນື້ອ​ເຊື່ອ​ໃຈ​ກັນ​ລະ​ຫວ່າງ​ນັກ​ຄົ້ນ​ຄວ້າ​ຈີນ-ອາ​ເມ​ລິ​ກາແລະ​ຈະ​ກະ​ທົບ​ຕໍ່​ການ​ຮ່ວມ​ມື​ດ້ານ​ວິ​ທະ​ຍາ​ສາດລະຫວ່າງສອງປະເທດ.