ການຝຶກຊ້ອມໃຫຍ່ພິທີສະເຫຼີມສະຫຼອງວັນສ້າງຕັ້ງແຂວງເຊກອງ ຄົບຮອບ 40 ປີ (14 ເມສາ 1984-14 ເມສາ 2024) ຈັດຂຶ້ນໃນວັນທີ 3 ເມສາ 2024 ນີ້, ທີ່ສະໜາມກິລາຂອງແຂວງ ໂດຍມີທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ບັນດາການນໍາຂອງແຂວງ ພ້ອມດ້ວຍມວນຊົນ ເຂົ້າຮ່ວມ.
ການຝຶກຊ້ອມໃຫຍ່ຄັ້ງນີ້ ແມ່ນເປັນການຝຶກຊ້ອມຕົວຈິງຢ່າງເຕັມຮູບແບບ ເພື່ອກະກຽມຄວາມພ້ອມດ້ານຕ່າງໆ ໃຫ້ແກ່ມື້ເປີດງານຕົວຈິງນັບແຕ່ຂັ້ນຕອນການສະແດງສິລະປະ-ວັນນະຄະດີ, ການສະແດງໂດດຈ້ອງ, ການຮ້ອງເພງໂຊ, ການສະແດງຄອນເສີດ, ການເດີນຂະບວນສວນສະໜາມຂອງກ້ອນກໍາລັງ ແລະ ກິດຈະກໍາອື່ນໆທີ່ປິ່ນອ້ອມ.
ການສະເຫຼີມສະຫຼອງໃຫຍ່ວັນສ້າງຕັ້ງແຂວງເຊກອງ ຄົບຮອບ 40 ປີ ຈະຈັດໃນວັນທີ 4 ເມສາ 2024 ໂດຍເລີ່ມແຕ່ເວລາ 15:00 ໂມງເປັນຕົ້ນໄປ.
ຂ່າວ: ສັນຍາ, ພາບ: ພຸດທະສອນ
