ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຍທຂ ເມືອງເງິນ ເຜີຍແຜ່ ແລະ ປູກຈິດສຳນຶກຄວາມປອດໄພຕາມທາງຫຼວງ

ວັນ​ທີ 10 ມັງກອນ 2020 ນີ້ ຢູ່​ທີ​ສະ​ໂມ​ສອນ​ເມືອງ​ເງິນ ​ແຂວງ ​ໄຊ​ຍະ​ບູລີ ທາງ​ຫ້ອງການ​ໂຍທາ​ທິການ ​ແລະ ຂົນສົ່ງ ​ເມື​ອງ​ເງິນ ​ໄດ້​ສົມທົບກັບ​ພາກສ່ວນ​ທີ່​ກ່ຽວຂ້ອງ ​ໄດ້​ຈັດ​ຕັ້ງ​ຝຶກ​ອົບຮົມ​ໂຄສະນາ ​​​ເຜີຍ​ແຜ່ ​ແລະ ປູກ​ຈິດ​ສຳນຶກ​ຄວາມ​ປອດ​ໄພ​ຕາມ​ທາງຫຼວງ ​ໃຫ້​ແກ່​ພະນັກງານ​-ລັດຖະກອນ ທົ່ວ​ເມືອງ​ເງິນ.

ທ່ານ ສົມ​ເດດ ຄຳ​ພາ ກຳມະການ​ພັກ​ເມືອງ ຫົວໜ້າ ຫ້ອງການ ​ໂຍທາ​ທິການ ​ແລະ ຂົນ​ສົ່ງ ​ເມືອງ​ເງິນ ກໍ່​ໃຫ້ກຽດຂື້ນ​ເຜີຍ​ແຜ່​ກົດໝາຍ ວ່າ​ດ້ວຍ​ການ​ຈະລາຈອນ​ທາງບົກ ສະບັບ​ປັບປຸງ ​ເລກທີ 188/ນຍ ລົງ​ວັນ​ທີ 3 ກໍລະກົດ 2007  ​ແລະ ທ່ານ​ຍັງ​ໄດ້​ຍົກ​ໃຫ້​ເຫັນ 5 ຫຼັກພື້ນຖານ​ການ​ຂັບ​ຂີ່​ປອດ​ໄພ, ການ​ນຳ​ໃຊ້​ລົດ, ການກວດ​ສະພາບ​ເຕັກນິກ​ລົດ​ກ່ອນ​ອອກ​ເດີນທາງທຸກ​ຄັ້ງ, ການ​ນຳ​ໃຊ້​ສັນຍາ​ນ, ອັນຕະລາຍ​ຈາກ​ການ​ນຳ​ໃຊ້​ລົດ​ທີ່​ບໍ່​ຖືກຕ້ອງ, ຂໍ້​ຫ້າມ ​ແລະ ການ​ປັບ​ໄໝຜູ້​ລ່ວງ​ລະ​ເມີດ, ​ເພື່ອ​ແນ​ໃສ່​ເຮັດ​ໃຫ້​ພະນັກງານ​,ລັດຖະກອນ,​ໄດ້​ຮັບ​ຮູ້​ເຂົ້າ​ໃຈ​ກົດໜາຍວ່າ​ດ້ວຍການ​ຈໍລະ​ຈອນ​ທາງບົກ,​ ເຮັດ​ໃຫ້​ຜູ້​ຂັບ​ຂີ່​ພາຫາ​ນະ​ຕາມທ້ອງ​ຖະໜົນຫຼວງ​ໄດ້​ມີ​ຄວາມ​ປອດ​ໄພ​ຫຼາຍ​ຂຶ້ນ ຈາກ​ນັ້ນ ທ່ານ ຮ້ອຍ​​ໂທ ຈັນ​ແກ້ວ ​ເທບ​ປັນຍາ ຫົວໜ້າກອງ​ຕຳຫຼວດຈະລາຈອນ ກອງ​ບັນຊາ​ການ ປກສ ​ເມືອງ​ເງິນ  ກໍ່​ໄດ້​ຂຶ້ນ​ອະທິບາຍ ​ເຄື່ອງໝາຍປ້າຍ​ຈະລາຈອນ ທັງ 7 ປະ​ເພດ​ຄື:

  1. ປ້າຍ​ເຕືອນ​ອັນຕະລາຍ
  2. ປ້າຍ​ຫ້າມ
  3. ປ້າຍ​ກຳນົດ
  4. ປ້າຍ​ແນະນຳ​ເສັ້ນທາງ
  5. ປ້າຍ​ບອກ​ສິດ
  6. ປ້າຍ​ເພີ່ມ
  7. ປ້າຍ​ບອກ​ສະຖານ​ທີ່

ພ້ອມ​ທັງ​ແນະ​ການ​ໃຊ້​ລົດ-​ໃຊ້​ຖະໜົນ ການ​ຄາດ​ເຂັມຄັດ​ນິລະ​ໄພ, ​ໃສ່ໝວກກັນ​ກະທົບ, ​ແລະ ອື່ນໆ ​ເພື່ອ​ໃຫ້​ຖືກ​ຕາມ​ກົດ​ຈະລາຈອນ ​ແລະ ຄວາມ​ປອດ​ໄພ ຂອງ​ຜູ້​ຂັບ​ຂີ່ ອີກ​ດ້ວຍ.

​ໂດຍ: ອິນ​ແປງ ​ແຫວນ​ຄຳ