ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຍັງໂຊກດີຕໍ່ເນື່ອງ ມື້ທີ 8 ສປປ ລາວ ຍັງບໍ່ມີຜູ້ຕິດເຊື້ອພະຍາດໂກວິດ 19 ເພີ່ມ

ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈໍາການ ຄະນະສະເພາະກິດ ຄວບຄຸມພະຍາດ ໂກວິດ 19 ຖະແຫລງຕໍ່ສື່ມວນຊົນ ໃນຕອນບ່າຍວັນທີ 20  ເມສາ ນີ້ ທີ່ສູນປະຕິບັດງານ ຄະນະສະເພາະກິດ ວ່າ: ວັນທີ 19 ເມສາ 2020, ໄດ້ເກັບຕົວຢ່າງມາກວດທັງໝົດ 16 ຄົນ, ໃນນັ້ນມີຜູ້ສຳຜັດໃກ້ຊິດ ກັບຜູ້ຕິດເຊື້ອ 7 ຄົນ, ກໍລະນີມີອາການສົງໄສ 9 ຄົນ, ໃນຈໍານວນ 16 ຄົນ ທີ່ມາກວດນັ້ນ ທັງໝົດແມ່ນ ນະຄອນຫຼວງວຽງຈັນ. ຜົນກວດທັງໝົດ ບໍ່ພົບເຊື້ອ. ໝາຍຄວາມວ່າໃນວັນທີ 19 ເມສາ 2020 ບໍ່ມີກໍລະນີໃໝ່.

ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 09 ມີນາ – 18 ເມສາ 2020 ມີ ທັງໝົດ 313 ຄົນ,  ໝົດກໍານົດຕິດຕາມ ທັງໝົດ 296 ຄົນ, ຍັງສືບຕໍ່ຕິດຕາມທັງໝົດ 17 ຄົນ ຄື:

ນະຄອນຫຼວງວຽງຈັນ 17 ຄົນ ໃນນັ້ນ 12 ຄົນ ແມ່ນຕິດຕາມຢູ່ໂຮງໝໍ 103 ແລະ ຕິດຕາມຢູ່ເຮືອນ 5 ຄົນ, ​ໂດຍສະເຫຼ່ຍ ຍັງອີກ 5 ມື້ ຈຶ່ງຄົບກຳນົດຕິດຕາມ 14 ວັນ.

ເຖິງວ່າ ສະພາບການຕິດເຊື້ອຢູ່ປະເທດຂອງເຮົາ ໄດ້ເວັ້ນໄລຍະຫ່າງມາໄດ້ 8 ວັນແລ້ວກໍຕາມ ຜູ້ຕິດເຊື້ອປິ່ນປົວຢູ່ໂຮງໝໍ ກໍ່ໄດ້ອອກໂຮງໝໍ 2 ຄົນແລ້ວ ແຕ່ພວກເຮົາ ບໍ່ຄວນລົດລະການເຝົ້າລະວັງ  ຕິດຕາມຄົ້ນຫາ ຜູ້ສົງໄສທີ່ຈະຕິດເຊື້ອ ໂດຍສະເພາະຜູ້ທີ່ຍັງຈຳກັດບໍລິເວນຕົນເອງຢູ່ສູນ ແລະ ຢູ່ເຮືອນ ລວມທັງຜູ້ເດີນທາງຜ່ານຊາຍແດນເຂົ້າມາໃໝ່ ເພື່ອມາກວດວິເຄາະ ຢັ້ງຢືນພະຍາດໃຫ້ໄດ້ໄວ ແລະ ປິ່ນປົວຢ່າງທັນການ.

  • ພວກເຮົາໄດ້ສືກສາສະພາບການລະບາດຂອງປະເທດໃກ້ຄຽງ ແລະ ສະພາບການລະບາດຢູ່ໃນທົ່ວໂລກ ເຫັນວ່າ:

ມາຮອດເວລາ 6:00 ໂມງເຊົ້າ ຂອງວັນທີ 19 ເມສາ 2020, ທົ່ວໂລກມີການລາຍງານການລະບາດ ທັງໝົດ 210 (ປະເທດ/ເຂດ).

–  ມີກໍລະນີຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 2,404,749 (ໃໝ່ 73,983)

–  ເສຍຊິວິດ 164,919 (ໃໝ່ 4,872)

–  ປີ່ນປົວຫາຍດີ 624,717 ຄົນ (ໃໝ່ 29,143) ກວມເອົາແຕ່ຈຳນວນ 45 % ຊອງຜູ້ຕິດເຊື້ອໃໝ່

–  ມີບາງປະເທດ ຈຳນວນຄົນຕິດເຊື້ອມື້ດຽວ ມີເຖິງ 24,718 ຄົນ ແລະ ເສຍຊີວິດ 1,507 ຄົນ ຕໍ່ມື້.

– ອັດຕາຄວາມຮ້າຍແຮງຂອງມື້ນີ້ແມ່ນເທົ່າກັບມື້ວານນີ້ 6.85% (ມື້ວານນີ້ 6.85%).

  • ສະເພາະປະເທດໃກ້ຄຽງມີບາງປະເທດຍັງມີການລະບາດ ເປັນຕົ້ນ ຢູ່ ສິງກະໂປ, ອິນໂດເນເຊຍ, ຟິລິບປິນ ມີຜູ້ຕິດເຊື້ອໃໝ່ເພີ່ມຂື້ນຈາກ 100-500 ກວ່າຄົນ ແລະ ເສຍຊິວິດ 40-100 ຄົນໃນມື້ດຽວ.