ວັນທີ່ 26 ຕຸລາ 2020 ນີ້ ທີ່ມະຫາວິທະຍາໄລສຸພານຸວົງ ໄດ້ມີພິທີເປີດຊຸດຝຶຶກອົບຮົມ ເຕັກນິກການຕັດສິນກິລາບານສົ່ງ ໃຫ້ກຳມະການ ຂອງສະຫະພັນບານສົ່ງແຂວງຫຼວງພະບາງ ມີທ່ານ ວິລະ ອາໂນລັກ ຮອງອະທິການບໍດີມະຫາວິທະຍາໄລສຸພານຸວົງ, ທ່ານ ກະເສມ ອີນທະລາ ຮອງປະທານສະຫະພັນກິລາບານສົ່ງແຫ່ງຊາດລາວ, ພ້ອມດ້ວຍພາກສ່ວນກ່ຽວຂ້ອງຂອງສູນກາງ, ແຂວງ, ຕະຫຼອດຮອດຄູຝຶກ ແລະສຳມະນາກອນເຂົ້າຮ່ວມ. ທ່ານ ວິລະ ອາໂນລັກ ໄດ້ມີຄຳເຫັນວ່າ: ການຝຶກອົບຮົມຄັ້ງນີ້ ຈະຊ່ວຍເພີ້ມທັກສະ ໃນການຕັດສິນຂອງກຳມະການ ກໍ່ຄືຄະນະຮັບຜິດຊອບ ຂອງສະຫະພັນກິລາບານສົ່ງແຂວງ ແລະຄູ-ອາຈານພາຍໃນມະຫາວິທະຍາໄລສຸພານຸວົງ ໃຫ້ສູງຂຶ້ນ ແລະພັດທະນາໄປສູ່ລະດັບປະເທດ, ຊຸດຝຶກອົບຮົມຄັ້ງນີ້ ສຳມະນາກອນ ທີ່ມາຈາກ ສະຖາບັນໃນມາຫາວິທະຍາໄລສຸພານຸວົງ, ວິທະຍາໄລຄູຫຼວງພະບາງ, ວິທະຍາໄລການເງິນພາກເໜືອ, ວິທະຍາໄລເຕັກນິກວິຊາຊີບຫຼວງພະບາງ ແລະກອງບັນຊາການປ້ອງກັນຄວາມສະຫງົບແຂວງ, ຈະໄດ້ຮຽນຮູູ້ເຕັກນິກການຕັດສິນຂັ້ນພື້ນຖານ ຂອງກິລາບານສົ່ງໃນຮົ່ມ ແລະບານສົ່ງຫາດຊາຍ ໃນນັ້ນ ຈະໄດ້ຮຽນທັງພາກທິດສະດີ ແລະສາທິດຕົວຈິງ, ເພື່ອພັດທະນາເຂົ້າໃນວຽກງານກິລາບານສົ່ງ ຂອງແຂວງຫຼວງພະບາງໃຫ້ດີຂຶ້ນ, ໂດຍຈະດຳເນີນເປັນເວລາ 5 ວັນຈຶ່ງຈະສຳເລັດ.

Loading...