ວັນທີ 16 ສິງຫາ 2024 ທີ່ຫ້ອງວ່າການປົກຄອງນະຄອນ ຫຼວງວຽງຈັນ (ນວ), ອະນຸກຳມະການກອງເລຂາໄດ້ຈັດຝຶກອົບຮົມໃຫ້ພະນັກງານຮັບໃຊ້ກອງປະຊຸມເຈົ້າຄອງນະຄອນຫຼວງອາຊຽນ (MGMAC), ກອງປະຊຸມເວທີເຈົ້າຄອງອາຊຽນ (AMF) ແລະ ກອງປະຊຸມເຄືອຂ່າຍບັນດານະຄອນອາຊີຕາເວັນອອກສ່ຽງໃຕ້ຂອງສະມາຄົມທີ່ນໍາໃຊ້ພາສາຝຣັ່ງ RVASE (AIMF) ປີ 2024 ທີ່ສປປລາວເປັນເຈົ້າພາບຈັດຂຶ້ນທ້າຍເດືອນກັນຍາ 2024 ໂດຍມີທ່ານ ວົງໄຊ ພົມມີໄຊ ຫົວໜ້າພະ ແນກການ ຕ່າງປະເທດ ນວ ເຂົ້າຮ່ວມ.
ການຈັດຝຶກອົບຮົມຄັ້ງນີ້ມີຄູ-ອຈານ ແລະ ນັກສຶກສາທີ່ມາຈາກຄະນະວິຊາຕ່າງໆຂອງມະຫາວິທະຍາໄລແຫ່ງຊາດ (ມຊ) ຈຳນວນ 50 ກວ່າຄົນ ເຂົ້າຮວ່ມເພື່ອໃຫ້ຄວາມຮູ້ພື້ນຖານກ່ຽວ ກັບ ພິທີການຮັບໃຊ້ກອງປະຊຸມກໍຄືແຂກຕ່າງປະເທດທີ່ເຂົ້າມາຮ່ວມກອງປະຊຸມດັ່ງກ່າວໄດ້ຖືກຕ້ອນຮັບຢ່າງອົບອຸ່ນ ຊຸດອົບຮົມຄັ້ງນີ້ຜູ້ເຂົ້າຮ່ວມຍັງຈະໄດ້ຮັບຟັງປະຫັວດຄວາມເປັນມາຂອງ 3 ກອງປະຊຸມນັບແຕ່ຄັ້ງທຳອິດຈົນຮອດຄັ້ງປັດຈຸບັນ ແລະ ບັນດາປະເທດທີ່ເປັນເຈົ້າພາບ ສະພາບການພັດທະນາເສດຖະກິດ- ສັງຄົມຂອງ ນວ ປີ 2024 ບັນດາສະຖານທີ່ທ່ອງທ່ຽວທີ່ສຳຄັນຢູ່ ນວ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ແລະ ເອກະສານອື່ນໆທີ່ສຳຄັນຕື່ມອີກ.
ທີ່ມາ: ວຽງຈັນໃຫມ່
