ວັນທີ 31 ກໍລະກົດ 2024, ໄດ້ພິທີເຊັນບົດບັນທຶກ ຍົກ ເລີກສັນຍາສໍາປະທານ ແລະ ຍົກເລີກການເກັບຄ່າຜ່ານທາງ 14A ບ້ານຫ້ວຍເພັກ ເມືອງໂພນທອງ ຫາ ບ້ານພະພີນ ເມືອງຈໍາປາ ສັກ ແຂວງຈໍາປາສັກ ຢ່າງຖາວອນ ນັບແຕ່ວັນທີ 1 ສິງຫາ 2024 ເປັນຕົ້ນໄປ. ພິທີເຊັນສັນຍາຈັດຂຶ້ນ ຢູ່ສໍານັກງານປົກຄອງແຂວງຈໍາປາສັກ ໂດຍການໃຫ້ກຽດເຂົ້າຮ່ວມຂອງ ທ່ານ ອາລຸນໄຊ ສູນນະລາດ ກໍາມະການສູນກາງພັກ ເລຂາພັກແຂວງ ເຈົ້າແຂວງຈໍາປາສັກ. ມີບັນດາທ່ານການນໍາຂອງແຂວງ ທີ່ເປັນຄະນະກໍາມະການ ຕາມການຕົກລົງຂອງທ່ານເຈົ້າແຂວງຈໍາປາສັກ ເລກທີ 616/ຈຂ.ຈສ, ລົງວັນທີ 30 ພຶດສະພາ 2024, ປະທານ ບໍລິສັດ ດວງດີກໍ່ສ້າງຂົວ – ທາງ ຈໍາກັດຜູ້ດຽວ ພ້ອມດ້ວຍຄະນະ ກໍໄດ້ເຂົ້າຮ່ວມຢ່າງພ້ອມພຽງ.
ຕາງໜ້າອົງການປົກຄອງແຂວງຈໍາປາສັກ ລົງນາມໂດຍ ທ່ານ ສຸກກະເສີມ ສີຫານຸວົງ ຫົວໜ້າພະແນກການເງິນແຂວງ (ໃນນາມຄູ່ສັນຍາ), ຕາງໜ້າ ບໍລິສັດ ດວງດີກໍ່ສ້າງຂົວ – ທາງ ຈໍາກັດຜູ້ດຽວ ລົງນາມໂດຍທ່ານ ອຸດອນ ແກ້ວດວງດີ ປະທານບໍລິສັດ ດວງດີກໍ່ສ້າງຂົວ – ທາງ ຈໍາກັດຜູ້ດຽວ.
ເສັ້ນທາງ 14A ເປັນເສັ້ນທາງໃໝ່ ບໍລິສັດ ດວງດີກໍ່ສ້າງຂົວ – ທາງ ຈໍາກັດຜູ້ດຽວ ໄດ້ສະເໜີສຶກສາສໍາຫຼວດໃນຄັ້ງວັນທີ 13 ມີນາ 2008, ວັນທີ 11 ພຶດສະພາ 2008 ໄດ້ເລີ່ມລົງມືສຳ ຫຼວດ – ເກັບກຳຂໍ້ມູນພາກສະໜາມ ແລ້ວດຳເນີນການອອກແບບ ເຊິ່ງຄວາມຍາວ 25 ກິໂລແມັດ, ໜ້າທາງກວ້າງ 9 ແມັດ, ທາງລົດແລ່ນ ກວ້າງ 7 ແມັດ (ບ່າທາງກວ້າງ ເບື້ອງລະ 1 ແມັດ ແລະ ກໍ່ສສ້າງຂົວເບຕົງເສີມເຫຼັກ ຂາງອັດແຮງ ຈໍານວນ 9 ແຫ່ງ ຍາວ 254 ແມັດ).
ໄດ້ເຊັນສັນຍາຮັບເໝົາກໍ່ສ້າງ ໃນວັນທີ 31 ຕຸລາ 2008 ພພ້ອມທັງເລີ່ມວຽກກໍ່ສ້າງ ແລະ ສຳເລັດວຽກກໍ່ສ້າງ, ພ້ອມເປີດນຳໃຊ້ເປັນທາງການ ໃນເດືອນ 12 ປີ 2011 ເປັນຕົ້ນມາ ອາຍຸສັນຍາຮອດປີ 2032, ແຕ່ອີງໃສ່ຄວາມຫຍຸ້ງຍາກທາງດ້ານເສດ ຖະກິດ – ການເງິນຂອງແຂວງ ກໍຄືຂອງປະເທດ ທີ່ກໍາລັງປະເຊີນຢູ່ ເພື່ອເປັນການຫຼູດຜ່ອນພາລະໃຊ້ຈ່າຍ ໃຫ້ແກ່ພະນັກງານ, ທະ ຫານ, ຕໍາຫຼວດ ແລະ ປະຊາຊົນບັນດາເຜົ່າ ລວມເຖິງນັກທ່ອງ ທ່ຽວທີ່ນໍາໃຊ້ເສັ້ນທາງດັ່ງກ່າວ, ອົງການປົກຄອງແຂວງຈໍາປາສັກ ຈຶ່ງໄດ້ປຶກສາຫາລື ແລະ ເອກະພາບກັບ ບໍລິສັດ ດວງດີກໍ່ສ້າງຂົວ – ທາງ ຈໍາກັດຜູ້ດຽວ ເພື່ອຍົກເລີກສັນຍາສໍາປະທານ ແລະ ຍົກ ເລີກການເກັບຄ່າຜ່ານທາງເສັ້ນດັ່ງກ່າວຢ່າງຖາວອນ ນັບແຕ່ວັນທີ 1 ສິງຫາ 2024 ເປັນຕົ້ນໄປ.
ທີ່ມາ: ພະແນກການເງິນແຂວງຈຳປາສັກ
