ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຍ້ອນມີພັກນຳພາທີ່ສະຫລາດສ່ອງໃສ ປະຊາຊົນບ້ານຂຸນຕາທ່າ ຈຶ່ງພົ້ນທຸກ ແລະ ມີການດຳລົງຊີວິດທີດີຂຶ້ນ:

ປະຊາຊົນບ້ານຂຸນຕາທ່າ ເມືອງສີໂຄດຕະບອງ ນະຄອນຫລວງວຽງຈັນ ຈຳນວນ 140 ກວ່າຄອບ ຄົວ ໄດ້ຫລຸດພົ້ນອອກຈາກຄວາມທຸກຍາກ ແລະ ມີການດຳລົງຊີວິດທີ່ດີຂຶ້ນເທື່ອລະກ້າວ, ທັງນີ້, ກໍ່ຍ້ອນການຊີ້ນຳ-ນຳພາທີ່ປີຊາສາມາດ ແລະ ສະຫລາດສ່ອງໃສຂອງພັກປະຊາຊົນປະຕິວັດລາວ.

ທ່ານ ຈັນເພັງ ບຸນສຸລິວັນ, ເລຂາຄະນະພັກບ້ານ ແລະ ນາຍບ້ານໆຂຸນຕາທ່າ ໄດ້ໃຫ້ສຳພາດໃນວັນທີ 20 ມີນາ 2020 ນີ້ວ່າ: ຕະຫລອດໄລຍະຜ່ານມາ, ພວກເຮົາໄດ້ສຸມທຸກຄວາມພະຍາຍາມ ເພື່ອປັບປຸງ ແລະ ແກ້ໄຂຊິວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າພາຍໃນບ້ານ, ໂດຍມາຮອດປັດຈຸບັນ ແມ່ນສາມາດລົບລ້າງຄອບຄົວທຸກຍາກໄດ້ 100%; ເຖິງແນວໃດກໍ່ດີ, ພວກເຮົາກໍ່ຍັງໄດ້ສືບຕໍ່ເຜີຍແຜ່ແນວທາງນະໂຍບາຍຂອງພັກ ແລະ ລັດຖະບານ ໃຫ້ປະຊາຊົນ ເພື່ອພັດທະນາຕົນເອງ, ພັດທະນາບ້ານ ກໍ່ຄື ພັດທະນາປະເທດຊາດ ໃຫ້ນັບມື້ນັບດີຂຶ້ນຢ່າງຕໍ່ເນື່ອງ.

ພ້ອມດຽວກັນນັ້ນ, ກໍ່ໄດ້ເອົາໃຈໃສ່ຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບພາຍໃນບ້ານ ເພື່ອເຮັດໃຫ້ປະຊາຊົນມີການດຳລົງຊີວິດທີ່ສະດວກສະບາຍ ແລະ ປອດໄພ ກໍ່ຄື ເພື່ອເຮັດໃຫ້ສັງຄົມ ແລະ ປະເທດຊາດຂອງພວກເຮົາມີຄວາມສະຫງົບສຸກ ແລະ ເປັນລະບຽບຮຽບຮ້ອຍ.

ໃນໂອກາດນີ້, ຂ້າພະເຈົ້າຂໍສະແດງຄວາມຮູ້ບຸນຄຸນມາຍັງ ພັກ ແລະ ລັດຖະບານເຮົາທີ່ໄດ້ເອົາໃຈໃສ່ທຸ່ມເທ ທຸກເຫື່ອ ແຮງ ແລະ ສະຕິປັນຍາ ເຂົ້າໃນການຊີ້ນຳ-ນຳພາປວງຊົນລາວທັງຊາດ ປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມມີຄວາມສາມັກຄີປອງດອງ, ຍຸຕິທໍາ ແລະ ສີວິໄລ.

ໃນໂອກາດດຽວກັນ, ທ່ານນາງ ໄລລີລອນ ທະລັງສີ, ຮອງເລຂາຄະນະພັກບ້ານ ແລະ ຮອງນາຍບ້ານໆຂຸນຕາທ່າ ກໍ່ໄດ້ແຈ້ງໃຫ້ຮູ້ວ່າ: ບ້ານຂຸນຕາທ່າ ຍັງໄດ້ເອົາໃຈໃສ່ສຶກສາອົບຮົມພໍ່ແມ່ປະຊາຊົນ, ໂດຍສະເພາະ ເພດຍິງ ໃຫ້ຖືສຳຄັນໃນການຮັກສາວັດທະນະທຳ ແລະ ຮີດຄອງປະເພນີອັນດີງາມຂອງຊາດລາວ, ພ້ອມທັງເຊີດຊູນ້ຳໃຈຮັກຊາດ ແລະ ພາລະບົດບາດຂອງແມ່ຍິງລາວ. ຂ້າພະເຈົ້າ ມີຄວາມຮູ້ສຶກດີໃຈຫລາຍທີ່ໄດ້ປະກອບສ່ວນເຂົ້າໃນວຽກງານປົກປັກຮັກສາ ແລະ ສ້າງສາພັດທະນາປະເທດຊາດ ຕະຫລອດໄລຍະຜ່ານມາ ແລະ ຂໍສະແດງຄວາມຮູ້ບຸນຄຸນຢ່າງຈິງໃຈ ມາຍັງພັກປະຊາຊົນປະຕິວັດລາວ ທີ່ໄດ້ກໍ່ສ້າງຂ້າພະເຈົ້າເອງໃນການດຳລົງຊີວິດທີ່ປອດໃສຂາວສະອາດ, ມີຄວາມອຸ່ງອ່ຽງທຸ່ນທ່ຽງ, ແລະ ມີຄວາມຮູ້ຄວາມສາມາດທີ່ສູງຂຶ້ນ. ຂ້າພະເຈົ້າ ຈະສືບຕໍ່ສຸມທຸກເຫື່ອແຮງ ແລະ ສະຕິປັນຍາ ເພື່ອປະກອບສ່ວນເຂົ້າໃນການສ້າງສາ ແລະ ພັດທະນາບ້ານຂຸນຕາທ່າ ໃຫ້ນັບມື້ນັບຈະເລີນ ແລະ ຮຸ່ງເຮືອງສີວິໄລ.