ພິທີຍ້ອງຍໍແລະສະຫຼຸບຜົນງານຂອງງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູໜາວປັກກິ່ງໄດ້ຈັດຂຶ້ນໃນຕອນເຊົ້າວັນທີ 8 ເມສານີ້ຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ. ທ່ານສີຈິ້ນຜິງ ປະທານປະເທດຈີນ​ໄດ້ເຂົ້າຮ່ວມພິທີດັ່ງກ່າວພ້ອມທັງກ່າວຄຳປາໄສສຳຄັນ.

ໃນງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູ ໜາວປັກກິ່ງ2022, ນັກກິລາປະເທດຕ່າງໆໄດ້ບາກບັ່ນສູ້ຊົນໂດຍສາມາດຍາດ ໄດ້ຜົນງານທີ່ດີເດັ່ນ. ພາຍໃຕ້ເງື່ອນໄຂທີ່ສະພາບການປ້ອງກັນແລະຄວບຄຸມ ພະຍາດໂຄວິດ-19ໃນທົ່ວໂລກຍັງຂ້ຽວຂາດຢູ່ນັ້ນ, ຈີນໄດ້ຜ່ານຜ່າຄວາມຫຍຸ້ງ ຍາກຕ່າງໆເພື່ອປະຕິບັດຕາມຄຳໝັ້ນສັນຍາຂອງຕົນ ໂດຍສາມາດຈັດງານ ກິລາໂອລິມປິກລະດູໜາວປັກກິ່ງຂຶ້ນຕາມເວລາກຳນົດ. ທ່ານໂທມັສ ບັກສ  ປະທານຄະນະກຳມະການໂອລິມປິກສາກົນໄດ້ກ່າວຍ້ອງຍໍວ່າ: “ງານກິລາໂອລິມ ປິກລະດູໜາວແລະງານກິລາໂອລິມປິກຄົນພິການລະດູໜາວປັກກິ່ງໄດ້ສະແດງ ໃຫ້ຊາວໂລກໄດ້ເຫັນເຖິງພະລັງແຮງທີ່ເປັນແບບຢ່າງໃນການຕ້ານກັບພະຍາດໂຄວິດ-19”.ງານກິລາໂອລິມ ປິກລະດູໜາວແລະງານກິລາໂອລິມປິກຄົນພິການ ລະດູໜາວປັກກິ່ງໄດ້ຈັດຂຶ້ນດ້ວຍຜົນສຳເລັດອັນຈົບງາມ, ຖືເປັນການຈັດງານ ມະຫາກຳກິລາໂອລິມປິກທີ່ງ່າຍດາຍ, ປອດໄພແລະໜ້າເບິ່ງໜ້າຊົມໃຫ້ກັບ ຊາວໂລກ ແລະໄດ້ເພີ່ມກຳລັງແຮງໃຈແລະພະລັງແຮງຫຼາຍກວ່າເກົ່າເພື່ອ ໃຫ້ທົ່ວໂລກເອົາຊະນະພະຍາດໂຄວິດ-19.

ວັນທີ 4 ມັງກອນ ປີ 2022 ນີ້, ໃນເວລາໂອ້ລົມເພື່ອໃຫ້ກຳລັງ ໃຈແກ່ບັນດານັກກິລາທີ່ກຳລັງສູ້ຊົນຝຶກແອບເພື່ອກຽມເຂົ້າຮ່ວມງານກິລາ ໂອລິມປິກລະດູໜາວ, ທ່ານສີຈິ້ນຜິງໄດ້ຍົກເອົາຄຳກອນບູຮານຈີນປະໂຫຍກ ໜຶ່ງມາກ່າວວ່າ: “ດອກເໝີຍຊົ່ວຊິສົ່ງກິ່ນຫອມໄດ້ກໍຕ້ອງຜ່ານອາກາດໜາວຈັດ”, ພ້ອມທັງໄດ້ອອຍພອນໃຫ້ນັກກິລາທັງຫຼາຍຈົ່ງໄດ້ຮັບຜົນງານທີ່ດີໃນງານກິລາໂອລິມປິກລະດູໜາວ. ຄຳກອນບູຮານຈີນຄຳນີ້ແມ່ນຄັດມາຈາກບົດກອນທີ່ມີຊື່ວ່າ “ຊ້າງຖັງຄ່າຍຊືຊົ້ງ” ເຊິ່ງແຕ່ງໂດຍພະອາຈານ ຫວງໂປ້ ສະໄໝລາຊະວົງຖັງຂອງຈີນ. ເຊິ່ງບົດກອນມີເນື້ອໃນດັ່ງນີ້:

“ມັນບໍ່ແມ່ນເລື່ອງງ່າຍທີ່ຈະພົ້ນຈາກຄວາມກັງວົນສັບສົນໃນຊີວິດໄດ້, ຕ້ອງສຸມ ຄວາມພະຍາຍາມສູ້ຊົນເຮັດວຽກຢ່າງອົດທົນ. ດອກເໝີຍຊົ່ວຊິສົ່ງກິ່ນຫອມໄດ້ ກໍຕ້ອງຜ່ານອາກາດໜາວຈັດ”

​ດອກ​ເໝີຍ​ແມ່ນດອກ​ໄມ້​ສວຍ​ງາມ​ທີ່​ມັກ​ບານ​ໃນ​ລະ​ດູ​ໜາວ, ຕາມວັດທະນະທຳດັ້ງເດີມຂອງຈີນແລ້ວເຫັນວ່າ: ຕົ້ນເໝີຍເປັນພືດຊະນິດໜຶ່ງທີ່ຕາງໜ້າໃຫ້ຄຸນສົມບັດທີ່ບໍລິສຸດຜຸດຜ່ອງ. ບົດກອນດັ່ງກ່າວໄດ້ຍົກໃຫ້ເຫັນຄຸນລັກສະນະຂອງດອກເໝີຍທີ່ແຂ່ງຫິມະນ້ຳກ້າມ ເບັ່ງບານພຽງລຳພັງທ່າມກາງອາກາດໜາວຈັດ, ເພື່ອເປັນການສົ່ງເສີມໃຫ້ຄົນເຮົາຈົ່ງຜ່ານຜ່າຄວາມຫຍຸ້ງຍາກ, ຕັດສິນໃຈຕັ້ງອຸດົມການສ້າງຜົນສຳເລັດໃນຊີວິດຂອງຕົນ. ໂຄສົກເຫັນວ່າ: ບໍ່ແມ່ນແຕ່ນັກກິລາທັງຫຼາຍຄວນເຮັດແນວນີ້, ປັດຈຸບັນ, ເມື່ອຜະເຊີນໜ້າກັບສະພາບການແຜ່ລະບາດຂອງພະຍາດໂຄວິດ-19ໃນທົ່ວໂລກແລະເສດຖະກິດໂລກຟື້ນຄືນຢ່າງຫຍຸ້ງຍາກລຳບາກນັ້ນ,ພວກເຮົາກໍຄວນມີຈິດໃຈແບບນີ້ເຊັ່ນກັນ. ຫວັງວ່າ, ເພື່ອນມິດບັນດາປະເທດໃນໂລກເຊິ່ງລວມທັງປະຊາຊົນຈີນ ແລະ ປະຊາຊົນລາວຈົ່ງພ້ອມກັນຮ່ວມແຮງຮ່ວມໃຈກັນ, ເມື່ອເຮົາສູ້ຊົນຜ່ານຜ່າຄວາມ ຫຍຸ້ງຍາກຈາກສະພາບພະຍາດທີ່ປຽບເໝືອນລະດູໜາວອັນຮ້າຍແຮງແລ້ວ, ກໍຈະໄດ້ເຫັນທິວທັດທີ່ສວຍງາມແລະໄດ້ກິ່ນຫອມສົດຊື່ນຂອງດອກໄມ້ນາໆຊະນິດໃນລະດູບານໃໝ່.

Loading...