ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ດື່ມກາເຟອອກກຳລັງກາຍ ‘ ຮັກສາຜິວ ‘

ນັກວິທະຍາສາດຊາວອາເມຣິກັນວິໄຈອອກມາວ່າ ກາເຟມື້ລະຈອກຊ່ວຍປ້ອງກັນຜິວຈາກແສງຕາເວັນ ຈາກການສຶກສາທົດລອງໃນໜູ ຂອງສະຖາບັນວິທະຍາສາດແຫ່ງຊາດ ພົບວ່າ ສາມາດປ້ອງກັນເຊວກໍ່ມະເຮັງເພີ່ມຂຶ້ນໄດ້ 400 % ເລີຍ ຂະນະນັກວິທະຍາສາດຂອງອັງກິດໄດ້ເຕືອນວ່າ ເຖິງກາເຟຈະຊ່ວຍປ້ອງກັນຜິວຈາກແສງແດດ ແຕ່ບໍ່ໄດ້ເປັນຕົວແທນຂອງການປ້ອງກັນແດດແຕ່ຢ່າງໃດ ຈຶ່ງບໍ່ຄວນອອກໄປຍ່າງກາງແດດໂດຍບໍ່ປົກປ້ອງ ເຖິງວ່າຈະດື່ມກາເຟໄປແລ້ວ 1 ຈອກກໍ່ຕາມ

ສ່ວນການອອກກຳລັງກາຍຄັ້ງລະບໍ່ຕໍ່າກ່ວາ 30 ນາທີ ອາທິດລະຢ່າງນ້ອຍ 3 ເທື່ອ ຈະຊ່ວຍໃຫ້ເລືອດ ໄຫຼວຽນດີ ເຮັດໃຫ້ຜິວພັນຜ່ອງໃສ ເພື່ອເປັນການຮັກສາຜິວໄດ້ອີກທາງໜຶ່ງ ກາເຟກັບຄວາມຊົງຈຳຂອງຜູ້ຍິງນັກວິໄຈຝຣັ່ງ ໄດ້ເຮັດການວິໄຈກັບຜູ້ຍິງທີ່ມີອາຍຸ 65 ປີ ແລະ ສາວໆ (ເຫຼືອນ້ອຍ) ທີ່ມີອາຍຸຫຼາຍກ່ວານັ້ນ ທີ່ດື່ມກາເຟຫຼາຍກ່ວາ 3 ຈອກຕໍ່ມື້ ແລະ ຜູ້ທີ່ດື່ມຈອກດຽວຕໍ່ມື້ ຫຼື ບໍ່ດື່ມເລີຍ ພົບວ່າ ໃນກຸ່ມ ຂອງຜູ້ທີ່ດື່ມກາເຟຫຼາຍ ມີຄວາມຈໍາດີກ່ວາຜູ້ທີ່ດື່ມຫນ້ອຍເຖິງ4 ປີ