ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ດ່ານສາກົນບໍ່ເຕ່ນ ແຂວງຫລວງນໍ້າທາ  ເຂັ້ມງວດກວດກາຄົນເຂົ້າ-ອອກ ເມືອງ

ພັທ ກອງແກ້ວ ສີງມີໄຊ ຫົວໜ້າຄະນະຄຸ້ມຄອງດ່ານສາກົນບໍ່ເຕ່ນ ແຂວງຫລວງນໍ້າທາ ໃຫ້ສໍາພາດຕໍ່ສື່ມວນຊົນ ຕອນເຊົ້າ ວັນທີ 17 ມິຖຸນານີ້ ເຖິງມາດຕະການຄວບຄຸມໂຄວິດ19 ຢູ່ດ່ານແຫ່ງນີ້ວ່າ: ດ່ານສາກົນບໍ່ເຕ່ນແມ່ນຕິດກັບເຂດເສດຖະກິດບໍ່ເຕ່ນແດນງາມ ການຄຸ້ມຄອງການເຂົ້າ-ອອກ, ການປ້ອງກັນ ແລະກະກັດກັ້ນການແຜ່ລະບາດຂອງພະຍາດໂຄວິດ-19 ໃນໄລຍະນີ້ມີລັກສະນະສັບສົນ, ໂດຍສະເພາະການເຂົ້າ-ອອກເບື້ອງລາວ ແລະຈີນແມ່ນມີລັກສະນະຈໍາກັດ ,ບໍ່ປົກກະຕິ, ສໍາລັບຜູ້ຈໍາເປັນຕ້ອງເດີນທາງເຂົ້າມາ ຕ້ອງໄດ້ຮັບອະນຸຍາດຈາກຄະນະສະເພາະກິດຂັ້ນແຂວງ ຈຶ່ງສາມາດເຂົ້າມາລາວໄດ້, ສວ່ນຄົນຈີນທີ່ເດີນທາງເຂົ້າມາ ຕ້ອງໄດ້ກັກກັນຢູ່ໂຮງແຮມທີ່ແຂວງກໍານົດໄວ້ເປັນເວລາ 14 ວັນ ແລ້ວຈຶ່ງໄປບ່ອນອື່ນໆຕາມຈຸດປະສົງໄດ້.

ສ່ວນລົດຂົນສົ່ງສິນຄ້າ ແມ່ນເຂົ້າ-ອອກ ຕາມປົກກະຕິ ແຕ່ໄດ້ປະຕິບັດຕາມມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ ເປັນຕົ້ນ: ລົດບັນທຸກແຕ່ລະຄັນຕ້ອງຜ່ານການພົ່ນຢາຂ້າເຊື້ອ, ມີການກວດກາ ແລະ ວັດແທກອຸນຫະພູມຜູ້ຂັບຂີ່  ແຕ່ລະວັນມີລົດສິນຄ້າເຂົ້າ-ອອກດ່ານເຂົ້າມາລາວປະມານ 200 ຄັນ ແລະລົດອອກໄປຈີນປະມານ 100 ຄັນ .

ພັທ ກອງແກ້ວ ສີງມີໄຊ ໃຫ້ຮູ້ເຖິງຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານຂອງເຈົ້າໜ້າທີ່ວ່າ: ດ່ານບໍ່ເຕ່ນມີ 2 ຈຸດຄື: ຈຸດ ຕມ ຢູ່ຫ່າງຈາກຈຸດພາສີປະມານ 5 ກິໂລແມັດ ເຊິ່ງມີຄວາມຫຍຸ້ງຍາກໃນການຕິດຕາມກວດກາການເຂົ້າ-ອອກ ແລະອື່ນໆ

ການລົງຕິດຕາມການຄວບຄຸມ ແລະຕ້ານການແຜ່ລະບາດໂຄວິດ-19 ຢູ່ດ່ານສາກົນບໍ່ເຕ່ນ ແຂວງຫຼວງນໍ້າທາຄັ້ງນີ້ ມີສື່ມວນຊົນລາວ ແລະ​ CRI​ ປະຈໍາລາວ ,ນໍາພາໂດຍສູນສື່ສານເພື່ອສຸຂະພາບ ແລະສຸຂະສຶກສາ ກະຊວງສາທາລະນະສຸກ ແລະອົງການ UNCEF ປະຈໍາລາວ .