ດ່ານສາກົນ ບໍ່ເຕ່ນ-ບໍ່ຫານ ສືບຕໍ່ຮ່ວມກັນຊຸກຍູ້ສົ່ງເສີມການ ຮ່ວມມືຮອບດ້ານລາວ-ຈີນ
ເມື່ອບໍ່ດົນມານີ້, ດ່ານສາກົນບໍ່ເຕ່ນ ແລະ ບໍ່ຫານ ຕົກລົງຈະຊຸກຍູ້ການຮ່ວມມືໃນຂົງເຂດພື້ນຖານໂຄງລ່າງພາຍໃນເຂດການ ຮ່ວມມື, ຊຸກຍູ້ວຽກງານໃນໂຄງການຕ່າງໆ ໃຫ້ໄດ້ຮັບໝາກຜົນຕົວຈິງຢ່າງມີປະສິດທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະ ໂຫຍດ ລະຫວ່າງສອງປະເທດ, ແລະ ເລັ່ງລັດການພັດທະນາເຂດຊາຍແດນຂອງ ລາວ ແລະ ຈີນ.
ໃນວັນທີ 16 ມັງກອນຜ່ານມານີ້, ໄດ້ມີຂ່າວຈາກກິດຈະກຳໜ້າງານຂອງຊາວສີ່ເງື່ອນໄຂແສງຕາເວັນການສົນທະນາສຸຂະພາບທົ່ວປະເທດຈີນ-ລາວ ວ່າ: ບໍລິສັດຈີນຈະຮ່ວມກັບອົງກອນການ ຄົ້ນຄວ້າຂອງກະຊວງສາທາລະນະສຸກທີ່ກ່ຽວຂ້ອງ ສ້າງຕັ້ງສະຖາ ບັນຄົ້ນຄວ້າສຸຂະພາບດິຈິຕອລຈີນ-ລາວ ຢູ່ ລາວ ພາຍໃນປີນີ້, ແລະ ໃນວັນດຽວກັນ, ບໍລິສັດຊາວສີ່ເງື່ອນໄຂແສງຕາເວັນຄຸ້ມຄອງສຸຂະພາບ ຈຳກັດ ຂອງ ຈີນ, ສະຖາບັນການແພດ ແລະ ການຢາພື້ນເມືອງ ແລະ ສະຖາບັນສາທາລະນະສຸກສາດແລະການແພດເຂດຮ້ອນ, ກະຊວງສາທາລະນະສຸກຂອງລາວ ໄດ້ລົງນາມໃນສັນ ຍາການຮ່ວມມືນຳກັນ. ຈີນ ແລະ ລາວ ຈະຮ່ວມມືພັດທະນາໃນຂົງເຂດວັດທະນະທໍາປະເພນີດັ້ງເດີມ, ວິທະຍາສາດການຄຸ້ມຄອງສຸຂະອານະໄມ, ວິທະຍາສາດຂໍ້ມູນຂ່າວສານ ແລະ ວິທະຍາສາດສິ່ງມີຊີວິດ ເພື່ອຊຸກຍູ້ການຄົ້ນຄ້ວາ ແລະ ຝຶກອົບຮົມທາງດ້ານສຸຂະອານາໄມ, ທັງເປັນການປູກຝັງວຽກງານສຸຂະພາບພາຍໃນຄອບຄົວໃຫ້ເປັນວຽກງານອັນດັບໜຶ່ງ, ລວມເຖີງຊຸກຍູ້ການຄົ້ນຄ້ວາ ແລະ ເຜີຍແຜ່ວິທີການປິ່ນປົວ ຟື້ນຟູສຸຂະພາບຈາກພະຍາດໃນການດຳລົງຊິວິດຂອງປະຊາ ຊົນທົ່ວໄປ.
ໃນວັນທີ 18 ມັງກອນຜ່ານມານີ້, ອົງກອນການຄ້າຕ່າງປະ ເທດ, ແຂວງຢູນນານ ໂດຍການຮ່ວມມືການຮັບປະກັນຈາກລັດ ຖະບານ ແລະ ບໍລິສັດປະກັນໄພ ປະຈຳປີ 2024 ໄດ້ຈັດກອງປະຊຸມສົ່ງເສີມວຽກງງານໃນຫົວຂໍ້ສະເພາະກິດ ກ່ຽວກັບການນຳໃຊ້ການບໍລິການທາງການເງິນ ເພື່ອຮັກສາສະພາບການຄ້າຕ່າງ ປະເທດໃຫ້ໝັ້ນຄົງຕໍ່ໄປ ແລະ ສາມາດກ້າວໄປສູ່ການຊຸກຍູ້ການພັດທະນາ ແລະ ໄດ້ຕົວແທນຜູ້ຕ່າງໜ້າຈາກບັນດາຫົວໜ່ວຍລັດຖະບານທີ່ກ່ຽວຂ້ອງ, ສະຖາບັນການເງິນ ແລະ ບໍລິສັດການ ຄ້າຕ່າງປະເທດທີ່ສຳຄັນຫລາຍກວ່າ 25 ບໍລິສັດໃນເຂດຮ່ວມມື ບໍ່ເຕ່ນ-ບໍ່ຫານ ເຂົ້າຮ່ວມກອງປະຊຸມສົ່ງເສີມການຄ້າ. ຜ່ານການເປີດເສັ້ນທາງລົດໄຟ ລາວ-ຈີນ ຄົບຮອບ 2 ປີ, ການຮ່ວມມືດ້ານເສດຖະກິດລະຫວ່າງ ຈີນ-ລາວ ນັບມື້ນັບລົງເລິກ, ເຂດການຮ່ວມມືບໍ່ເຕ່ນ-ບໍ່ຫານ ໄດ້ຄ່ອຍໆ ກາຍເປັນເວທີທີ່ສຳຄັນຂອງການແລກປ່ຽນດ້ານເສດຖະກິດການຄ້າ ລະຫວ່າງສອງປະເທດ.
ຕາມການແນະນຳຂອງຜູ້ຮັບຜິດຊອບທີ່ກ່ຽວຂ້ອງ, ຄະນະບໍ ລິຫານງານຈະຕັ້ງໜ້າເສີມສ້າງເວທີການຮ່ວມມື, ເພີ່ມທະວີການແລກປ່ຽນ ລະຫວ່າງ ລັດຖະບານ ແລະ ທະນາຄານ, ເພີ່ມທະວີເປີດກວ້າງການບໍລິການດ້ານການເງິນຕໍ່ບັນດາວິສາຫະກິດການຄ້າຕ່າງປະເທດໃຫ້ໄດ້ຫລາຍຂື້ນ, ຊ່ວຍຊຸກ ຍູ້ການເສີມສ້າງຄວາມສາມາດຂອງວິສາຫະກິດໃນການເປີດກວ້າງຕະຫຼາດສາກົນ. ຊຸກຍູ້ການພັດທະນາດ້ານການຄ້າຕ່າງປະເທດທີ່ມີຄຸນນະພາບສູງ ແລະ ໝັ້ນຄົງຢ່າງຮອບ ດ້ານ.
ໃນວັນທີ 22 ມັງກອນຜ່ານມານີ້, ສະຖານີກວດກາຊາຍແດນບໍ່ຫານໄດ້ໃຫ້ຊາບວ່າ: ມາເຖິງວັນທີ 21 ມັງກອນ, ດ່ານບໍ່ຫານ ໄດ້ອະນຸຍາດໃຫ້ນັກທ່ອງທ່ຽວມາຈາກພາກເໜືອຂອງຈີນ ຜ່ານ ປະມານ 20 ກວ່າຄະນະ, ຄະນະລະ2.000 ກວ່າຄົນຕໍ່ຄັ້ງ. ນັບແຕ່ມື້ຂຶ້ນກຸດຈີນປີ 2024, ຈຳນວນນັກທ່ອງທ່ຽວຈາກພາກເໜືອຂອງຈີນ ໄດ້ເພີ່ມຂຶ້ນຢ່າງຫຼວງຫຼາຍ, ດ່ານບໍ່ຫານ ໄດ້ຕ້ອນ ຮັບນັກທ່ອງທ່ຽວທີ່ເດີນທາງໄປທ່ອງທ່ຽວນອກປະເທດຢ່າງຕໍ່ເນື່ອງ. ເພື່ອຮັບປະກັນຄວາມປອດໄພ, ຄວາມສະດວກສະ ບາຍ, ເປັນລະບຽບຮຽບຮ້ອຍ ແລະ ມີປະສິດທີຜົນ, ສະຖານີກວດກາດ່ານຊາຍແດນບໍ່ຫານ ໄດ້ປັບປຸງການບໍລິການຢ່າງບໍ່ຢຸດຢັ້ງ, ຈັດວາງກຳລັງຕໍາຫລວດປະຈຳການຢ່າງມີວິທະຍາສາດ, ເປີດຊ່ອງທາງກວດກາການເດີນທາງຢ່າງທັນການ, ເພີ່ມຈຸດ”ສອບ ຖາມຂໍ້ມູນແບບເຄື່ອນທີ່” ແລະ ເພີ່ມຕຳແໜ່ງຜູ້ສອບຖາມນຳທາງແບບນອກຈຸດສອບຖາມ, ເປີດຈໍມໍນິເຕີກັບດ່ານເພື່ອແນະນຳໃຫ້ຄວາມຮູ້ກ່ຽວກັບກົດໝາຍ, ກົດລະບຽບ ແລະ ຂໍ້ຄວນລະວັງໃນການທ່ອງທ່ຽວນອກປະເທດທີ່ກ່ຽວຂ້ອງ. ນັກທ່ອງທ່ຽວກໍ່ໄດ້ຮັບຮູ້ການຮັບປະກັນການບໍລິການກວດກາຢູ່ດ່ານບໍ່ຫານເປັນຢ່າງດີ.
ໃນມື້ດຽວກັນນີ້, ໃນກອງປະຊຸມຕ້ອນຮັບຄະນະບໍລິຫານຂັ້ນປະລິນຍາເອກ ຮຸ້ນທີ 23 ແລະ 24 ທີ່ໄດ້ຄັດເລືອກຄະນະບໍລິ ຫານຂັ້ນປະລິນຍາເອກ ຮຸ້ນທີ 24 ຈຳນວນ 21 ຄົນ ໂດຍການຄັດເລືອກຈາກ ຄະນະຈັດຕັ້ງບໍລິຫານສູນກາງພັກກອມມູນິດຈີນ ແລະ ຄະນະຊາວໜຸ່ມສູນກາງພັກກອມມູນິດຈີນ ໄດ້ເດີນທາງໄປເຖິງແຂວງຢຸນນານ ແລະ ດຳເນີນວຽກງານຕົນ, ພ້ອມກັບການຝຶກແອບຫລໍ່ຫລອມຕົນຢູ່ແຂວງຢຸນນານ ເປັນເວລາໜຶ່ງປີ ຫຼື ສອງປີ. ໃນການຄັດເລືອກຄັ້ງນີ້, ຄະນະຈັດຕັ້ງສູນກາງຍັງສະໜອງໂຄຕ້າພິເສດສຳລັບຄະນະໜໜຶ່ງຂອງ ແຂວງຢຸນນານ ກໍ່ຄື ຄະນະກໍ່ສ້າງພັດທະນາເຂດຮ່ວມມືເສດຖະກິດ ລາວ-ຈີນ ບໍ່ເຕ່ນ-ບໍ່ຫານ.
ໃນວັນທີ 22 ມັງກອນຜ່ານມານີ້, ພິທີເຊັນສັນຍາການລົງທຶນສ່ວນອຸດສາຫະກຳການຜະລິດລຽບຕາມເສັ້ນຊາຍແດນແຂວງຢຸນນານ ໄດ້ຈັດຂຶ້ນຢູ່ ນະຄອນຄຸນໝິງ. ໃນພິທີ, ບໍລິສັດລົງຫາຍໂຖ ໄດ້ລົງນາມໃນສັນຍາຮ່ວມມືຍຸດທະສາດກັບຄະນະກຳມະການຄຸ້ມຄອງເຂດພັດ ທະນາເສດຖະກິດ ແລະ ເຕັກນິກຄຸນໝິງ (ເຂດການຄ້າເສລີ) ແລະ ຄະນະກຳມະການຄຸ້ມຄອງເຂດຮ່ວມມືເສດຖະກິດ ລາວ-ຈີນ ບໍ່ເຕ່ນ-ບໍ່ຫານ. ທ່ານ ຫລີວ ອ້າຍຈູນ (Liu Aijun), ຮອງເລຂາຄະນະພັກ, ຮອງປະທານ ແລະ ອຳນວຍການຂອງ ບໍລິສັດ ຫາຍໂຖ (Haitou) ໄດ້ເຂົ້າຮ່ວມພິທີເຊັນສັນຍາ ແລະ ເປັນຕົວແທນບໍລິສັດ ຫາຍໂຖ (Haitou) ໃນການລົງນາມຄັ້ງນີ້.
ໃນປີ 2023 ທີ່ຜ່ານມານີ້, ເຂດພັດທະນາເສດຖະກິດຄຸນໝິງ ຫລື ເຂດທົດລອງການຄ້າເສລີຄຸນໝິງນຳໃຊ້ການຫຼຸດຜ່ອນຄ່າໃຊ້ຈ່າຍທຸລະກຳຂອງບັນດາບໍລິສັດປະມູນໃນການເລີ່ມຕົ້ນ, ນຳໃຊ້ຂະບວນການປະມູນ ໂດຍການຮັບປະມູນແບບເອເລັກໂຕຼນິກ ແລະ ຊຸກຍູ້ການເຮັດໜັງສືຄ້ຳປະກັນທາງເອເລັກໂຕຼນິກຢ່າງຮອບດ້ານ ເພື່ອຮັບປະກັນຄວາມປອດໄພ ປ່ຽນແທນເງິນຄ້ຳປະກັນການປະມູນທີ່ຊໍາລະດ້ວຍເງິນສົດ, ຫຼຸດຜ່ອນເງິນຄ້ຳປະກັນໂຄງ ການລົງທຶນຂອງລັດຖະບານ ແລະ ວິທີການອື່ນໆ, ລົງເລິກປະຕິ ບັດຕາມສະພາບແວດລ້ອມການດຳເນີນທຸລະກິດຂອງປະເທດທີ່ໄດ້ປັບປຸງມາ, ຫລຸດຜ່ອນຂໍ້ກຳນົດຂອງວຽກງານທີ່ກ່ຽວຂ້ອງກັບຕົ້ນທຶນການຄ້າຂາຍ ທີ່ມີລັກສະນະລະບົບຂອງການປະມູນ, ຮັບປະມູນ ແລະ ຫຼຸດຜ່ອນຄວາມກົດດັນທາງດ້ານເງິນຄ້ຳປະກັນຕໍ່ບັນດາຫົວໜ່ວຍທຸລະກິດ, ໂດຍສະ ເພາະວິສາຫະກິດຂະຫນາດນ້ອຍ ແລະ ຂະຫນາດກາງ, ສະໜັບສະໜູນວິສາຫະກິດຂະຫນາດນ້ອຍ ແລະ ຂະຫນາດກາງເຂົ້າຮ່ວມການແຂ່ງຂັນດ້ານການຕະຫຼາດ, ສ້າງໃຫ້ການແຂ່ງຂັນຕະຫຼາດມີຊິວິດຊີວາ.
ມາຮອດວັນທີ 31 ທັນວາ 2023 ຜ່ານມານີ້, ມີໂຄງການລົງ ທຶນຂອງລັດຖະບານຢູ່ເຂດພັດ ທະນາເສດຖະກິດຄຸນໝິງ ລວມທັງໝົດ 67 ໂຄງການ, ມີຜູ້ເຂົ້າຮ່ວມປະມູນທັງໝົດ 588 ໂຄງ ການ, ຍອດມູນຄ່າການປະມູນ 180 ລ້ານຢວນ ແລະ ຮັບເງິນຕົວຈິງ 46 ລ້ານຢວນ, ຍອດຈຳນວນການຫຼຸດ ແລະ ຍົກເວັ້ນເງິນຄ້ຳປະກັນ ມີຈຳນວນ 134 ລ້ານຢວນ.
