ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຕະຫລອດ 10ມື້ ສປປ ລາວ ບໍ່ມີຜູ້ຕິດເຊື້ອພະຍາດໂກວິດ 19, ມີຄົນເຈັບອອກໂຮງໝໍອີກ 2ຄົນ.

ວັນທີ 22 ເມສາ ບໍ່ມີຜູ້ຕິດເຊື້ອພະຍາດໂກວິດ 19 ເພີ່ມ, ສ່ວນຄົນເຈັບທີ່ປິ່ນປົວຢູ່ໂຮງໝໍແຂວງຫວງພະບາງ ແພດອານຸຍາດໃຫ້ອອກໂຮງໝໍ ໄປກັກຕົນເອັງຢູ່ເຮືອນແລ້ວ2 ຄົນ.

ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີ ກະຊວງສາທາລະນະສຸກ,ຜູ້ປະຈໍາການ ຄະນະ ສະເພາະກິດ ປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫລງໃນຕອນບ່າຍວັນທີ 22 ເມສານີ້ ເຖິງສະພາບການລະບາດຂອງພະບາດໂກວິດ 19 ວ່າ: ວັນທີ 21 ເມສາ 2020, ໄດ້ເກັບຕົວຢ່າງມາກວດທັງໝົດ 83 ຄົນ, ໃນນັ້ນມີຜູ້ສຳຜັດໃກ້ຊິດກັບຜູ້ຕິດເຊື້ອ ທີ່ຕິດຕາມຄົບກຳນົດມາກວດຄືນ 21 ຄົນ, ກໍລະນີມີອາການສົງໄສ 11 ຄົນ ແລະ 51 ຄົນ ຈາກແຮງງານລາວທີ່ກັບມາແຕ່ໄທ ເຊິ່ງບໍ່ມີອາການສະແດງ. ໝາຍຄວາມວ່າໃນວັນທີ 21 ເມສາ 2020 ບໍ່ມີກໍລະນີໃໝ່.

ການຕິດຕາມປີ່ນປົວຄົນເຈັບຢູ່ໂຮງໝໍ

ຢູ່ໂຮງໝໍແຂວງຫຼວງພະບາງ ມີ 3 ຄົນ ເຫັນວ່າມີອາການຄົງຕົວ ຂັ້ນເບົາບາງ, ມື້ວານນີ້ໄດ້ເກັບຕົວຢ່າງ 2 ຄົນມາກວດຊໍ້າອີກ, ເຫັນວ່າບໍ່ພົບເຊື້ອຕິດຕໍ່ກັນ 2 ຄັ້ງ. ດັ່ງນັ້ນ ທັງ 2 ຄົນຈະໄດ້ອອກໂຮງໝໍໃນມື້ນີ້ ແລະ ໄປຕິດຕາມຕົນເອງຢູ່ເຮືອນ 14 ວັນ. ຍັງເຫຼືອ 1 ຄົນ ແມ່ນສືບຕໍ່ຕິດປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.

ສ່ວນຢູ່ໂຮງໝໍມິດຕະພາບ ມີ 14 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.

ປະຈຸບັນຍັງເຫຼືອມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍທັງໝົດ 15 ຄົນ.