ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ງານວາງສະແດງລົດ ວຽງຈັນນານາຊາດ ໂອໂຕໂຊ 2024 ຈະຈັດຂຶ້ນເປັນເວລາ 9 ວັນ ເລີ່ມແຕ່ວັນທີ 2-10 ມີນາ 2024 ທີ່ສູນການຄ້າ ລາວ-ໄອເຕັກ, ນະຄອນຫຼວງວຽງຈັນ.
ທ່ານ ພານເລິນ ສຸວັນນະວົງ ຜູ້ອໍານວຍການ ບໍລິສັດ ອີວິແກ້ນ ອີເວັ້ນສ໌ ຈຳກັດຜູ້ດຽວ ໃຫ້ຮູ້ໃນໂອກາດຖະແຫລງຂ່າວຕໍ່ສື່ ມວນຊົນໃນຕອນບ່າຍວັນທີ 5 ກຸມພາ 2024 ທີ່ສູນການຄ້າລາວ-ໄອເຕັກ ວ່າ: ງານວາງສະແດງລົດ ວຽງຈັນນານາຊາດ ໂອໂຕໂຊ 2024, ຄັ້ງທີ່ 1 ແມ່ນຈັດສັນບຸດຈຳນວນຫຼາຍກວ່າ 70 ບຸດ ເພື່ອໃຫ້ຜູ້ປະກອບການພາຍໃນ ແລະຕ່າງປະເທດໄດ້ມີໂອກາດ ເຂົ້າມາຮ່ວມງານວາງສະແດງໃນຄັ້ງນີ້, ຜູ້ປະກອບການທີ່ເຂົ້າຮ່ວມໃນງານນີ້ຈະມີຫຼາກຫຼາຍປະເພດສິນຄ້າເຊັ່ນ: ລົດໄຟຜົງ, ລົດທີ່ປະຢັດພະລັງງານນໍ້າມັນ, ອຸປະກອນປະດັບລົດຍົນ, ບັນດາເຄື່ອງຮັບໃຊ້ທີ່ຕິດພັນກັບພາຫະນະ, ສະຖາບັນການເງິນ ແລະ ທະນາ ຄານທຸລະກິດ. ມາຮອດປະຈຸບັນ ການລະດົມຫົວໜ່ວຍທຸລະກິດໃນດ້ານລົດເຂົ້າຮ່ວມມີຫລາຍກວ່າ 30 ພາກສ່ວນ.
ສໍາລັບກິດຈະກໍາພາຍໃນງານ ລວມມີ: ການວາງສະແດງ ແລະຈຳໜ່າຍສິນຄ້າຫຼາກຫຼາຍຄ້າຍລົດ, ສິນຄ້າໂອດອບ ແລະ ສິນຄ້າທ່າແຮງຂອງລາວ, ລູກຄ້າທີ່ຈອງລົດພາຍໃນງານ ຈະມີສິດລົງທະບຽບເພື່ອຮັບຄູ່ປອງລຸ້ນໂຊກ ຮັບເອົາຂອງລາງວັນ, ບໍ່ວ່າຈະເປັນ ພວງກະແຈໂລໂກ້ງານ, ນໍ້າຫອມໃສ່ລົດ, ນໍ້າຢາລ້າງລົດ, ຜ້າເຊັດລົດໄມໂຄຝ່າຍເບີ້, ອຸປະກອນທີ່ສຽບສາຍເຊັກເບວ, ນໍ້າຢາເຊັດລໍ້ລົດ, ບັດເຄືອບແກ້ວລົດຟຣີ, ເສື້ອໂລໂກ້ງານ ແລະ ພິເສດສາຍຄໍຄໍາ. ພ້ອມກັນນັ້ນ, ຍັງມີນ້ອງໝີມາສຄອດຮ່ວມຖ່າຍຮູບສໍາລັບລູກຄ້າທີ່ມາທ່ຽວ ພາຍໃນງານ ພ້ອມຂອງລາງວັນອື່ນໆ ອີກຢ່າງ ຫຼວງຫຼາຍ.
ນອກຈາກນີ້ ຈະມີການທົດລອງຂັບລົດຂອງແຕ່ລະຄ້າຍລົດ ຕະຫຼອດງານ. ການສະແດງຄວາມງາມ, ການຕົບແຕ່ງເຄື່ອງສຽງຂອງລົດ ແລະ ສຳພັດຄວາມມ່ວນຊື່ນ ທີ່ອັດແໜ້ນດ້ວຍການແຕ່ງເຄື່ອງສຽງລົດ. ກິດຈະກຳການປະກວດເຄື່ອງສຽງລົດ ກິດ ຈະກຳພົບປະສະມາຄົມຄົນຮັກລົດ. ກິດຈະກຳການສະແດງຄວາມ ສາມາດໃນການຂັບຂີ່ ແລະ ການດຣິຟລົດ, ງານຄົບຮອບ 9 ປີ ຂອງ ຮ້ານອາຫານ 3434 ທີ່ຈະນໍາສິນລະປິນນັກຮ້ອງ ມາສ້າງຄວາມມ່ວນຊື່ນໃຫ້ກັບບັນດາລູກຄ້າທີ່ມາທ່ຽວຊົມງານ ແລະອື່ນໆ. ຄາດວ່າຈະມີຜູ້ເຂົ້າຊົມງານເຮົາໃນປີນີ້ ປະມານ 50,000 ຄົນ/ມື້, ມີການສັ່ງຈອງລົດພາຍໃນງານ, ມີການຊື້ຂາຍສິນຄ້າ ແລະ ບໍລິການ, ແລະ ອື່ນໆ