ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເນື້ອໃນຕົ້ນຕໍຂອງຮ່າງຖະແຫຼງການມີດັ່ງນີ້:
ຂົງເຂດວຽກງານການເມືອງ ແລະ ການຕ່າງປະເທດ:
– ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງລັດຖະບານສາມປະເທດທີ່ໄດ້ເອົາໃຈໃສ່ປະກອບ ສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດບັນດາສັນຍາ, ແຜນງານ ແລະ ໂຄງການທີ່ກ່ຽວ ຂ້ອງໃນຂົງເຂດວຽກງານການເມືອງ ແລະ ຕ່າງປະເທດ ເພື່ອແນໃສ່ສົ່ງເສີມສັນຕິພາບ, ມິດ ຕະພາບ, ຄວາມສາມັກຄີ,ຄວາມສະຫງົບ,ການແກ້ໄຂບັນຫາຕ່າງໆຕາມຊາຍແດນ ແລະ ການ ຮ່ວມມືເພື່ອການພັດທະນາແບບຍືນຍົງ ຂອງສາມປະເທດ ເວົ້າລວມ, ເວົ້າສະເພາະຢູ່ໃນຂອບການຮ່ວມມື CLV-DTA;
– ໄດ້ເຫັນດີເປັນເອກະພາບກັນໃນການກໍານົດບາງທິດທາງ ແລະ ແຜນການເພື່ອໃຫ້ສະພາແຫ່ງຊາດສາມປະເທດໃນຖານະເປັນອົງການນິຕິບັນຍັດສືບຕໍ່ຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ ດ້ານການຕິດຕາມກວດກາແລະຊຸກຍູ້ລັດຖະບານສາມປະເທດປະເມີນຜົນການຈັດຕັ້ງປະຕິບັດວຽກງານຕາມຂອບການຮ່ວມມືCLV-DTA, ຖອດຖອນບົດຮຽນ, ສືບ ຕໍ່ແກ້ໄຂບັນຫາທີ່ຍັງຄົງຄ້າງ ແລະ ສືບຕໍ່ຈັດຕັ້ງປະຕິບັດແຜນງານໃນຂົງເຂດດັ່ງກ່າວ ໃຫ້ມີປະ ສິດທິພາບ ແລະ ປະສິດຜົນຫຼາຍຂຶ້ນ; ພ້ອມທັງສະເໜີໃຫ້ສ້າງຕັ້ງກົນໄກການຮ່ວມມືຂອງຂົງເຂດວັດທະນາທໍາ-ສັງຄົມ ເພື່ອນໍາໄປພິຈາລະນາຮັບຮອງໃນກອງປະຊຸມສຸດຍອດລັດຖະສະພາ CLV ຄັ້ງຕໍ່ໄປ;
– ເຫັນດີສ້າງຕັ້ງຄະນະມິດຕະພາບ ສະມາຊິກລັດຖະສະພາ CLV ເພື່ອຊຸກຍູ້ ສົ່ງເສີມການພັດ ທະນາເສດຖະກິດ-ສັງຄົມ ແລະ ການຮ່ວມມືືທາງດ້ານວັດທະນະທໍາ, ສ່ວນລາຍລະອຽດ ຈະນໍາໄປປຶກສາຫາລື ແລະ ຕົກລົງ ໃນກອງປະຊຸມສຸດຍອດລັດຖະສະພາ CLV ຄັ້ງຕໍ່ໄປ.
ຂົງເຂດວຽກງານເສດຖະກິດ ແລະ ວັດທະນະທໍາ-ສັງຄົມ:
– ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງລັດຖະບານສາມປະເທດໃນການຈັດຕັ້ງປະຕິບັດແຜນງານເຊື່ອມໂຍງເສດຖະກິດ ຮອດປີ 2030, ແຜນພັດທະນາການທ່ອງທ່ຽວຕາມຂອບການຮ່ວມມື CLV-DTA 2020-2025ແລະວິໄສທັດຮອດປີ 2030ແລະ ຊຸກຍູ້ໃຫ້ລັດຖະບານ ຮັບຮອງເອົາແຜນແມ່ບົດການພັດທະນາເສດຖະກິດ-ສັງຄົມ ຮອດປີ 2030ໃນກອງປະຊຸມ CLVຂອງລັດຖະບານ ທີ່ຈະເປີດຂຶ້ນໃນຕໍ່ໜ້ານີ້;
– ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຂອງການຮ່ວມມື ຂອງສະພາແຫ່ງຊາດສາມປະເທດໃນການຕິດຕາມກວດກາ ແລະ ຊຸກຍູ້ ຢ່າງຕັ້ງໜ້າໃນການຈັດຕັ້ງປະຕິບັດວຽກງານຂອງລັດຖະບານສາມປະເທດ ກ່ຽວກັບການສ້າງສະພາບແວດລ້ອມດ້ານນະໂຍບາຍ, ກົດໝາຍ ແລະ ນິຕິກໍາ, ການປັບປຸງການປົກຄອງ ແລະ ບໍລິຫານລັດ, ການຊຸກຍູ້ການສົ່ງເສີມການລົງທຶນ, ການແລກປ່ຽນດ້ານການຄ້າ, ການຄົມມະນາຄົມຂົນສົ່ງ, ການພັດທະນາພື້ນຖານໂຄງລ່າງ, ການຮ່ວມມືໃນຂະແໜງການສຶກສາ, ສາທາລະນະສຸກ, ວັດທະນາທຳ, ການທ່ອງທ່ຽວ ແລະ ການສົ່ງເສີມການພົວພັນຮ່ວມມື, ແລກປ່ຽນ ແລະ ໄປມາຫາສູ່ລະຫວ່າງ ປະຊາຊົນຢູ່ໃນບໍລິເວນພື້ນທີ່ຂອບເຂດການຮ່ວມມື CLV-DTA;
– ໄດ້ເຫັນດີເປັນເອກະພາບກັນໃນການກໍານົດບາງທິດທາງແລະແຜນການເພື່ອໃຫ້ສະພາແຫ່ງຊາດສາມປະເທດດໍາເນີນການຕິດຕາມກວດກາຮ່ວມກັນແລະຊຸກຍູ້ລັດຖະບານສາມປະເທດສືບຕໍ່ຈັດຕັ້ງປະຕິບັດວຽກງານຕາມຂອບການຮ່ວມມືດ້ານເສດຖະກິດ ແລະ ວັດທະນະທໍາ-ສັງຄົມໂດຍຈັດຕັ້ງຜັນຂະຫຍາຍບັນດາເປົ້າໝາຍຂອງແຜນປະຕິບັດງານທີ່ກ່ຽວຂ້ອງເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ ດ້ວຍການຈັດສັນງົບປະມານຂອງລັດ ແລະ ຍາດແຍ່ງເອົາທຶນຮອນ ແລະ ເຕັກນິກວິຊາການຈາກອົງການຈັດຕັ້ງສາກົນ, ບັນດາຄູ່ຮ່ວມພັດທະນາ ແລະ ປະຊາຊົນ ເຂົ້າໃນການຈັດຕັ້ງປະຕິບັດບັນດາເປົ້າໝາຍ ແລະ ແຜນວຽກຈຸດສຸມໃຫ້ບັນລຸຜົນສຳເລັດຕາມທີ່ໄດ້ກຳນົດໄວ້.
ຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ:
– ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຂອງລັດຖະບານສາມປະເທດ ໃນການຈັດຕັ້ງປະຕິບັດບັນດາສັນຍາ, ແຜນງານ ແລະ ໂຄງການທີ່ກ່ຽວຂ້ອງກັບການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ການແກ້ໄຂບັນຫາການປັກຫຼັກໝາຍຊາຍແດນ, ການສະກັດກັ້ນການຄ້າຂາຍຢາເສບຕິດ, ການສະກັດກັ້ນການຄ້າມະນຸດ, ການເຂົ້າອອກເມືອງຜິດກົດໝາຍ, ການກໍ່ການຮ້າຍ, ການກໍ່ອາດຊະຍະກໍາຂ້າມຊາດ, ການເກັບກູ້ລະເບີດຕົກຄ້າງທີ່ຍັງບໍ່ທັນແຕກ, ການເກັບກູ້ ແລະ ສົ່ງຄືນອັດຖິທະຫານທີ່ເສຍຊີວິດເພື່ອຊາດ ແລະ ການແກ້ໄຂໄພພິບັດທຳມະຊາດເພື່ອແນໃສ່ເຮັດໃຫ້ຊາຍແດນຂອງສາມປະເທດກາຍເປັນຊາຍແດນແຫ່ງສັນ ຕິພາບ, ມິດຕະພາບ,ສະຖຽນລະພາບ ແລະ ຄວາມສະຫງົບປອດໄພໃຫ້ແກ່ປະຊາຊົນຢູ່ໃນບໍລິເວນພື້ນທີ່ຂອບການຮ່ວມມື CLV-DTA;
– ໄດ້ເຫັນດີເປັນເອກະພາບກັນໃນການກໍານົດບາງທິດທາງແລະແຜນການເພື່ອໃຫ້ສະພາແຫ່ງຊາດສາມປະເທດສືບຕໍ່ຕິດຕາມກວດກາຮ່ວມກັນແລະຊຸກຍູ້ລັດຖະບານສາມປະເທດໃນການຈັດຕັ້ງປະຕິບັດວຽກງານຕາມຂອບການຮ່ວມມືCLV-DTA,ໂດຍສະເພາະການສືບຕໍ່ຮ່ວມມືບັນດາເປົ້າໝາຍ ໃນຂົງເຂດວຽກງານ ປກສ-ປກຊທີ່ໄດ້ກ່າວມາຂ້າງເທິງດ້ວຍການມີສ່ວນຮ່ວມຂອງປະຊາຊົນ ໃຫ້ບັນລຸຜົນສຳເລັດຕາມທີ່ໄດ້ກໍານົດໄວ້.
– ກອງປະຊຸມສຸດຍອດລັດຖະສະພາ CLVຄັ້ງທີ Iໄດ້ຮັບຮອງເອົາຄໍາຂວັນກອງປະຊຸມ ສັນຕິ ພາບ, ມິດຕະພາບ, ຄວາມສາມັກຄີ ແລະ ການຮ່ວມມື ເພື່ອຄວາມຈະເລີນຮຸ່ງ ເຮືອງ ແລະ ຄວາມຍືນຍົງ ແລະ ເຫັນດີເປັນເອກະພາບກັນ ຈະນຳໃຊ້ໃນກອງປະຊຸມສຸດຍອດລັດຖະສະພາ CLVຄັ້ງຕໍ່ໄປ;
– ກອງປະຊຸມສຸດຍອດລັດຖະສະພາ CLV ຄັ້ງທີ I ເປັນເວທີທີ່ສໍາຄັນໃນການສົນທະນາປຶກສາຫາລືແລກປ່ຽນຄວາມຄິດເຫັນ ລະຫວ່າງ ສະພາແຫ່ງຊາດກັບລັດຖະບານ ສາມປະເທດ;ສ້າງໂອກາດທີ່ດີໃຫ້ແກ່ສະພາແຫ່ງຊາດ, ລັດຖະບານ, ອົງການຈັດຕັ້ງສາກົນ ແລະ ຄູ່ຮ່ວມພັດ ທະ ນາໃນການຍົກສູງຄວາມຮັບຮູ້ຄວາມເຂົ້າໃຈ ຕໍ່ການພັດທະນາຢູ່ໃນຂອບການຮ່ວມມື CLV-DTA, ພ້ອມທັງຍາດແຍ່ງການພົວພັນຮ່ວມມືດ້ານທຶນຮອນ ແລະ ເຕັກນິກວິຊາການເພື່ອແນໃສ່ຮັບປະກັນການຈັດຕັ້ງປະຕິບັດແຜນງານໂຄງການໃນຂອບການຮ່ວມມືCLV-DTA ໃຫ້ປະກົດຜົນເປັນຈິງ;