ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທລຍ ຊ່ວຍສ້າງເສັ້ນທາງເຂົ້າຫາເຂດການຜະລິດ ໃຫ້ປະຊາຊົນ ບ້ານຫ້ວຍເຮັ້ຍ ເມືອງໂພນທອງ

ວັນທີ 4 ກັນຍາ 2020 ນີ້ ກອງທຶນຫຼຸດຜ່ອນຄວາມທຸກ ຍາກ (ທລຍ) ປະຈໍາເມືອງໂພນທອງ ແຂວງຫລວງພະບາງ ໄດ້ຈັດພິທີມອບ-ຮັບໂຄງການກໍ່ສ້າງ ແລະສ້ອມແປງເສັ້ນ ທາງສູ່ເຂດຜະລິດ ບ້ານຫ້ວຍເຮັ້ຍ ກຸ່ມທອງສີ ໂດຍ ເປັນປະທານຂອງ ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ.
ໂຄງການກໍ່ສ້າງ ແລະສ້ອມແປງເສັ້ນທາງໄປສູ່ເຂດຜະລິດ ບ້ານຫ້ວຍເຮັ້ຍເມືອງໂພນທອງ ແມ່ນທຶນສົມທົບຂອງລັດຖະບານ ມູນຄ່າການກໍ່ສ້າງ 373 ຮ້ອຍລ້ານກ່ວາກີບ, ໃນນີ້ ທຶນປະກອບສ່ວນຂອງຊຸມຊົນທັງໝົດ 13 ລ້ານກ່ວາກີບ ເສັ້ນທາງ ມີຄວາມຍາວ 5 ກ່ວາກິໂລແມັດ ກວ້າງ 3 ແມັດເຄີ່ງ, ໃນນັ້ນ ວາງທໍ່ລອດທາງທາງ 2 ຈຸດ ເລີ່ມລົງມືກໍ່ສ້າງ-ສ້ອມແປງ ແຕ່ວັນທີ 13 ມີຖຸນາ 2020 ມາຮອດ ວັນທີ 3 ກັນຍາ ປີ 2020 ໄດ້ສຳເລັດ 100% ໃຊ້ເວລາທັງໝົດ 78 ວັນ.
ບ້ານຫ້ວຍເຮັ້ຍ ຕັ້ງຢູ່ທາງທິດຕາເວັນອອກສຽງເໜືອຂອງເມືອງໂພນທອງ ຫາງຈາກເທດສະບານເມືອງປະມານ 25 ກິໂລແມັດ ມີທັງໝົດ 61 ຄອບຄົວ, ເປັນບ້ານປະສົມ ເຜົ່າມົ້ງ, ເຜົ່າລາວລຸມ ແລະເຜົ່າກຶມມຸ ມີພົນລະເມືອງທັງ ໝົດ 504 ຄົນ, ຍິງ 246 ຄົນ.

Cr: ສົມເພັດ ໄຊມີກອນ