ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທະນາຄານ ແຫ່ງ ສປປ ລາວ ແລະ ທະນາຄານການຄ້າຕ່າງປະເທດລາວມະຫາຊົນ ໄດ້ມອບເງິນສົດ ພາກສ່ວນລະ 500 ລ້ານກີບ ລວມທັງໝົດຈຳນວນ 1 ຕື້ກີບ ໃຫ້ລັດຖະບານລາວ

ທະນາຄານ ແຫ່ງ ສປປ ລາວ ແລະ ທະນາຄານການຄ້າຕ່າງປະເທດລາວມະຫາຊົນ ໄດ້ມອບເງິນສົດ ພາກສ່ວນລະ 500 ລ້ານກີບ ລວມທັງໝົດຈຳນວນ 1 ຕື້ກີບ ໃຫ້ລັດຖະບານລາວ ເພື່ອປະກອບສ່ວນນຳໃຊ້ເຂົ້າໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ19 ຢູ່ລາວ.


ພິທີມອບຮັບເງິນຄັ້ງນີ້ຈັດຂຶ້ນໃນຕອນບ່າຍວັນທີ 4 ພຶດສະພານີ້ ທີ່ສຳນັກງານນາຍົກລັດຖະມົນຕີ ກ່າວມອບໂດຍ ທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານ ແຫ່ງ ສປປ ລາວ ແລະ ທ່ານ ບົວວັນ ສີມະລີວົງ ຮອງຜູ້ອຳນວຍການທະນາຄານການຄ້າຕ່າງປະເທດລາວ ມະຫາຊົນ ຕາງໜ້າໃຫ້ລັດຖະບານກ່າວຮັບໂດຍ ຮອງສາດສະດາຈານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ທັງເປັນຮອງຫົວໜ້າຄະນະສະເພາະກິດຕ້ານ, ຄວບຄຸມ ແລະ ແກ້ໄຂພະຍາດໂຄວິດ19 ມີພະນັກງານກ່ຽວຂ້ອງເຂົ້າຮ່ວມ.

ໂອກາດນີ້ ດຣ ບຸນກອງ ສີຫາວົງ ໄດ້ຕາງໜ້າໃຫ້ລັດຖະບານ ສະແດງຄວາມຂອບໃຈມາຍັງສອງທະ ນາຄານທີ່ໄດ້ປະກອບສ່ວນສຳຄັນເຂົ້າໃນວຽກງານຕ້ານ, ຄວບຄຸມ ແລະແກ້ໄຂພະຍາດໂຄວິດ19 ແລະ ໃຫ້ຄຳໝັ້ນສັນຍາວ່າ ຈະນຳໃຊ້ເງິນຈຳນວນນີ້ເຂົ້າໃນວຽກງານທີ່ຈຳເປັນຢ່າງໂປ່ງໃສ ແລະ ເກີດຜົນປະ ໂຫຍດສຸງສຸດ ເພື່ອບັນເທົາຄວາມຫຍຸ້ງຍາກ ແລະ ແກ້ໄຂບັນຫາຕ່າງໆຕໍ່ວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ19ໃນປະເທດເຮົາໃຫ້ມີປະສິດທິພາບ.

   ສ່ວນທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານ ແຫ່ງ ສປປ ລາວ ແຈ້ງໃຫ້ຊາບວ່າ: ນອກ ຈາກການລະດົມບັນດາທະນາຄານທຸລະກິດທັງພາກລັດ ແລະ ເອກະຊົນ ທະນາຄານແຫ່ງສປປ ລາວຈະສືບຕໍ່ລະດົມທືນຈາກທຸກພາກສ່ວນໃນສັງຄົມຜ່ານບັນຊີຂອງທະນາຄານ ເພື່ອປະກອບສ່ວນ ແລະ ສະໜັບສະໜູນເຂົ້າໃນວຽກງານຕ້ານ, ຄວບຄຸມ ແລະ ແກ້ໄຂພະຍາດໂຄວິດ19ຕື່ມອີກ.