ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ທາງລົດໄຟລາວ-ຈີນ ຈາກບໍ່ເຕັນ-ນະຄອນວຽງຈັນ ໄດ້ຮັບລາງວັນວິສະວະກຳກໍ່ສ້າງປີ 2022-2023 (ໂຄງ ການຕ່າງປະເທດ) ແມ່ນລາງວັນທີ່ມີຄຸນນະພາບໃນໂຄງການກໍ່ສ້າງຂອງຈີນ.
ທ່ານ ລີຊົງ ຜູ້ຮັບຜິດຊອບພະແນກຈັດການ ໂຄງການກໍ່ສ້າງ ກຸ່ມບໍລີສັດທາງລົດໄຟຈີນ ບໍ່ເຕັນ-ນະຄອນຫລວງວຽງຈັນ ໄລຍະສັນຍາທີ FJSGⅡ ໄດ້ກ່າວວ່າ: ສະຖານີ ແມ່ນບ່ອນທີ່ສະແດງໃຫ້ເຫັນຄຸນລັກສະນະວັດທະນະທໍາ, ການເຊື່ອມໂຍງສະຖານີຕໍ່ເມືອງ ໄດ້ເຮັດໃຫ້ແຕ່ລະສະຖານີກາຍເປັນທຸລະກິດທ້ອງຖິ່ນ, ບໍລິສັດໄດ້ຮັບເໜົາກໍ່ສ້າງທາງລົດໄຟລາວ-ຈີນ ຢູ່ປະເທດຈີນ ແມ່ນສະຖານີຄຸນໝີງໃຕ້, ຢູ່ ສປປ ລາວ ສະຖານນີທີ່ໃຫຍ່ທີ່ສຸດແມ່ນສະຖານີນະຄອນຫລວງວຽງຈັນ.
ສ່ວນສະຖານີທີ່ມີວັດທະນາທຳອັນພິເສດແມ່ນສະ ຖານີຫລວງພະບາງ ແລະ ອີກ 13 ສະຖານີ ເຊິ່ງຮູບແບບການກໍ່ສ້າງມີລັກສະນະຮູບຊົງແບບວັດຊຽງທອງ, ຫໍພິພິທະພັນພະລາດຊະ ວັງ, ດອກຈຳປາ, ດອກໄມ້ປະຈຳຊາດລາວ ແລະ ມີຫລາຍເຄື່ອງ ໝາຍວັດທະນາທຳ ໄດ້ຖືກນຳໃຊ້ເພື່ອສ້າງເປັນຮ້ານວາງສະແດງວັດທະນະທຳທີ່ປະສົມປະສານວັດທະນະທຳ ແລະ ສິລະປະສະຖາ ປັດຕະຍະກຳຢ່າງເລິກເຊິ່ງ.
ທາງລົດໄຟລາວ-ຈີນ ບໍ່ເຕັນ-ນະຄອນຫລວງວຽງຈັນ
ມີຄວາມຍາວທັງໝົດ 414 ກິໂລແມັດ, ເປັນການລົງທຶນ ແລະ ການກໍ່ສ້າງຄັ້ງທຳອິດຂອງຈີນ ນັບແຕ່ສອງປະເທດໄດ້ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເຊິ່ງການກໍ່ສ້າງແມ່ນ ຜ່ານການ ຮັບຮອງມາດຕະ ຖານຈາກ ວິຊາການຂອງຈີນ, ນໍາໃຊ້ອຸປະກອນຂອງຈີນ ແລະ ການຮ່ວມມືກັບທາງລົດໄຟສາກົນໂດຍກົງ, ທາງລົດໄຟລາວ-ຈີນ ໄດ້ດຳເນີນໄປຢ່າງປອດໄພ ແລະ ໝັ້ນຄົງເປັນເວລາສອງປີກວ່າ, ໄດ້ສະສົມຜູ້ໂດຍສານເຖິງ 2.400 ລ້ານຄົນ ແລະ ຂົນສົ່ງສິນຄ້າ 2.900 ລ້ານກວ່າໂຕນ. ໃນນັ້ນ, ມີ 600 ລ້ານກວ່າໂຕນຂ້າມແດນ; ການຂົນສົ່ງກວມເອົາ 10 ປະເທດ ລວມ ສປປ ລາວ ແລະ ໄທ ເຊິ່ງເປັນການຊຸກຍູ້ການຮ່ວມມືດ້ານທຸລະກິດ ແລະ ການເຊື່ອມໂຍງທາງດ້ານວັດທະນະທຳ ແລະ ກາຍເປັນຊ່ອງທາງທອງຂອງສາກົນ ທີ່ເຊື່ອມຕໍ່ພາຍໃນ ແລະ ນອກປະເທດໃກ້ຄຽງ ໃຫ້ມີຜົນປະໂຫຍດເຊິ່ງກັນ ແລະ ກັນ.
ທາງລົດໄຟລາວ-ຈີນ ຍັງໄດ້ຜ່ານຜ່າບັນຫາທາງດ້ານວິຊາການການກໍ່ສ້າງຫລາຍດ້ານ, ອຸໂມງ, ທາງລົດໄຟໃນໂລກແຫ່ງທຳອິດ ມີນໍ້າໜັກຫລາຍກວ່າ 120.000 ໂຕນ, ອຸໂມງທີ່ມີນໍ້າຮົ່ວໄຫລ, ດິນເຈື່ອນທຸກບັນຫາ ໄດ້ຫັນປ່ຽນແຮງງານຈາກ “ດິນແດນສູ່ຜືນແຜ່ນດິນ”ໄດ້ກາຍເປັນ“ປະເທດເຊື່ອມຕໍ່ທາງບົກ” ແລະ ໄດ້ກາຍເປັນການຮ່ວມມືກໍ່ສ້າງຄຸນນະພາບສູງ “ໜຶ່ງແລວ ໜຶ່ງເສັ້ນທາງ” ແລະ ລົງເລິກການກໍ່ສ້າງຊຸມຊົນດ້ວຍພື້ນຖານໂຄງລ່າງ.
ທີ່ມາ: ຂປລ