ທິມບານເຕະ ເຍົາວະຊົນລາວ U-10 WIG NAGA ຂອງລາວສ້າງປະຫວັດສາດ ຄອງແຊ້ມໃນລາຍການ TAR Asia qualifies ທີ່ປະເທດໄທ ພ້ອມກັບໄດ້ເປັນຕົວແທນອາຊີ ເຂົ້າຮ່ວມຮອບສຸດທ້າຍ ທີ່ເມືອງບາເຊໂລນາ ປະເທດແອັດສະປາຍ ໃນປີ 2024.
ໃນຮອບຊີງຊະນະເລີດ, U-10 WIG NAGA ຂອງລາວ ພົບກັບ BANGDUNG LEGENG ປະເທດ ອິນໂດເນເຊຍ. ຜົນການແຂ່ງຂັນປະກົດວ່າ U-10 WIG NAGA ຂອງລາວ ສາມາດເອົາ ຊະນະ 4-1.
U-10 WIG NAGA ຂອງລາວສ້າງຜົນງານຢ່າງໂດດເດັ່ນໃນລາຍການ TAR Asia Qualifiers ທີ່ປະເທດໄທ ໃນລະຫວ່າງວັນທີ 15-17 ທັນວາ 2023 ທີ່ນະຄອນຫຼວງບາງກອກ ປະເທດໄທ ເພື່ອຄັດເລືອກໄປຮອບສຸດທ້າຍທີ່ປະເທດແອັດສະປາຍ 2024.
ສຳລັບຮອບຄັດເລືອກມີ 56 ທີມເຂົ້າຮ່ວມຊີງໄຊ, ແບ່ງອອກເປັນ 8 ກຸ່ມ ກຸ່ມລະ 7 ທີມ ໂດຍມີທີມຈາກ ໄທ ເຈົ້າພາບຮອບຄັດ ເລືອກ, ສປ ຈີນ, ຍີ່ປຸ່ນ, ມາເລເຊຍ, ອິນໂດເນເຊຍ, ສິງກະໂປ, ລາວ ແລະ ໄຕ້ຫວັນຂອງຈີຍ, ສໍາລັບ WIG NAGA ຢູ່ກຸ່ມ C ຮ່ວມກັບ ທີມຈາກໄທ 5 ທີມ ແລະ ທີມຈາກ ສປ ຈີນ 1 ທີມ.
ຜົນງານຂອງ WIG NAGA ແມ່ນ ຊະນະ 5 ແລະ ສະເໝີ 1 ຜ່ານເຂົ້າຮອບ 32 ທີມ ສາມາດຊະນະຈົນເຖິງຮອບຊີງຊະນະເລີດພົບກັບ ທີມອິນໂດເນເຊຍ ສາມາດເອົາຊະນະ 4-1 ໄດ້ແຊັມມາຄອງ ພ້ອມສິດໄປແຂ່ງຂັນຮອບສຸດທ້າຍທີ່ປະເທດແອັດສະປາຍໃນປີ2024 ໃນຖານະສະໂມສອນຕົວແທນຈາກອາຊີ.
ທີ່ມາ: WIG NAGA, ຂ່າວ: Larh Creators, ພາບ: Neung
