ທ່ານ ບຸນພະລັງ ວິໄລສັກ ຮອງເຈົ້າເມືອງໆປາກລາຍຜູ້ຊີ້ນຳວຽກ ງານຂົງເຂດ ວັດທະ ນະທໍາ-ສັງ ຄົມ ແລະ ທ່ານ ນາງ ແສງສາທິດ ແສງອາພອນ ຜູ້ອໍານວຍການຂອງວິທະຍາໄລເຕັກນິກ-ວິຊາຊີບ ແສງ ອາພອນ ພ້ອມຄະນະທີມງານໂຄງການຕ້ານໄພໜາວຂອງວິທະຍາໄລເຕັກນິກ-ວິຊາຊີບ ແສງອາພອນ ໄດ້ໄປມອບເຄື່ອງ ຊ່ວຍເຫລືອບັນເທົາທຸກ ແກ່ປະ ຊາຊົນຈຳນວນສອງບ້ານຄື:ບ້ານ ນາຄານຈຳນວນ 30 ຄອບຄົວແລະບ້ານຫ້ວຍງູຈໍານວນ 60 ຄອບຄົວແລະນັກຮຽນຊັ້ນປະຖົມຈຳນວນ100 ກ່ວາຄົນ ໃນວັນທີ 12-13 ທັນວາ 2020 ທັງສອງບ້ານນີ້ເປັນຫ່າງໄກສອກຫລີກຫ່າງຈາກເທດສະບານເມືອງໄປທາງທິດເໜືອປະມານ100ກ່ວາກິໂລແມັດບ້ານຫ້ວຍງູເປັນບ້ານຊົນເຜົ່າມົ້ງຍືດຖືອາຊີບປູກຝັງລ້ຽງສັດເປັນຕົ້ນຕໍ.
ໃນແຕ່ລະປີພໍ່ກ້າວເຂົ້້າລະດູໜາວທີມງານໂຄງການຕ້ານໄພໜາວຂອງວິທະຍາໄລເຕັກນິກ-ວິຊາຊີບ ແສງອາພອນ ໄດ້ເຄື່ອນໄຫວລົງມອບເຄື່ອງຊ່ວຍເຫລືອປະຊາຊົນຢູ່ສອງບ້ານນີ້ເປັນປະຈໍາ. ເຄື່ອງບັນເທົາໜາວທີ່ນໍາມາມອບຄັ້ງນີ້ປະກອບມີ: ຜ້າຫົ່ມ, ຜ້າຊົວ, ສົ້ງ-ເສື້ອ ກັນໜາວເດັກນ້ອຍ ແລະ ຜູ້ໃຫຍ່, ຖົງຕີນ ແລະ ອຸປະກອນການຮຽນ-ການສອນຈໍານວນໜຶ່ງ ລວມມູນຄ່າທັງ ໝົດ 50 ກ່ວາລ້ານກີບ, ນອກນີ້ ຍັງໄດ້ນໍາເອົາເຄື່ອງອຸປະໂພກ-ບໍລິໂພກ ເປັນຕົ້ນແມ່ນອາຫານແຫ້ງ ມອບ ໃຫ້ ພໍ່ແມ່ປະຊາຊົນໄວ້ແຮສຸກ ເສີນບັນເທົາທຸກຕໍ່ຄອບຄົວຕື່ມອີກ. ໂອກາດດັ່ງກ່າວທ່ານ ບຸນພະລັງ ວິໄລສັກ ຮອງເຈົ້າເມືອງໆປາກລາຍ ກໍ່ໄດ້ຮຽກຮ້ອງໃຫ້ພໍ່ແມ່ປະຊາຊົນຈົ່ງພ້ອມກັນເອົາໃຈໃສ່ເບິ່ງແຍງສຸຂະພາບໃຫ້ດີ, ໂດຍສະເພາະແມ່ນຜູ້ເຖົ້າ ແລະ ເດັກນ້ອຍ, ໃນໄລຍະທີ່ໜາວຈັດນີ້, ກໍ່ເພື່ອເປັນ ການແບ່ງປັນ ນໍ້າໃຈ ແບ່ງເບົາ ຄວາມສຸກທຸກ ໃຫ້ເພື່ອນມະນຸດ ດ້ວຍກັນ ທັງເປັນການ ສະແດງເຖິງ ຄວາມຫວ່ງໃຍ ຂອງການ ຈັດຕັ້ງ ທີ່ມີຕໍ່ພໍ່ແມ່ ປະຊາຊົນ ທີ່ດ້ອຍໂອກາດພ້ອມດຽວກັນຈົ່ງສືບຕໍ່ເກັບກູ້ຜົນຜະລິດໃຫ້ສໍາເລັດ ແລະ ທ່ວງທັນກັບລະດູການ, ສືບຕໍ່ປູກພືດລະດູແລ້ງຕາມຄວາມເໝາະສົມຂອງທ້ອງຖິ່ນ.

Loading...