ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທຸກບ້ານທົ່ວແຂວງ ບໍລິຄໍາໄຊ ໄດ້ຊົມໃຊ້ໄຟຟ້າແລ້ວ 100 %

ພິທີປະກາດຮັບຮອງເອົາບ້ານ ນໍ້າກູ້ ເມືອງ ວຽງທອງ ແຂວງ ບໍລິຄໍາໄຊ ເປັນບ້ານ ທີ່ໄດ້ຊົມໃຊ້ ໄຟຟ້າ 100%  ເປັນບ້ານ ສຸດທ້າຍ ພາຍໃນແຂວງ ບໍລິຄໍາໄຊ. ໄດ້ຈັດຂຶ້ນໃນຕອນເຊົ້າວັນທີ່ 18 ພຶດສະພາ 2020 ຢູ່ທີ່ເດີນໂຮງຮຽນປະຖົມບ້ານ ນໍ້າກູ້ ເມືອງ ວຽງທອງ ແຂວງ ບໍລິຄໍາໄຊ ພາຍໃຕ້ການເຂົ້າຮ່ວມຂອງທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິຄໍາໄຊ ມີບັນດາຕ່າງໜ້າພະແນກການທີ່ກ່ຽວຂ້ອງຂັ້ນແຂວງ – ເມືອງ . ບໍລິສັດທີ່ຮັບເໝົາໃນການກໍ່ສ້າງ ຕະຫຼອດຮອດ ອໍານາດການປົກຄອງຂັ້ນບ້ານ ພໍ່ແມ່ປະຊາຊົນພາຍໃນບ້ານເຂົ້າຮ່ວມ.

ໃນພິທີ່ ທ່ານ ຊຽງເພັດ ອີນທໍາມະວົງ ອໍານວຍການບໍລິສັດ. ວັນດີການໄຟຟ້າ ຈໍາກັດ ເຊິ່ງເປັນບໍລິສັດທີ່ຮັບເໝົາໃນການກໍ່ສ້າງ ໄດ້ລາຍງານສະພາຍລວມໂດຍຫຍໍ້ ໃນການຈັດຕັ້ງປະຕິບັດ ຄວາມຄືບໜ້າ ຂອງບັນດາວຽກງານໃນດ້ານຕ່າງໆ ໃນໄລຍຜ່ານມາຂອງ ໂຄງການດັ່ງກ່າວໃຫ້ກັບຜູ້ເຂົ້າຮ່ວມໄດ້ຮັບຊາບ.  ໂຄງການດັ່ງກ່າວໄດ້ເລີ່ມລົງມືຈັດຕັ້ງປະຕິບັດມາແຕ່ ທ້າຍປີ 2017 ບໍລິມາດຂອງການຈັດຕັ້ງປະຕິບັດໂຄງການປະກອບມີ ກໍ່ສ້າງຕາຂ່າຍໄຟຟ້າ 22 ກິໂລໂວນ ມີຄວາມຍາວ 13 ພັນ 100 ກວ່າແມັດ ກໍ້ສ້າງຕາຂ່າຍໄຟຟ້າ 0,4 ກິໂລໂວນມີຄວາມຍາວ 1 ພັນ 100 ກວ່າແມັດ ແລະ ຕິດຕັ້ງໝໍ້ແປງ 50 ກິໂລໂວນອໍາແປ 1 ຊຸດ ລວມມູນຄ່າໃນການກໍ່ສ້າງ 8 ຕື້ 271 ລ້ານກວ່າກີບ. ມາຮອດປະຈຸບັນ ບັນດາໜ້າວຽກທັງໝົດ ແມ່ນໄດ້ຈັດຕັ້ງປະຕິບັດ ຖືກຕ້ອງຕາມແຜນຜັງ – ສອດຄ່ອງກັບມາດຖານເຕັກນິກໄຟຟ້າລາວ ສະບັບເລກທີ່ 052/ອຫ ລົງວັນທີ 12 ກຸມພາ 2004 ແລະ ຈັດຕັ້ງປະຕິບັດສໍາເລັດ 100 %. ຂອງບັນດາໜ້ສວຍກທັງໝົດ.

ພ້ອມນີ້ບັນດາຄະນະທີປະທານທີ່ເຂົ້າຮ່ວມ ຍັງໄດ້ຜັດປ່ຽນກັນມີຄໍາເຫັນໂອ້ລົມຕໍ່ກັບພໍ່ແມ່ປະຊາຊົນ ເຊິ່ງກໍ່ຄືການໃຫ້ຄວາມຮູ້ພື້ນຖານ ໃນການຊົມໃຊ້ໄຟຟ້າຂອງພໍ່ແມ່ປະຊາຊົນ ຕະຫຼອດຮອດແນວທາງແຜນພັດທະນາເສດຖະກິດສັງຄົມຂອງແຂວງ ກໍ່ຄື ສ ປປລາວ ໄດ້ວາງໄວ້ໃນແຕ່ລະໄລຍະ.  ເພຶ່ອເປັນການຢັ້ງຢືນ ຜົນສໍາເລັດດັ່ງກ່າວ  ບໍລິສັດ ຜູ້ຮັບເໝົາກໍ່ສ້າງ ຍັງໄດ້ເຊັນມອບໂຄງການດັ່ງກ່າວໃຫ້ກັບ ພະແນກ ພະລັງງານ ແລະ ບໍ່ແຮ່ແຂວງ ບໍລິຄໍາໄຊ ໃນນາມເຈົ້າຂອງໂຄງການ ແລະ ພ້ອມກັນນັ້ນ ພະແນກພະລັງງານ ແລະ ບໍແຮ່ ແຂວງ ຍັງໄດ້ເຊັນມອບ ຕໍ່ໃຫ້ກັບລັດວິສາຫະກິດໄຟຟ້າລາວ ສາຂາແຂວງ ບໍລິຄໍາໄຊ  ເພຶ່ອຄຸ້ມຄອງ ແລະ ນໍາໃຊ້ໃຫ້ມີປະສິດທິຜົນສູງສຸດ. ຫຼັງຈາກນັ້ນບັນດາຄະນະປະທ່ານ ພ້ອມດ້ວຍແຂກທີ່ເຂົ້າຮ່ວມ ຍັງໄດ້ພ້ອມກັນ ລັ່ນຄ້ອງ 9 ບາດ ພ້ອມທັງເປີດສະວິດໄຟຟ້າ ເພຶ່ອເປັນສັນຍາລັກ ໃນການຢັ້ງຢືນ ໃຫ້ແກ່ການເປີດນໍາໃຊ້ໄຟຟ້າ ຢູ່ທີ່ ບ້ານ ນໍ້າກູ້ ເມືອງ ວຽງທອງ ເຊິ່ງເປັນບ້ານ ສຸດທ້າຍຂອງແຂວງ ບໍລິຄໍາໄຊ ຢ່າງເປັນທາງການ.  ແລະ ເນື່ອງໃນໂອກາດທີ່ທ່ານເຈົ້າແຂວງ ໄດ້ເຂົ້າຮ່ວມພິທີເປີດການນໍ້າໃຊ້ໄຟຟ້າຢູ່ທີ່ບ້ານ ນໍາກູ້ ໃນຄັ້ງນີ້ ທ່ານຍັງໄດ້ນໍາເອົາ ເຄື່ອງນຸ່ງຫົ່ມ ປື້ມຂຽນ ປື້ມແບບຮຽນຊັ້ນປະຖົມ  ແລະ ອຸປະກອນການຫຼິ້ນກິລາ ມາມອບໃຫ້ກັບຄູອາຈານ ພໍ່ແມ່ປະຊາຊົນ ພາຍໃນບ້ານ ພ້ອມທັງຈັດຕັ້ງ ການບໍລິການ ກວດກາສຸຂະພາບແບບບໍ່ເສຍຄ່າບໍລິການ ໃຫ້ກັບພໍ່ແມ່ປະຊາຊົນພາຍໃນບ້ານດັ່ງກ່າວຕື່ມອີກ.

ຂ່າວ: ສຸກທະວີ.