ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທຸກອຸໂມງຕາມເສັ້ນທາງໂຄງການລົດໄຟລາວ-ຈີນໄດ້ຊີເຈາະທະລຸສໍາເລັດຢ່າງສົມບູນ

ອີງຕາມຂໍ້ມູນຂອງບໍລິສັດທາງລົດໄຟລາວ-ຈີນ ຈຳກັດ ໃຫ້ຮູ້ວ່າ ໃນເວລາປະມານ 10 ໂມງຂອງວັນທີ 29 ກັນຍາ 2020, ສຽງລະເບີດຂອງການເຈາະອຸໂມງ ດັງກ້ອງສະໜັ່ນໄປທົ່ວບໍລິເວນ ນັ້ນແມ່ນໂຄງການຈຸດສຸມຂອງໂຄງການລົດໄຟລາວ-ຈີນ ໄດ້ສໍາເລັດການເຈາະທະລຸອຸໂມງຂຽງເງິນເລກ 3 ທີ່ແຂວງຫລວງພະບາງ.

ມາຮອດປັດຈຸບັນ ອຸໂມງທັງ 75 ແຫ່ງຕະຫຼອດແລວທາງລົດໄຟລາວ-ຈີນ ໄດ້ສຳເລັດການຊີເຈາະທະລຸຢ່າງປອດໄພ ເຊິ່ງການຊີເຈາະອຸໂມງຕາມແລວທາງນີ້ເປັນປັດໄຈສຳ ຄັນຫຼາຍ ຕໍ່ໂຄງການລົດໄຟລາວ-ຈີນ ໃນທີ່ສຸດມາຮອດປັດ ຈຸບັນໄດ້ສຳເລັດການຊີເຈາະທະລຸທົ່ວທຸກອຸໂມງຢ່າງສົມບູນ ເຊິ່ງເປັນຂີດໝາຍລໃຫ້ຮູ້ວ່າ ໂຄງການລົດໄຟລາວ-ຈີນ ໄດ້ສຳເລັດວຽກງານວິສະວະກຳໂຍທາອັນຍິ່ງໃຫຍ່ ແລະຈະກ້າວເຂົ້າສູ່ການສຸມໃສ່ວຽກງານຕິດຕັ້ງລາງຢ່າງຕັ້ງໜ້າ ແລະຈະຫັນຈາກວຽກງານກໍ່ສ້າງມາເປັນວຽກງານຄຸ້ມຄອງການດຳເນີນການ.

ໂຄງການລົດໄຟລາວ-ຈີນ ເລີ່ມແຕ່ບໍ່ເຕນ ແຂວງຫຼວງນໍ້າທາ ເຊິ່ງເປັນຊາຍແດນລາວ-ຈີນ ໃນພາກເໜືອຂອງ ສປປ ລາວ, ມຸ່ງໜ້າລົງມາທາງໃຕ້ ກໍ່ຄືນະຄອນຫລວງວຽງ ຈັນ, ຄວາມຍາວຂອງເສັ້ນທັງໝົດແມ່ນ 422.4 ກີໂລແມັດ, ສ່ວນໃຫຍ່ເສັ້ນທາງຕັ້ງຢູ່ເຂດຮອຍຕໍ່ຂອງພື້ນໃຕ້ດິນ, ພູເຂົາສູງຊັນ, ສາຍນໍ້າໄຫຼແຮງ, ສະພາບທໍລະນີສາດສັບຊ້ອນ, ມີການເຄື່ອນໄຫວຢູ່ໃຕ້ດິນຢ່າງຮຸນແຮງ, ຊັ້ນຫີນສັບຊ້ອນ, ມີນໍ້າອອກບໍ່, ໂພງດິນ, ໂພງຫີນ ຢູ່ຫລາຍຈຸດ. ນອກນັ້ນ, ເສັ້ນທາງລົດໄຟລາວ-ຈີນ ຍັງຜ່ານແມ່ນໍ້າຂອງສອງຈຸດ ແລະ ຜ່ານເຂດທີ່ບໍ່ມີປະຊາຊົນອາໄສຢູ່ສອງຈຸດ ເປັນໄລຍະທາງຫຼາຍກວ່າ 60 ກີໂລແມັດ.

ໂຄງການທາງລົດໄຟລາວ-ຈີນ ໄດ້ເລີ່ມການກໍ່ສ້າງໃນເດືອນທັນວາ ປີ 2016, ບັນດາວິສາຫະກິດ ແລະຜູ້ກໍ່ສ້າງທີ່ເຂົ້າຮ່ວມການກໍ່ສ້າງໂຄງການ ທັງຈາກ ສປປ ລາວ ແລະ ສປ ຈີນ ໄດ້ຜ່ານຜ່າຄວາມຫຍຸ້ງຍາກຫຼາຍດ້ານ ເປັນຕົ້ນແມ່ນການຈັດສັນຊັບພະຍາກອນ, ວຽກງານຍົກຍ້າຍ ແລະເວນຄືນ, ການນຳເຂົ້າວັດສະດຸອຸປະກອນ ແລະເຄື່ອງຈັກ ແລະບວກໃສ່ໄລຍະທີ່ມີການແຜ່ລະບາດຂອງໂຄວິດ-19 ຂອງປີນີ້ ແຕ່ວຽກງານການກໍ່ສ້າງຍັງມີຄວາມຄືບໜ້າຢ່າງຕໍ່ເນື່ອງ. ເພື່ອແກ້ໄຂບັນຫາຄວາມຂາດແຄນແຮງງານ, ວັດສະດຸ, ແລະການຄຸ້ມຄອງຄຸນນະພາບ ແລະຄວາມປອດໄພ ຈຶ່ງໄດ້ມີການເຮັດວຽກທີ່ໜັກຂຶ້ນ ທັງປະ ສານສົມທົບ ແລະສຸມໃສ່ການຈັດສັນຊັບພາຍາກອນເຂົ້າໃນບັນດາໂຄງການຈຸດສຸມກໍ່ຄື ອຸໂມງ ແລະເສົາຂົວ ທີ່ຈະມີຜົນກະທົບຕໍ່ແຜນການວາງຂາງຂົວ ແລະລາງ ໂດຍອີງຕາມລໍາດັບຄວາມສຳຄັນຂອງແຕ່ລະໜ້າວຽກ.

ປະຈຸບັນ ວຽກງານໂຄງການທາງລົດໄຟລາວ-ຈີນ ມີຄື ການກໍ່ສ້າງອຸໂມງແມ່ນສຳເລັດແລ້ວ, ການວາງລາງສຳເລັດ 32% ກວມເອົາ 148 ກິໂລແມັດ, ອາຄານສະຖານີນາເຕີຍໄດ້ສຳເລັດການເທຫລັງຄາ, ສະຖານີໂພນໂຮງ ແລະ ສະຖາ ນີກາສີ ແມ່ນໃກ້ຈະໄດ້ເທຫລັງຄາ. ຫລັງຈາກການແຜ່ລະບາດຂອງພະຍາດໂຄວິດ-19 ໃນລາວ ແລະໃນຈີນ ຜ່ອນຄາຍລົງ ຍິ່ງເຮັດໃຫ້ການກໍ່ສ້າງມີຄວາມຄືບໜ້າຢ່າງຕໍ່ເນື່ອງ ແລະຍັງໄດ້ຮັບຂ່າວດີເປັນປະຈຳ.

ໂຄງການລົດໄຟລາວຈີນເປັນໂຄງການຍຸດທະສາດຂອງ “ໜຶ່ງແລວ ໜຶ່ງເສັ້ນທາງ” ຂອງ ສປ ຈີນ ເປັນຍຸດທະສາດ ຂອງ ສປປ ລາວ ໃນການ “ຫັນປະເທດທີ່ບໍ່ມີທາງອອກສູ່ທະເລ ເປັນປະເທດເຊື່ອມຈອດ”. ໂຄງການລົດໄຟລາວຈີນ ກໍ່ສ້າງຕາມມາດຕະຖານການຄຸ້ມຄອງ ແລະເຕັກນິກ ຂອງ ສປ ຈີນ, ດ້ວຍການອອກແບບຄວາມໄວ 160 ກິໂລແມັດຕໍ່ຊົ່ວໂມງ, ລົດໄຟໂດຍສານ ແລະລົດໄຟຂົນສົ່ງສິນຄ້າແລ່ນດ້ວຍໄຟຟ້າ ຄາດວ່າຈະສຳເລັດການກໍ່ສ້າງ ແລະເປີດໃຫ້ບໍລິການໃນເດືອນ ທັນວາ ປີ 2021.

ຂ່າວ: CRI-FM93