ທູດລາວ ມອບໜັງສືຜ່ານແດນໃຫ້ແກ່ນັກກິລາ ເຊື້ອຊາດລາວ ເພື່ອເຂົ້າຮ່ວມແຂ່ງຂັນ ຊີເກມ ຄັ້ງທີ 31 ທີ່ ສສ ຫວຽດນາມ

ໃນວັນທີ 27 ເມສາ 2022 ໂດຍຕາງໝ້າໃຫ້ສະຫະພັນມວຍລາວ ແລະ ສະຫະພັນເທັນນິດ ແຫ່ງ ຊາດລາວ ສະຖານເອກອັກຄະລັດຖະທູດ ສປປ ລາວ ປະຈໍາປະເທດ ຝຣັ່ງ; ທ່ານ ຄໍາອິນ ຄິດຈະເດດ, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສປປ ລາວ ປະຈໍາປະເທດຝຣັ່ງ ໄດ້ມອບປື້ມຜ່ານແດນ ( Passeport ) ໃຫ້ແກ່: ທ່ານ ມິກ ເລຣດກວຽກ ສະເດັດຕັນ, ນັກກິລາເທັນນິດ ອາຊີບທີ່ຕິດຢູ່ໃນອັນດັບທີ່ດີຂອງໂລກ ແລະ ທ່ານ ດີມີຕຣີ ກິດຕະນະ ສີລາລັກ, ນັກກິລາ ຄິງບ໋ອກຊິງ ທີ່ຕິດອັນດັບຂອງປະເທດຝຣັ່ງເພື່ອກະກຽມເຂົ້າຮ່ວມຮັບໃຊ້ທີມຊາດລາວໃນຊີເກມ ຄັ້ງທີ 31 ທີ່ຈະຈັດຂື້ນທີ່ ສສ ຫວຽດນາມ ເປັນເຈົ້າພາບໃນເດືອນ ພຶດສະພາ ທີ່ຈະມາເຖິງນີ້:

ທ່ານ ມິກ ເລຣດກວຽກ ສະເດັດຕັນ ແມ່ນລູກຫຼານວົງຄະນາຍາດເຊື້ອຊາດລາວເຮົາທີ່ດໍາລົງຊີວິດຢູ່ປະເທດຝຣັ່ງ, ມິກ ເກີດເມືອວັນທີ 20/ 06/1993 ທີ່ ເມືອງ champs-sur-marne ແລະ ໄດ້ເລີ່ມຕົ້ນຮຽນຫຼີ້ນ ກິລາເທັນນິດ ນັບແຕ່ອາຍຸພຽງ 5 ປີ ໂດຍໄດຮັບການສະໝັບສະໝູນຈາກຜູ້ເປັນພໍ່ ແລະ ໄດ້ເຂົ້າໂຮງຮຽນຝຶກສອນເທັນນິດອາຊີບຈົນໄດ້ຕິດທີມຊາດຂອງປະເທດຝຣັ່ງ ຈົນກາຍ ເປັນນັກກິລາອາຊີບໃນປະຈຸບັນ ແມ່ນມີການແຂ່ງຂັນຈັດອັນດັບຂອງໂຕເອງຕະຫຼອດໃນຂອບເຂດເອີຣົບ ແລະ ທະວີບອື່ນໆ. ນັບວ່າເປັນຄັ້ງທໍາອິດທີ່ ມິກ ເລຣດກວຽກ ສະເດັດຕັນ ໄດ້ຖຶກຄັດ ເລືອກເຂົ້າຮ່ວມສະຫະພັນເທັນ ນິດແຫ່ງຊາດ ເພື່ອເຂົ້າຮ່ວມແຂ່ງຂັນໃນງານມະຫາກໍາກິລາຊີເກມ ຄັ້ງທີ 31 ທີ່ ສສ ຫວຽດ ນາມ ໂດຍມີແຜນການຈະບີນເຂົ້າໄປ ສປປ ລາວ ຝຶກຊ້ອມຮ່ວມກັບສະຫະພັນເທັນນິດກ່ອນການແຂ່ງຂັນໃນ 1 ອາທິດກ່ອນການແຂ່ງຂັນ.

ທ່ານ ດີມີຕຣີ ກິດຕະນະ ສີລາລັກ ແມ່ນລູກຫຼານວົງຄະນາຍາດເຊື້ອຊາດລາວເຮົາທີ່ດໍາລົງຊີວິດຢູ່ປະເທດຝຣັ່ງ, ດີມີຕຣີ ກິດຕະນະ ສີລາລັກ ເກີດເມືອວັນທີ 7/ 11 /1991 ທີເມືອງ Roubaix ຢູ່ທາງພາກເໝືອຂອງປະເທດຝຣັ່ງ ຜູ້ກ່ຽວແມ່ນນັກກິລາມວຍຄິງ ບ໋ອກຊິງ ອາຊີບໃນລຸ້ນ 63 ກິໂລ ກະລາມ ຜູ້ກ່ຽວແມ່ນມີການເຄື່ອນໄຫວຝຶກຊ້ອມໃນການຫລີ້ນກິລາຄິງບ໋ອກຊິງແມ່ນໄດ້ດໍາເນີນການຝືກຊ້ອມມາແຕ່ຕອນອາຍຸຍັງນ້ອຍໆ ແລະ ໄດ້ເຂົ້າຮ່ວມແຂ່ງຂັນເປັນກິລາອາຊີບ.

ໃນໂອກາດດັ່ງກ່າວທ່ານເອກອັກຄະລັດຖະທູດ ຄໍາອິນ ຄິດຈະເດດ ໄດ້ກ່າວຍ້ອງຍໍຊົມເຊີຍຜູ້ເປັນພໍ່ແມ່ ແລະ ນັກກິລາທັງສອງທ່ານ ລວມໄປເຖິງຍາດຕິພີ່ນ້ອງ ທີ່ມີນໍ້າໃຈຮັກເຊື້ອແພງຊາດ ຍາກປະກອບສ່ວນເຂົ້າໃນຂົງເຂດທາງດ້ານກິລາເພື່ອພັດທະນາວົງການກິລາລາວອິກອັນໜື່ງເພື່ປະກອບ

ສ່ວນ ເປັນເຫື່ອແຮງອັນສໍາຄັນໃຫ້ສະຫະພັນ ແລະ ຖ່າຍທອດສັກສະປະສົບການຫຼາຍໆດ້ານ ໃຫ້ແກ່ເພື່ອຮ່ວມສະຫະພັນດຽວກັນ, ເພື່ອນໍາພາສະຫະພັນ ກໍຄືທີມຊາດລາວເຮົາກ້າວໄປໃນລະດັບທີ່ດີກ່າວເກົ່າ, ຫຼັງຈາກນັ້ນທ່ານທູດກໍ່ໄດ້ເຊີນຮ່ວມຮັບປະທານອາ ຫານທ່ຽງຮ່ວມກັນກັບພະນັກງານສະຖານທູດ ແລະ ພົບປະໂອ້ລົມກັນຕາມອັດທະຍາໃສແບບເປັນກັນເອງ.

ຂ່າວ;ພາບ: ກົມການຂ່າວ ກະຊວງການຕ່າງປະເທດ