ກອງປະຊຸມທົບທວນແຜນວຽກງານການຮ່ວມມື ລະຫວ່າງ ລັດຖະບານລາວ ແລະ ອົງການສະຫະປະຊາຊາດ ເພື່ອການພັດທະນາ ຫລື UNDP ປະຈໍາປີ 2023 ແລະ ວຽກງານແຜນບູລິມາສິດ ປະຈໍາປີ 2024 ຈັດຂຶ້ນໃນຕອນເຊົ້າວັນທີ 15 ພຶດສະພາ 2024 ທີ່ໂຮງແຮມຄຣາວພຣາຊາ ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມຂອງທ່ານ ນາງ ພອນວັນ ອຸທາວົງ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ນາງ ມາຕິນ ເທີເຣີ ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ ປະຈໍາ ລາວ, ມີ ຫົວໜ້າກົມ ຮອງກົມ ພ້ອມດ້ວຍຕາງໜ້າຈາກກະຊວງ, ຂະແໜງການທີ່ກ່ຽວຂ້ອງໃນນາມຜູ້ຈັດຕັັ້ງປະຕິບັດແຜນງານການຮ່ວມມື ທີ່ໄດຮັບການສະໜັບສະໜນຈາກ ອົງການສະຫະປະຊາຊາດເພື່ອການພັດທະນາ ແລະ ພາກສ່ວນກ່ຽວຂ້ອງເຂົ້າຮ່ວມ
ທ່ານ ນາງ ພອນວັນ ອຸທາວົງ ຮອງລັດຖະມົນຕີກະຊວງແຜນການ ແລະ ການລົງທຶນມີຄໍາເຫັນວ່າ: ແຜນງານການຮ່ວມມືລະຫວ່າງ ລັດຖະບານລາວ ແລະອົງການສະຫະປະຊາດ ເພື່ອການພັດທະນາ ໄດ້ສັ້າງຂຶ້ນພາຍໃຕ້ຂອບການຮ່ວມມື ລະຫວ່າງ ລາວ ແລະ ອົງການສະຫະປະຊາດ ເພື່ອການພັດທະນາ ຫລື UNDCF ໄລຍະປີ 2022 ຫາ 2026 ເຊິ່ງປະກອບມີ 3 ຜົນໄດ້ຮັບຄື: ຜົນໄດ້ຮັບຈາກຄວາມຈະເລີນຮຸ່ງເຮືອງຢ່າງທົ່ວເຖິງ, ຜົນໄດ້ຮັບຈາກສິ່ງແວດລ້ອມ, ການປ່ຽນແປງດິນຟ້າອາກາດ ແລະ ການປັບຕົວ,ຜົນໄດ້ຮັບຈາກການປົກຄອງ ແລະ ລະບຽບກົດໝາຍ; ສໍາລັບປີ 2023 ຜ່ານມານີ້ແມ່ນປີທີ່ 2 ຂອງຈັດຕັັ້ງປະຕິບັດແຜນງານການຮ່ວມມືດັ່ງກ່າວ ຜ່ານການຈັດຕັັ້ງປະຕິບັດໃນໄລນຍະຜ່ານມາ ເຫັນວ່າແຕ່ລະແຜນງານກໍ່ໄດ້ເອົາໃຈໃສ່ສູ້ຊົນຈັດຕັັ້ງປະຕິບັດແຜນປະຈຳປິ 2023 ແລະ ສ້າງແຜນວຽກປະຈຳປີ 2024 ຂອງແຕ່ລະແຜນງານ, ກອງປະຊຸມຄັັ້ງນີ້ ຜູ້ເຂົ້າຮ່ວມຈະໄດ້ຮັບຟັງການລາຍງານຜົນຂອງການຈັດຕັັ້ງປະຕິບັດບັນດາ 3 ຜົນໄດ້ຮັບ ເປັນຕົ້ນ: ແມ່ນ ການລາຍງານຄວາມຄືບໜັ້າ, ສິ່ງທັ້າທາຍ, ຂໍ້ສະດວກ, ຫຍຸ້ງຍາກ ແລະ ບົດຮຽນທີ່ຖອດຖອນໄດ້ໃນການຈັດຕັັ້ງປະຕິບັດແຜນງານໃນປີ 2023 ທີ່ຜ່ານມາ ແລະ ກົນໄກໃນການຈັດຕັັ້ງປະຕິບັດແຜນງານປະຈໍາປີ 2024 ທີ່ສອງຝ່າຍມີການຮ່ວມມືກັນ
ຮອງລັດຖະມົນຕີກະຊວງແຜນການ ແລະ ການລົງທຶນມີຄໍາເຫັນຕື່ມວ່າ: ໃນນາມສ່ວນຕົວກໍ່ຄືລັດຖະບານລາວເຊື່ອໝັັ້ນວ່າ ບັນດາທ່ານຜູ້ຕາງໜັ້າຈາກພາກສ່ວນຈັດຕັັ້ງປະຕິບັດແຜນງານ, ໂຄງການ ຈະພັ້ອມກັນປຶກສາຫາລື ຢ່າງກົງໄປກົງມາ ເພື່ອຫາວິທີທາງປັບປຸງແກ້ໄຂບັນດາຂໍ້ຄົງຄ້າງຕ່າງໆ ໃຫ້ທັນການຮ່ວມກັບອົງການສະຫະປະຊາຊາດ ເພື່ອການພັດທະນາ, ເຮັດແນວໃດໃຫ້ທັງສອງຝ່າຍຂອງການຮ່ວມມື ສາມາດບັນລຸຕາມແຜນທີ່ໄດ້ວາງໄວ້ ແລະ ຮັບປະກັນໄດ້ໃນການຈັດຕັັ້ງປະຕິບັດແຜນງານການຮ່ວມມື ລະຫວ່າງລັດຖະບານລາວ ແລະ ອົງການສະຫະປະຊາຊາດ ເພື່ອການພັດທະນາ 2022 ຫາ 2026 ໃຫ້ມີປະສິດທິພາບ ແລະ ປະສິດທິຜົນ ເພື່ອປະກອບສ່ວນຈັດຕັັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັັ້ງທີ 9 ໃຫ້ມີຜົນສໍາເລັດຢ່າງສູງສຸດ.
