ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພົນເອກ ວິໄລ ຫລ້າຄໍາຟອງ, ຮອງນາຍົກລັດຖະມົນຕີ, ລັດ ຖະມົນຕີກະຊວງປ້ອງກັນສາມສະຫງົບ ໄດ້ຕອບຄໍາຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ໃນວັນທີ 14 ມິຖຸນາ 2024 ໂດຍທ່ານໃຫ້ຮູ້ກ່ຽວກັບການສູ້ຊົນສ້າງບ້ານປອດຢາເສບຕິດ ໃຫ້ໄດ້ 80% ຂອງບ້ານທົ່ວປະເທດ; ສໍານັກງານ, ອົງການຈັດຕັ້ງພັກ-ລັດ, ບັນດາຂະແໜງການ, ກົມກອງ ກໍາລັງປະກອບອາວຸດ ສູ້ຊົນສ້າງ ເປັນສໍານັກງານ, ອົງການປອດຢາເສບຕິດ ໃຫ້ໄດ້ 100%; ໂຮງຮຽນ, ສະຖາບັນການສຶກສາ ສູ້ຊົນ ສ້າງເປັນຫົວ ໜ່ວຍປອດຢາເສບຕິດ ໃຫ້ໄດ້ 95% ຂຶ້ນໄປ” ວ່າ:
ເພື່ອເຮັດໃຫ້ທິດທາງແຜນການ, ໂດຍສະເພາະ ຄາດໝາຍ ທີ່ກຳນົດໄວ້ໃນມາດ ຕາ 2, ຂໍ້ 4 ຂອງມະຕິຂອງສະພາແຫ່ງຊາດ ສະ ໄໝສາມັນ ເທື່ອທີ 6 ສະບັບເລກທີ 110/ສພຊ, ລັດຖະ ບານ ກໍ່ຄືກະຊວງ ປ້ອງກັນຄວາມສະຫງົບ ໄດ້ເອົາໃຈໃສ່ເພີ່ມທະວີຄວາມຮັບຜິດຊອບ ແລະ ຄວາມສາມາດໃນການນໍາພາ-ຊີ້ນໍາ ຮ່ວມກັບພາກສ່ວນກ່ຽວຂ້ອງ ຈັດຕັ້ງຂະບວນການແຂ່ງຂັນສ້າງໂຮງຮຽນ ປອດຢາເສບຕິດ, ບ້ານປ້ອງ ກັນຄວາມສະຫງົບດີ, ບ້ານປອດຢາເສບຕິດ, ບ້ານປອດຄະດີ.
ປະຈຸບັນ ມີບ້ານປອດຢາເສບຕິດ 2.797 ບ້ານ, ໂຮງຮຽນປອດຢາເສບຕິດ 8.387 ໂຮງຮຽນ, ມີບ້ານຄູ່ຂະ ໜານສີຂາວ ປອດຢາເສບຕິດ ຕາມຊາຍແດນ 20 ບ້ານ (ກັບປະເທດໄທ ມີ 17 ບ້ານ, ກັບປະເທດ ກຳປູເຈຍ ມີ 03 ບ້ານ) ແລະ ພວມສືບຕໍ່ສົມທົບກັບພາກສ່ວນກ່ຽວຂ້ອງລົງໂຄສະນາ ເພື່ອສືບຕໍ່ສ້າງບ້ານ, ສ້າງໂຮງ ຮຽນ, ສ້າງສະຖາບັນການສຶກສາ ແລະ ກົມກອງຕ່າງໆ ໃຫ້ປອດຢາເສບຕິດ ແລະ ໃຫ້ມີເງື່ອນໄຂມາດຕະຖານຄັກ ແນ່; (ຂໍ້ມູນສະຖິຕິຕົວເລກດັ່ງກ່າວແມ່ນໄດ້ຮັບການ ລາຍງານຈາກທ້ອງຖິ່ນ ແລະ ພາກສ່ວນກ່ຽວຂ້ອງ).
ສໍາລັບການສ້າງຈຸດສະກັດກັ້ນ ແລະ ຕ້ານຢາເສບຕິດ; ກະຊວງ ປ້ອງກັນຄວາມສະຫງົບ ໄດ້ເປີດນໍາໃຊ້ອາຄານຈຸດກວດກາຢາເສບ ຕິດເພີ່ມຕື່ມ ທີ່ບ້ານສາມັກຄີໄຊ, ເມືອງທ່າພະບາດ, ແຂວງບໍລິຄໍາໄຊ 01 ຈຸດ ແລະ ໄດ້ມີຫ້ອງການ ຫຼື ຈຸດກວດກາອັດປ່ອງຂ້າມລອຍຢາເສບຕິດ 05 ຈຸດ (ໃນນີ້, ຢູ່ແຂວງບໍ່ແກ້ວ ມີ 02 ຈຸດ, ແຂວງຫຼວງນໍ້າທາ, ອຸດົມໄຊ ແລະ ບໍລິຄຳໄຊ ແຂວງລະ01 ຈຸດ; ແຕ່ລະຈຸດ ໄດ້ນໍາໃຊ້ໝາວິຊາສະເພາະ ແລະ ເຄື່ອງມືເຕັກນິກຈໍານວນໜຶ່ງ ເຂົ້າໃນການກວດກາຫາຢາເສບຕິດ); ນອກນັ້ນ, ຍັງມີສູນປະສານງານແມ່ນໍ້າຂອງປອດໄພ, ສູນປະສານງານແມ່ນໍ້າຂອງ-ແມ່ນໍ້າລ້ານຊ້າງ 01 ຈຸດ ແລະ ມີຫ້ອງການປະສານງານຕາມຊາຍແດນ (BLO) ອີກ 22ຈຸດ ເພື່ອສະກັດກັ້ນການລັກລອບລໍາລຽງ, ຂົນສົ່ງຢາເສບຕິດ ແລະ ສານເຄມີຕົ້ນ.
ທ່ານໃຫ້ຮູ້ຕື່ມວ່າ: ໃນຕໍ່ໜ້າ, ໂດຍໄດ້ຮັບການຊ່ວຍເຫຼືອຈາກບັນດາປະເທດເພື່ອນມິດສາກົນ ຈະໄດ້ສ້າງຈຸດກວດກາສະກັດກັ້ນການລັກລອບຂົນສົ່ງຢາເສບຕິດ ແລະ ສານເຄມີຕົ້ນຈາກ ພາກເໜືອຂອງລາວ ຜ່ານໄປພາກເໜືອຂອງປະເທດເພື່ອນບ້ານ (ເສັ້ນທາງບໍ່ແກ້ວ-ໄຊຍະບູລີ); ໂດຍໄດ້ກໍ່ສ້າງຈຸດກວດກາ (ຫໍ ຄອຍ) ຢູ່ດ່ານເມືອງປາກທາ, ແຂວງບໍ່ແກ້ວ ແລະ ຈຸດກວດກາເຂດບ້ານຫ້ວຍເຜິ້ງ, ເມືອງເງິນ, ແຂວງໄຊຍະບູລີ (ເນື່ອງຈາກກຸ່ມຄ້າຂາຍຢາເສບຕິດ ໄດ້ມີການປັບປ່ຽນເສັ້ນ ທາງລັກລອບຂົນ ສົ່ງ); ຕໍ່ກັບພື້ນທີ່ສ່ຽງທີ່ມີການຂົນສົ່ງ-ເຄື່ອນຍ້າຍຢາເສບຕິດຈາກປະເທດໃກ້ຄຽງ ຜ່ານເຂົ້າເສັ້ນທາງເມືອງລອງ, ແຂວງຫຼວງນໍ້າທາ ແລະ ເມືອງມິງ, ແຂວງບໍ່ແກ້ວ; ກະຊວງ ປກສ ໄດ້ຄົ້ນຄວ້າ, ສົມທົບກັບທະຫານຊາຍແດນ ເພື່ອມີມາດຕະການສະກັດກັ້ນ ເພາະເປັນເສັ້ນທາງໃໝ່ ທີ່ພວກຄົນບໍ່ດີນໍາໃຊ້ຫຼົບຫຼີກ.
อาจเป็นรูปภาพของ 1 คน, แท่นบรรยาย และ ข้อความ