ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນການດໍາເນີນກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ຕອນບ່າຍວັນທີ 12 ມິຖຸນາ 2024 ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ຂຶ້ນລາຍງານກ່ຽວກັບວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ຢູ່ ສປປ ລາວ ນັບແຕ່ປີ 2021-2023. ທ່ານໃຫ້ຮູ້ວ່າ: ມາຮອດປີ 2023 ທົ່ວປະເທດມີ: ຄອບຄົວພົ້ນທຸກ 1.026.083 ຄອບ ຄົວ, ກວມ 83,13%, ຄອບຄົວບໍ່ພົ້ນທຸກຍັງເຫຼືອ 208.231 ຄອບຄົວ ກວມ 16,87% ຂອງຈໍານວນຄອບຄົວທັງໝົດ.
ສ່ວນ ບ້ານພົ້ນທຸກ 5.855 ບ້ານ ກວມ 69,69%, ບ້ານບໍ່ພົ້ນທຸກຍັງເຫຼືອ 2.547 ບ້ານ ກວມ 30,31% ຂອງຈໍານວນບ້ານທັງໝົດໃນທົ່ວປະເທດ. ສໍາລັັບ ເມືອງພົ້ນທຸກ 71 ເມືອງ ກວມ 48 %, ເມືອງບໍ່ພົ້ນທຸກຍັງເຫຼືອ 77 ເມືອງ ກວມ 52% ຂອງຈໍານວນເມືອງທັງໝົດໃນທົ່ວປະເທດ; ຄອບຄົວພັດທະນາ 841.454 ຄອບຄົວ ກວມ 68,17% ຂອງຈໍານວນຄອບຄົວທັງໝົດ; ບ້ານພັດທະນາ 2.828 ບ້ານ ກວມ 33,66% ຂອງຈໍານວນບ້ານທັງໝົດ; ບ້ານໃຫຍ່ເປັນຕົວເມືອງໃນຊົນນະບົດ 31 ຈຸດ ແລະ ມີເມືອງເຂັ້ມແຂງຮອບດ້ານ 9 ເມືອງ ກວມ 6,08% ຂອງຈໍານວນເມືອງ ທັງໝົດໃນທົ່ວປະເທດ.
ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໃຫ້ຮູ້ຕື່ມວ່າ: ໃນໄລຍະຜ່ານມາ ລັດຖະບານ ຈັດສັນງົບປະມານເຂົ້າໃສ່ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນແຕ່ລະປີຢ່າງຕໍ່ເນື່ອງ. ໃນນີ້, ງົບປະມານການລົງທຶນຂອງລັດ ປີ 2021 ຈໍານວນ 122 ຕື້ກວ່າກີບ, ປີ 2022 ຈໍານວນ 136 ຕື້ກີບ, ປີ 2023 ຈໍານວນ 178 ຕື້ກີບ; ການປ່ອຍສິນເຊື່ອຂອງທະນາຄານນະໂຍບາຍ 2.871 ຕື້ກວ່າກີບ. ໃນນັ້ນ, ຈຳນວນ 1.733 ຕື້ກວ່າກີບ ໄດ້ປ່ອຍໃຫ້ 1.345 ບ້ານ ແລະ 76 ເມືອງທຸກຍາກ.
ນອກຈາກນີ້, ຍັງມີງົບປະມານຊ່ວຍເຫລືອລ້າ, ກູ້ຢືມ, ການປະກອບສ່ວນຂອງຜູ້ປະກອບການ ແລະ ຂອງປະຊາຊົນ ທີ່ບັນດາຂະແໜງການກ່ຽວຂ້ອງຂັ້ນສູນກາງ ແລະ ທ້ອງຖິ່ນ ຈັດຕັ້ງປະຕິບັດໂຄງການຕ່າງໆ ເປັນຈຳນວນຫລາຍສົມຄວນ ໂດຍສະເພາະງົບປະມານຈາກທະນາຄານໂລກ, ທະນາຄານພັດທະນາອາຊີ, ອົງການຈັດຕັ້ງສາກົນ ເພື່ອການພັດທະນາ, ການຮ່ວມມື 2 ຝ່າຍ ກັບປະເທດເພື່ອນມິດ ແລະ ອື່ນໆ.
May be an image of 1 person and text