ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທົ່ວປະເທດ ຮັບຮອງເປັນເມືອງສາມັກຄີປອງດອງແລ້ວ 4 ເມືອງ

ໃນໂອກາດຂຶ້ນຜ່ານບົດລາຍງານຕໍ່ກອງປະຊຸມສາມັນຄົບຄະນະກໍາມະການສູນກາງແນວລາວສ້າງຊາດ ຄັ້ງທີ 5 ສະ ໄໝທີ X ຈັດຂຶ້ນຢູ່ຫໍປະຊຸມແຫ່ງຊາດ, ຫລັກ 6 ນະຄອນ ຫລວງວຽງຈັນ ໃນລະຫວ່າງວັນທີ 11-12 ສິງຫາ 2020 ທ່ານ ຄໍາໃບ ດໍາລັດ, ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ ໄດ້ຍົກໃຫ້ເຫັນວ່າ: ໃນໄລຍະຜ່ານມາ ແນວລາວສ້າງຊາດແຕ່ລະຂັ້ນໄດ້ເອົາໃຈໃສ່ຊຸກຍູ້-ຊີ້ນໍາຕໍ່ວຽກງານຂະບວນການສ້າງຄອບຄົວ ແລະ ບ້ານສາ ມັກຄີປອງດອງຂອງແນວລາວສ້າງຊາດ ຕິດພັນກັບການສ້າງບ້ານພັດທະນາ ແລະ ວຽກງານ 3 ສ້າງຂອງລັດຖະ ບານ ໂດຍຮູບການເຝິກອົບຮົມວຽກງານດັ່ງກ່າວ, ຊຸກຍູ້, ຕິດຕາມ ແລະ ປະເມີນຂະບວນການດັ່ງກ່າວໃນແຕ່ລະໄລຍະ ເຮັດໃຫ້ມາຮອດປັດຈຸບັນ ທົ່ວປະເທດສາມາດຮັບ ຮອງເປັນຄອບຄົວສາມັກຄີປອງດອງແລ້ວ ຈໍານວນ 745.760 ຄອບຄົວ, ຮັບຮອງເອົາບ້ານສາມັກຄີປອງດອງ ຈໍານວນ 5.002 ບ້ານ ແລະ ຮັບຮອງເມືອງສາມັກຄີປອງ ດອງໄດ້ 4 ເມືອງ ຄື: ເມືອງເງິນ, ເມືອງພຽງ ແລະ ເມືອງທົ່ງມີໄຊ, ແຂວງໄຊຍະບູລີ ແລະ ເມືອງທ່າພະບາດ, ແຂວງບໍລິຄໍາໄຊ.

ຮອງປະທານສູນກາງແນວລາວສ້າງຊາດ ຍົກໃຫ້ເຫັນຕື່ມວ່າ: ສະເພາະປີ 2020 ນີ້ ຄະນະກໍາມະການສູນກາງແນວລາວສ້າງຊາດຈະເພີ່ມທະວີວຽກງານສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດຕິດພັນກັບການສ້າງບ້ານພັດທະນາ ແລະ ວຽກງານ 3 ສ້າງຂອງລັດຖະບານ, ເອົາໃຈໃສ່ຊຸກຍູ້ຕິດຕາມ ແລະ ປະເມີນຜົນຂະບວນການດັ່ງກ່າວໃນແຕ່ລະໄລຍະ, ພ້ອມທັງຊຸກຍູ້ໃຫ້ໄດ້ປະກາດເປັນຄອບຄົວ ແລະ ບ້ານສາມັກຄີປອງດອງຕິດພັນກັບການຊຸກຍູ້ການຜະລິດເປັນສິນຄ້າແກ້ໄຂຄວາມທຸກຍາກໃຫ້ເພີ່ມຂຶ້ນຫລາຍກ່ວາເກົ່າ.

ໂດຍ: ບຸນຕຽງ ຈັນທະວົງ